> 2014 mes’e arbili 01 | ilMinuto

Archíviu de sa diri 1/04/2014

Biàgios: su progetu editoriale nou de IlMinuto notizie Mediterranee

(IlMinuto) – Casteddu, 1 de abrile – S’at a tzerriare Biàgios. Est custu su tìtulu chi amus donadu a su progetu editoriale nou de IlMinuto notizie Mediterranee. Cun una gràfica garbosa, immàgines esclusivas, argumentos modernos, testos chi ingòlumant a lèghere e consìgios ùtiles pro is biàgios, sa rubrica noa de su giornale in lìnia nche l’amus pensada gràtzias a un’istùdiu atentu a pitzu de is interessos possìbiles de is giòvanos.

Segundu un’indàgine chi at fatu su Cts intre unu campione de 306 persones, difatis, is pitzocos cumentzant a biagiare dae is 16 annos, e su biàgiu, cun totu su chi nd’essit a pitzu, comente crèschida de su nùmeru de persones connòschidas e de sas istòrias de pòdere contare, est su tzentru de is interessos de is pitzocos de cussa edade, chi sunt bastante mannos e autònomos pro si pòdere permìtere unu biàgiu chene chi los depant acumpangiare su babbu e sa mama.

Duncas Biàgios punnat a arribare a unu pùblicu de persones giòvanas, mescamente istudiantes de is iscolas superiores e de is primos annos de s’Universidade, gràtzias a unu argumentu interessante e cun sa possibilidade de retzire totu is noas de sa rubrica impreende una aplicatzione chi si podet isgarrigare de badas in su telefoneddu o in su tablet. Sighi a ligi ‘Biàgios: su progetu editoriale nou de IlMinuto notizie Mediterranee’

Pcl “difendeus a is otu fèminas denuntziadas po sa ‘còmpora pòbera’”

(IlMinuto) – Casteddu, 1 de su mesi de arbili – Otu fèminas de Casteddu denuntziadas po no ai pagau su chi ant comporau. “Su giornali ‘La Nuova Sardegna’ fait befa tzerriendi custa atzioni po difèndiri su diritu a sa vida, ‘còmpora pòbera’”. Est cantu denuntziat cun d-una nota de imprenta su “Partito Comunista dei Lavoratori”, pretzisendi ca “custas initziativas funt sèmpiri stètias fatas in is crisis capitalisticas mannas ma s’arrespusta de sa classi traballadora no podit essi custa”. Is militantis de Pcl afirmant ca “asuba de s’atzioni de custas fèminas andat fabricada s’initziativa polìtica”, poita oi no ddoi at abisòngiu de acrarai a su pòpolu chi no ddoi at essi recùperu e poita, – narant – “de ‘recùperu’ no ndi ddoi adai”. Sighi a ligi ‘Pcl “difendeus a is otu fèminas denuntziadas po sa ‘còmpora pòbera’”’

Eletzionis comunalis i europeas: si votat su 25 de su mesi de maju chi benit

(IlMinuto) – Casteddu, 1 de su mesi de arbili – Est stètia fissada de sa Giunta Regionali sa data po is eletzionis comunalis i europeas. S’at a votai su 25 de su mesi de maju chi benit. In d-un’ùnica diri is sardus ant a depi votai po su rennou de su parlamentu europeu e po s’eletzioni de is sìndigus e de is consillus comunalis de s’ìsula chi, intru de su 2014, depint fai su rennou insoru. Sighi a ligi ‘Eletzionis comunalis i europeas: si votat su 25 de su mesi de maju chi benit’

Su “quintetto” de Paolou Fresu in concertu in Casteddu po s’anteprima de “Forma e Poesia in su Jazz”

(IlMinuto) – Casteddu, 1 de su mesi de arbili – Su “quintetto” de Paolu Fresu at  a sonai in Casteddu, in is aposentus de s’Auditorium de su Conservatoriu Pierluigi da Palestrina, su 29 de su mesi de arbili chi benit, po s’anteprima de sa de dixasseti editzioni de “Forma e Poesia in su Jazz”, sa rassigna aprontada de sa mantessi coperativa in programa po su mesi de maju. Sighi a ligi ‘Su “quintetto” de Paolou Fresu in concertu in Casteddu po s’anteprima de “Forma e Poesia in su Jazz”’