> Tula esonerat is tzitadinus de sa Tasi | ilMinuto

Tula esonerat is tzitadinus de sa Tasi

(IlMinuto) – Casteddu, 26 de su mesi de maju – Est forti sa boluntadi de s’Aministratzioni tulesa de alligerai a is tzitadinus de is pagamentas. Sa diri de su 23 de su mesi de maju passau difatis, su Consillu comunali a s’unanimidadi at determinau de esentai da su pagamentu de sa Tasi chi tenit primu e segundu domu, is meris de tretus frabicabilis e de fabricaus a impitu agricolu. Sa Pagamenta asuba de is Serbìtzius “Indivisibili” s’at a pagai iscéti po is fabricaus de tipu D1 e acapiaus a no prus de cincu atividadis in totu su territòriu comunali. No est sa primu borta chi su Comunu de Tula si fait boxi de su discumbèniu econòmicu de is tulesus. Giai in su 2011 iat esentau is meris de sa primu domu de sa pagamenta Imu. “Bia sa crisi de oi – at acrarau su primu tzitadinu Andrea Becca – mancai is diversus arragus chi funt ferrendi a is Comunus puru, s’est partu giustu pentzai a sa populatzioni, istabilendi a s’unanimidadi de esentai de su upagamentu de sa pagamenta is meris de primu e segundu domu, de tretus fabricabilis e de fabricaus a impitu agriculu. Sa pagamenta at a depi essi pagada iscéti po is istruturas chi faint parti de su tipu D1, est a nai po is fabricas”.

Fotografia de andrea floris. Pigada de Flickr

© RIPRODUZIONE RISERVATA

0 Arrespustas a “Tula esonerat is tzitadinus de sa Tasi”


Is cummentus funt serraus.