> 18 « mes’e arbili « 2014 « ilMinuto – notizie Mediterranee – edizione Sardegna

Archíviu de sa diri 18/04/2014

Gestioni sanitària de s’allevamentu biològicu. Duus avenimentus de annestru

(IlMinuto) – Casteddu, 18 de su mesi de arbili – Funt duus is venimentus de annestru aprontaus in Nùgoro po su 29 e po su 30 de su mesi de arbili chi benit po chistionai de gestioni sanitària de s’allevamentu biològicu. Funt custus duus cursus de annestru, aprontaus de s’Izs Sardigna e s’unu e s’àteru cun arreconnoscimentu Ecm, e s’indiritzant a is veterinaius de is Asl, a is professioneris lìberus, a is biologus, a is chìmicus, a si potecàrius e a is “biotecnologi” de s’Izs. Sighi a ligi ‘Gestioni sanitària de s’allevamentu biològicu. Duus avenimentus de annestru’

Enne: “Istrutzioni e traballu po torrai a promovi s’Ogiastra”

(IlMinuto) – Casteddu, 18 de su mesi de arbili – Est ingìriu de su 30% su peschentu de spartzinadura iscolastica de sa Sardigna, terra innoia su nùmeru de is dipromaus est de pagu prus de su 21%. In custu cuadru s’Ogiastra si insertat cun d-unu peschetnu de su 18%, cun craresa asuta meda de sa mèdia isulana. A is datus iscolàsticus s’aciungint is de unu disimpreu chi cresciat sèmpiri de prus. Nùmerus grais, fillus de su rispàrmiu e de is polìticas chi preferint sa militarizatzioni comenti risossa, ferrendi in manera grai sa sotziedadi. Una problema polìticu primu de essi sotziali, chi comenti in s’acontèssia de s’Ogiastra in is ùrtimus tempus isfogat in concruidas de còmodu resùmias de is sòlitas formulas bècias “Ogiastra terra rebesta” e “Ogiastra terra de malèstigus”. Sighi a ligi ‘Enne: “Istrutzioni e traballu po torrai a promovi s’Ogiastra”’

Juan Rulfo o mellus s’inspiradori de Gabrieli Garcia Marquez e de Venutu Lobina

In dunu de is amentus de issu e totu, Gabrieli Garcia Marquez, contat cudhu chi dhi fiat sutzèdiu:
“Àlvaro Mutis nci fiat ampuau a ancadas mannas is seti pranus de sa domu de mei e totu cun dunu imbodhicàmini de una meca de lìbburus, iat pratziu de totu su muntoni su prus pitichedhedhu e m’iat nau arriendi a scracàllius: “Ligidia custu sciollòriu, catzu, e impara!”.
Fiat su lìbburu “Pedru Pàramo”. Cudha noti no femu arrenèsciu a dromiri ainnantis de dh’èssiri lìgiu sa de duas bortas”.
Arrogu liau de sa parti de aintru de sa crubeca de a palas de su lìbburu, “Pedru Pàramo”, Editzionis Einaudi, Turinu, 2004.
Ventutu Lobina at nau issu e totu, in duna interbista, ca su scriri de Juan Rulfo in cudhu libburedhu de 120 pàginis dh’iat donau s’inspiratzioni po scriri Po cantu Bidhanoa. Sighi a ligi ‘Juan Rulfo o mellus s’inspiradori de Gabrieli Garcia Marquez e de Venutu Lobina’