> 2014 mes’e arbili 23 | ilMinuto

Archíviu de sa diri 23/04/2014

Artistas sardus in Parigi. In su mesi de maju sa XII editzioni de “Les Arts Florissants de la Sardaigne”

(IlMinuto) – Casteddu, 23 de su mesi de arbili – at a cumentzai du 12 de su mesi de maju chi benit sa XII editzioni de “Les Arts Florissants de la Sardaigne”, cincu diris de iscàmbiu e cunfrontu intre sa Frantza e sa Sardigna in programa in Parigi. Aghilliu in is aposentus de sa Maison d’Italie, in sa Cité Universitarie de Parigi, Les Arts Florissants de la Sardaigne est s’avenimentu innoia sa Sardigna ponit in mostra su mellus de sa cultura sua e de is artistas suus cun aparadas, tzìnema d’essai, mùsica e circas visvas. A aprontai s’avenimentu est s’assòtziu culturali “Suoni & Pause”, ghiau de sa pianista Irma Toudjian.

Sighi a ligi ‘Artistas sardus in Parigi. In su mesi de maju sa XII editzioni de “Les Arts Florissants de la Sardaigne”’

In Orgòsolo “Quirra Megastore, storie di poligoni e servitù”

(IlMinuto) – Casteddu, 23 de su mesi de arbili – “Quirra Megastore, storie di poligoni e servitù” est s’ispetàculu de Màuru Salis chi at a essi aghilliu in Orgòsolo, in s’auditorium comunali, giòbia 24 de su mesi de arbili a cumentzai de is 20.00. In “Quirra Megastore, storie di poligoni e servitù” s’autori-atori, fundendusì asuba de unu traballu de istùdiu faineri, contat cun is tonus praxibis de sa farsa su “mistèriu alligru” de su bisestru militari de sa Sardigna. Sighi a ligi ‘In Orgòsolo “Quirra Megastore, storie di poligoni e servitù”’

28 de su mesi de arbili, Diri Mondiali de is vitimas de s’Amiantu

(IlMinuto) – Casteddu, 23 de su mesi de arbili – “S’ùnicu fiu de amiantu chi no fait mali est su chi no si respirat”. Ddu depeus amentai su 28 de su mesi de arbili chi benit, Diri Mondiali de is Vitimas de s’amiantu. In custa Diri de apensu e de gherru po su diritu a sa Saludi, e po su diritu a su Traballu Seguru, Sanidadosu e fatu in Seguràntzia, s’AFeVA Sardigna Onlus aprontat duas manifestadas, una in Casteddu e s’àtera in Roma. Sa manifestada casteddaia at a afestai su 28 de su mesi de arbili, Die de sa Sardigna, cun d-un’acumpangiamentu chi at a ametai unu de is diversus carruncus chi ferrint a s’ìsula, su de s’amiantu. Sighi a ligi ’28 de su mesi de arbili, Diri Mondiali de is vitimas de s’Amiantu’