> Sardigna, terra de istràngius | ilMinuto

Sardigna, terra de istràngius

(IlMinuto) – Casteddu, 7 de su mesi de arbili – Mancai sa crisi ecònomica internatzionali e una sotziedadi agangada de su colonialismu ecònomicu e culturali italianu, funt in abundàntzia is personis chi lompint de diversus istadus de su mundu e chi “iscerant” sa Sardigna comenti logu innoia bivi, calencuna borta comenti logu provisòriu de su viàgiu insoru de circa de una vida prus bella. A cantu narat su Raportu “Sardigna in tzirfas 2014“, fatu de su Serbìtziu Istatistica de s’aministratzioni regionali chi s’agatat in su giassu de sa Regioni, est difatis de 35.610 unidadis sa “genti istràngia residenti in Sardigna a su 31 de su mesi de paschixedda de su 2012″. Una tzirfa chi, de is 29.537 presèntzias de su 2008 a is 35.610 de su 2012, es amanniada fatuvatu de annu in annu (liendi scéti is duus annus de su 2010-2011, candu sa “genti istràngia residenti” iat registrau un’abentu de 6.842 unidadis). Is fèminas istràngias (20.324) funt de prus de is mascus (15.286) e ddus bincint de prus de 5milla unidadis. Su prus de is istràngius  s’istabilit in tres tretus provintzialis: Casteddu (11.824), Tàtari (3.824) e Terranòa-Tèmpiu (8.647).

© RIPRODUZIONE RISERVATA

0 Arrespustas a “Sardigna, terra de istràngius”


Is cummentus funt serraus.