> 2014 mes’e arbili 15 | ilMinuto

Archíviu de sa diri 15/04/2014

Summer Event Corfù: una vacàntzia dedicada a s’ispàssiu chene làcanas

(IlMinuto) – Casteddu, 15 de abrile – Si narat Summer Event e est una festa manna pro is istudiantes, in ue podes partetzipare tue puru! Unu biàgiu a s’ìsula de Corfù, unu paradisu de connòschere, est una festa de colores, chi est isceti pro is giòvanos dae is 18 a is 25 annos.

Custa vacàntzia est nàschida gràtzias a su traballu comunu de is mègius assòtzios e grustos de istudiantes cun s’agentzia de operadores de biàgios VGmani.

Un’idea noa de vacàntzia, un’esperièntzia ùnica e mala a ismentigare in ue is protagonistas sunt pitzocos, istudiantes de is iscolas superiores, universitàrios e giòvanos traballadores dae is 18 a is 25 annos chi ant gana de s’ispassiare, connòschere gente noa e fàghere esperièntzias in pare cun àteros giòvanos e giòvanas che a issos.

Ais cròmpidu sa maturidade? Is esàmines universitàrios sunt acabados? Lassade is libros, tzerriade a is cumpàngios bostros de is cursos, a is amigos e a is collegas de su traballu e partide pro una vacàntzia dedicada a s’ispàssiu chene làcanas!

Sighi a ligi ‘Summer Event Corfù: una vacàntzia dedicada a s’ispàssiu chene làcanas’

In Bidoniu unu Lùnis de Pasca in nòmini de s’angioni

(IlMinuto) – Casteddu, 15 de su mesi de arbili – Torrat s’atopu de su Barigadu cun “Sa Sagra de S’Anzone”. Lòmpiu a sa de sexi editzioni sua, s’atòbiu est fissau po lùnis 21 de su mesi de arbili in su pinedu de Bidoniu. Aici comenti dògnia annu sa biddixedda in provìntzia de Aristanis fait sa Sagra eno-gastronomica dedicada a s’angioni sardu, una manera diversa de passai su Lùnis de Pasca. Sighi a ligi ‘In Bidoniu unu Lùnis de Pasca in nòmini de s’angioni’

“Sa tzacarrada” de Giovanni Piperno po s’ùrtimu atopu de “istòrias de tzitadi”

(IlMinuto) – Casteddu, 15 de su mesi de arbili – Lompit s’ùrtimu atopu po sa rassigna de tzìnema “Istòrias de tzitadi” aprontada de su Cìrculu de su Tzìnema FICC “LaboratorioVentotto” e de s’assòtziu “L’Ambulante”. Sighi a ligi ‘“Sa tzacarrada” de Giovanni Piperno po s’ùrtimu atopu de “istòrias de tzitadi”’

Po cantu Bidhanoa

Venutu Lobina

Po cantu Bidhanoa

(Editzionis 2D Mesuterrànea, Castedhu-Tàtari 1987, pàginis 166/168)

Su Butegheri fut bessiu a Sa Pratzita, fut fendu tempus bonu. Ma deu creu ca fut Sa Pratzita chi dh’iat tzerriau, Sa Pratzita chi boliat intendi ancora is contus de calincunu chi fut torrau, de innui si siat chi essit torrau, fessit chini fessit.

Perou su fillu de Su Butegheri, prus de contai su ca iat fatu in Àfriga, iat dépiu arrespundi a is preguntas chi dh’iant fatu tres o cuàturu cumbatentis antzianus della ’15-’18, una spétzia de interrogatóriu:

“Deu no arrennésciu a cumprendi eita de arratza de guerra eis fatu bosàturus. In seti mesis anca eis conquistato tutto l’impero etiopico, cosa de nudha. Ma fut guerra de movimentu, o ita guerra fut?”

“Nareus ca fut guerra di movimento, s’Àfriga no est logu de dhu fàiri una guerra di posizione, che sa chi eis fatu bosàturus. Per lo più andiaus all’inseguimento dell’esercito abbissino o delle bande, apustis chi s’aviatzioni dhus iat mitralliaus”. Sighi a ligi ‘Po cantu Bidhanoa’