> Gestioni sanitària de s’allevamentu biològicu. Duus avenimentus de annestru | ilMinuto

Gestioni sanitària de s’allevamentu biològicu. Duus avenimentus de annestru

(IlMinuto) – Casteddu, 18 de su mesi de arbili – Funt duus is venimentus de annestru aprontaus in Nùgoro po su 29 e po su 30 de su mesi de arbili chi benit po chistionai de gestioni sanitària de s’allevamentu biològicu. Funt custus duus cursus de annestru, aprontaus de s’Izs Sardigna e s’unu e s’àteru cun arreconnoscimentu Ecm, e s’indiritzant a is veterinaius de is Asl, a is professioneris lìberus, a is biologus, a is chìmicus, a si potecàrius e a is “biotecnologi” de s’Izs. “In s’allevamentu biològicu e po su prus in sa ‘zootecnia’ chi bollat sighiri modellus de sustenibilidadi ambientali e de ètica de raportu òmini-animabi, s’agiudu veterinàriu at a depi essi mannu meda e s’at a depi collegai cun àteras cumpetèntzias comenti is ‘agronomiche’, is ‘zootecniche’, is biològicas, is chìmicas, is ‘farmacologiche’ e is ecologicas”. Ant a partiri pròpriu de custu inzitu is duus avenimentus asuba de sa gestioni sanitària de s’allevamentu biològicu chi at a afrontai formas pràtigas e “applicativi” cun butegas didàticas aprontadas de s’Istitutu “zooprofilattico” isperimentali de sa Sardigna. Su primu seminàriu s’at a isboddiai in s’Euro Hotel de is 8.30 a is 18.00, su segundu atopu, imbecis, s’at a isboddiai de is 9.00 a is 17.00 in d-un’azienda agricula e botànica in su territòriu de Nùgoro e in d-un’azienda “zootecnica” de Bitzi. Po s’iscriri a is avenimentus, est netzessàriu a si collegai a s’indiritzu http://providerecm.sardegnasalute.it no prus a tradu de su 24 de su mesi de arbili chi benit

Fotografia de Marie. N. Pigada de Flickr

© RIPRODUZIONE RISERVATA

0 Arrespustas a “Gestioni sanitària de s’allevamentu biològicu. Duus avenimentus de annestru”


Is cummentus funt serraus.