> Pcl “difendeus a is otu fèminas denuntziadas po sa ‘còmpora pòbera’” « ilMinuto – notizie Mediterranee – edizione Sardegna

Pcl “difendeus a is otu fèminas denuntziadas po sa ‘còmpora pòbera’”

(IlMinuto) – Casteddu, 1 de su mesi de arbili – Otu fèminas de Casteddu denuntziadas po no ai pagau su chi ant comporau. “Su giornali ‘La Nuova Sardegna’ fait befa tzerriendi custa atzioni po difèndiri su diritu a sa vida, ‘còmpora pòbera’”. Est cantu denuntziat cun d-una nota de imprenta su “Partito Comunista dei Lavoratori”, pretzisendi ca “custas initziativas funt sèmpiri stètias fatas in is crisis capitalisticas mannas ma s’arrespusta de sa classi traballadora no podit essi custa”. Is militantis de Pcl afirmant ca “asuba de s’atzioni de custas fèminas andat fabricada s’initziativa polìtica”, poita oi no ddoi at abisòngiu de acrarai a su pòpolu chi no ddoi at essi recùperu e poita, – narant – “de ‘recùperu’ no ndi ddoi adai”. E sighint: “si s’arriscat, comenti ant fatu cuddas fèminas, tocat arriscai aprontendi su gherru de ‘massa’ ocupendi is comunus, arrochendi is domus de is bancas, ocupendi is domus de is partidus a cumentzai de is [...] de su ‘Partito Democratico’”. Su “Partito comunista dei lavoratori” bit, difatis, pròpriu in s’initziativa de is otu fèminas, s’intzimia gràtzias a sa cali “s’atzioni e ‘massa’ no depit essi prus un’atzioni simbolica, simplementi de denùntzia o po atirai s’atentzioni de is media o de Papa Frantziscu”.

© RIPRODUZIONE RISERVATA

0 Arrespustas a “Pcl “difendeus a is otu fèminas denuntziadas po sa ‘còmpora pòbera’””


Is cummentus funt serraus.