> Tièsi: “Sa Die de sa Patria Sarda” oi “Sos indipendentistas pro sa limba sarda: propostas possibilidades, peleas” | ilMinuto

Tièsi: “Sa Die de sa Patria Sarda” oi “Sos indipendentistas pro sa limba sarda: propostas possibilidades, peleas”

(IlMinuto) – Casteddu, 28 de su mesi de arbili – “Cando si tenet su entu est pretzisu entulare”. Acabant oi is tres diris istòricas e de cumbata “Sa Die de sa Patria Sarda”, chi bit sa bidda de Tièsi comenti protagonista. A aprontai sa manifestada est stètiu comenti sèmpiri su Comitadu 28 de Abrile, chi ocannu puru s’est fatu promotori de su recùperu de sa mamòria istòrica de is rebellias contra a su feudalesimu de su 1976. Duas diris cumprias, is passadas in sa bidda sìmbolu de s’aguantu sardu, innoia funt stètias diversas is manifestadas in programa: de s’”estemporanea” de is “muralisti” e “writers” a su concertu de is Tzocu, de su pràngiu sotziali cun petza arrustu in sa pratza de su comunu a is ballus sardus e su sèmpiri presenti sorteamentu po sa loteria “Una cuba pro sa Patria”. Sa manifestada si serrat oi, 28 de su mesi de arbili cabendi su sipàriu in bellesa cun d-una proposta asuba de sa lìngua. Est difatis prevìdiu, a cumentzai de is 17.00 in is aposentus de sa saba Sassu, s’atopu “Sos indipendentistas pro sa limba sarda: propostas possibilidades, peleas”. Unu cunvegnu- cunfrontu chi tenit s’iscopu de lompi a una sìntesi chistionendi de una proposta comuna po fai su bilinguismu in Sardigna un’iscera cuncreta

© RIPRODUZIONE RISERVATA

0 Arrespustas a “Tièsi: “Sa Die de sa Patria Sarda” oi “Sos indipendentistas pro sa limba sarda: propostas possibilidades, peleas””


Is cummentus funt serraus.