> Artistas sardus in Parigi. In su mesi de maju sa XII editzioni de “Les Arts Florissants de la Sardaigne” | ilMinuto

Artistas sardus in Parigi. In su mesi de maju sa XII editzioni de “Les Arts Florissants de la Sardaigne”

(IlMinuto) – Casteddu, 23 de su mesi de arbili – at a cumentzai du 12 de su mesi de maju chi benit sa XII editzioni de “Les Arts Florissants de la Sardaigne”, cincu diris de iscàmbiu e cunfrontu intre sa Frantza e sa Sardigna in programa in Parigi. Aghilliu in is aposentus de sa Maison d’Italie, in sa Cité Universitarie de Parigi, Les Arts Florissants de la Sardaigne est s’avenimentu innoia sa Sardigna ponit in mostra su mellus de sa cultura sua e de is artistas suus cun aparadas, tzìnema d’essai, mùsica e circas visvas. A aprontai s’avenimentu est s’assòtziu culturali “Suoni & Pause”, ghiau de sa pianista Irma Toudjian.

Intre is artistas protagonistas de sa manifestada, funt medas is nòminis chi ant gia arriciu arreconnoscimentus de importu. De Lia Origoni a su pianista Samuel Tanca, de su regista Giovanni Coda a sa fotografa Nadia Prete, de Carla Cristofoli e Maria Luisa Massa a Chiara Sulis e Francesco Giusiani. Su sipàriu de s’editzioni de su 2014 de “Les Arts Florissants de la Sardaigne” at essi serrau de su film de su regista Tore Manca “Lia: music non stop” dedicau a Lia Origoni, tìpiri connota in totu Europa

© RIPRODUZIONE RISERVATA

0 Arrespustas a “Artistas sardus in Parigi. In su mesi de maju sa XII editzioni de “Les Arts Florissants de la Sardaigne””


Is cummentus funt serraus.