> 2014 mes’e arbili 07 | ilMinuto

Archíviu de sa diri 7/04/2014

Sardigna, terra de istràngius

(IlMinuto) – Casteddu, 7 de su mesi de arbili – Mancai sa crisi ecònomica internatzionali e una sotziedadi agangada de su colonialismu ecònomicu e culturali italianu, funt in abundàntzia is personis chi lompint de diversus istadus de su mundu e chi “iscerant” sa Sardigna comenti logu innoia bivi, calencuna borta comenti logu provisòriu de su viàgiu insoru de circa de una vida prus bella. A cantu narat su Raportu “Sardigna in tzirfas 2014“, fatu de su Serbìtziu Istatistica de s’aministratzioni regionali chi s’agatat in su giassu de sa Regioni, est difatis de 35.610 unidadis sa “genti istràngia residenti in Sardigna a su 31 de su mesi de paschixedda de su 2012″. Sighi a ligi ‘Sardigna, terra de istràngius’

Serri alluit is motoris cun su 1° atòbiu Alfa Romeo istòricas

(IlMinuto) – Casteddu, 7 de su mesi de arbili – At essi sa Sardigna, su 18 de su mesi de maju chi benit, a fai de curnisa a su 1° atòbiu Alfa Romeo istòricas e glòrias betzas de s’automobilismu internatzionali. In custa diri, po sa festa de Santa Luxia de Serri, is Alfa Romeo, in compangia de àteras màchinas, ant a podi essi amiradas in totu sa bellesa insoru. S’atòbiu est prevìdiu in su logu fieristicu de Santa Luxia po is 9.00, at a sighiri a is 11.00 sa pichetada, mentras a is 12.00 is glòrias de s’Alfa Romeo, cant a fai unu giru mannu po is arrugas de sa bidda in provìtzia de Casteddu. Sighi a ligi ‘Serri alluit is motoris cun su 1° atòbiu Alfa Romeo istòricas’

“Afràsciu de Infiniu, MareMuro, oriduras po unu diàlogu ‘realmeraviglioso’”: Ulassa amentat a Mària Lai

(IlMinuto) – Casteddu, 7 de su mesi de arbili – Po su primu anniversàriu de sa morti de s’artista, sa Fondatzioni Istatzioni de s’arti de Ulassa, Museu de Arti contemporanea dedicau a Mària Lai, aprontat po mèrculis 16 de su mesi de arbili a cumentzai de is 16.00 sa proposta “Mària Lai Afràsciu de Infiniu, MareMuro, oriduras po unu diàlogu ‘realmeraviglioso’”. Ant essi in totu duus is mamentus de atopu chi s’ant a isboddiai in s’Ex Istatzioni Ferruviaria, in s’istrada provintzili nùmeru 11 in Ulassa. Sighi a ligi ‘“Afràsciu de Infiniu, MareMuro, oriduras po unu diàlogu ‘realmeraviglioso’”: Ulassa amentat a Mària Lai’