> Sa comunicatzioni de sa cultura a is tempus de is social media: In Casteddu workshop cun Luisella Carnelli « ilMinuto – notizie Mediterranee – edizione Sardegna

Sa comunicatzioni de sa cultura a is tempus de is social media: In Casteddu workshop cun Luisella Carnelli

(IlMinuto) – Casteddu, 10 de su mesi de arbili – In cali modu depit essi ghiada sa comunicatzioni de sa cultura a is tempus de is social media? E intre is medas social chi teneus cali funt is chi permitint diaderus de tenni un’intramentu? Si nd’at a chistionai sàbudu 12 de su mesi de arbili a cumentzai de is 9.30 in su Conservatòriu de mùsica Giovanni Pierluigi Da Palestrina de Casteddu cun con Luisella Carnelli. S’atopu tenit comenti tìtulu “Is làcanas de su social media marketing po is artis e sa cultura”. Su workshop est su de cuàturu de s’editzioni de su 2014 de su MAS, su cursu de management de s’arti e de s’ispetàculu promòviu de s’UNASp/ACLI de Casteddu, cun s’agiudu de su Conservatòriu Istatali de Mùsica “Giovanni Pierluigi da Palestrina” e de sa Facoltadi de Iscièntzias Ecònomicas, Giuridicas e Polìticas – Cursu de Laurea in Iscièntzias de s’Aministratzioni. A is iscientis de sa Mas sa Carnelli at a ispiegai comenti e poita comunicai atressu de is social media e cali funt is chi funt prus ùtilis

Fotografia de opportplanet. Pigada de Flickr

© RIPRODUZIONE RISERVATA

0 Arrespustas a “Sa comunicatzioni de sa cultura a is tempus de is social media: In Casteddu workshop cun Luisella Carnelli”


Is cummentus funt serraus.