> In Bidoniu unu Lùnis de Pasca in nòmini de s’angioni « ilMinuto – notizie Mediterranee – edizione Sardegna

In Bidoniu unu Lùnis de Pasca in nòmini de s’angioni

(IlMinuto) – Casteddu, 15 de su mesi de arbili – Torrat s’atopu de su Barigadu cun “Sa Sagra de S’Anzone”. Lòmpiu a sa de sexi editzioni sua, s’atòbiu est fissau po lùnis 21 de su mesi de arbili in su pinedu de Bidoniu. Aici comenti dògnia annu sa biddixedda in provìntzia de Aristanis fait sa Sagra eno-gastronomica dedicada a s’angioni sardu, una manera diversa de passai su Lùnis de Pasca. S’angioni prodùsiu de sa traditzioni pastorali de s’ìsula, at essi protagonista de is afestus e at essi donau a is chi pigant parti a sa festa, coxinau sighendi diversas arratzetas de sa coxina isulana. In Bidoniu no ddo at essi scéti cosa de papai, ma puru divertimentu e mùsica bella, cun s’organetu de Silvanu Fadda, sa tastiera de Giuanni Demelas e is boxis de Lisandru Melis e Carlu Crisponi. Po ndi isciri de prus telefonai a is nùmerus: 0783 695010 – 0783 69243 – 340 0923019

© RIPRODUZIONE RISERVATA

0 Arrespustas a “In Bidoniu unu Lùnis de Pasca in nòmini de s’angioni”


Is cummentus funt serraus.