> 28 de su mesi de arbili, Diri Mondiali de is vitimas de s’Amiantu | ilMinuto

28 de su mesi de arbili, Diri Mondiali de is vitimas de s’Amiantu

(IlMinuto) – Casteddu, 23 de su mesi de arbili – “S’ùnicu fiu de amiantu chi no fait mali est su chi no si respirat”. Ddu depeus amentai su 28 de su mesi de arbili chi benit, Diri Mondiali de is Vitimas de s’amiantu. In custa Diri de apensu e de gherru po su diritu a sa Saludi, e po su diritu a su Traballu Seguru, Sanidadosu e fatu in Seguràntzia, s’AFeVA Sardigna Onlus aprontat duas manifestadas, una in Casteddu e s’àtera in Roma. Sa manifestada casteddaia at a afestai su 28 de su mesi de arbili, Die de sa Sardigna, cun d-un’acumpangiamentu chi at a ametai unu de is diversus carruncus chi ferrint a s’ìsula, su de s’amiantu.S’acumpangiamentu de is traballadoris “esposti” i “ex esposti”, de is familiaris e de is vitimas de s’amiantu e de is tzitadinus cordozosus a su tema at a movi a is 9.30 de pratza s’Unioni Sarda e at a acabai cun d-unu sit-in a faci de su palatzu de sa Regioni cun s’iscopu de “coberai – si ligit in d-una nota de imprenta – totu s’arrealia a is promissas, iscritas puru, ma chi no funt stètias mantènnias o chi funt stètias difèndias pagu beni, po s’ausèntzia de cumprimentu, de parti de Guvernu Regionali passau, de s’Odg n.85 de su 13 de su mesi de làmpadas de su 2012 e po s’esclusioni, de parti de su Guvernu Natzionali, de su prus de is traballadoris sardus “esposti” a s’Amiantu, militaris puru, de s’arreconoscimentu de is benefìtzius ‘previdenziali’”.

© RIPRODUZIONE RISERVATA

0 Arrespustas a “28 de su mesi de arbili, Diri Mondiali de is vitimas de s’Amiantu”


Is cummentus funt serraus.