> Torrat a partiri su collegamentu de su mesì intre Tàtari, Tula e Àldara | ilMinuto

Torrat a partiri su collegamentu de su mesì intre Tàtari, Tula e Àldara

(IlMinuto) – Casteddu, 2 de su mesi arbili – Est torrau ariseru cun su determinu n. 134 de s’Assessorau de is Trasportus de sa Regioni Autònoma de Sardigna su collegamentu de su merì atressu de postali de lìnia intre sa tzitadi de Tàtari e is Comunus de Tula e Àldara. S’Assessororau de is Trasportus de sa RAS at difatis atzetau sa dimanda chi ant fatu impari is Sìndigus de is duas biddas logudoresas su 14 de su mesi de fiàrgiu passau. Su Primu Tzitadinu de Tula Andria Becca e su Primu Tzitadinu de Àldara Frantziscu Diu ant aghilliu cun prexu mannu sa detzisioni, chi permitit a istudiantis, traballadoris e a meda àterus de viagiai cun prus facilidadi de e abia de sa tzitadi turritana. Su serbìtzu at essi garantiu de su lùnis a su sàbudu.

© RIPRODUZIONE RISERVATA

0 Arrespustas a “Torrat a partiri su collegamentu de su mesì intre Tàtari, Tula e Àldara”


Is cummentus funt serraus.