> Mostras: in su T Off de Casteddu arribant is “Diàlogus” de Pinna | ilMinuto

Mostras: in su T Off de Casteddu arribant is “Diàlogus” de Pinna

(IlMinuto) – Casteddu, 3 de su mesi de arbili – At essi inaugurada cenàbara 4 de su mesi de arbili a is 18.30 in su teatru T Off, in arruga Nazario Sauro 6 in Casteddu, “Diàlogus” s’aparada de su pintori, burinadori, graphic designer e fotografu Otaviu Pinna. “Diàlogus” est una mostra fotografica, aprontada de s’assòtziu culturali “Suoni & Pause” cun s’agiudu de s’assòtziu Tersicorea de Simonedda Pusceddu. Cun “Diàlogus” is màginis arregotas in pannellus e in lìburus de artista pigant fortza manna de amentu e abiléntzias produtivas de significaus nous. “Apabas duncas de una rapresentada de su veru, in is facis suas de subrafaci – si ligit in su lìburu de presentada de sa mostra -, s’autori at bòfiu, a cumentzai de su ‘carattere binario’ de sa mantessi forma aparadora, propòniri una lèzida po màginis chi potzat favorèssiri sa participatzioni de sa pròpriu esperièntzia estetica, permitendi a dognunu unu caminu interpretativu personali”. Is òperas de Pinna funt stètias aparadas in diversas mostras colletivas e ant passau is làcanas de sa Sardigna po essi presentadas a travessu po s’Itàlia, in Frantza e in Brasile. S’aparada at a abarrai oberta fintzas a domìnigu 6 de su mesi de arbili de is 10.00 a is 13.00 e de is 17.00 a is 20.00.

© RIPRODUZIONE RISERVATA

0 Arrespustas a “Mostras: in su T Off de Casteddu arribant is “Diàlogus” de Pinna”


Is cummentus funt serraus.