> Cenàbara in su Binaghi de Casteddu su prevenimentu est a gratis | ilMinuto

Cenàbara in su Binaghi de Casteddu su prevenimentu est a gratis

(IlMinuto) – Casteddu, 8 de su mesi de maju – Su “Il Presidio Ospedaliero Binaghi”, cenàbara 9 de su mesi de maju de is 8.00 a is 13.00 oberrit is ennas a totus is fèminas chi ant bolli fai visitas o cuntrollus o pediri parris, totu a gratis e chentza de abisòngiu de prenotai. Totus is operadoris de su “Centro Donna”, difatis, de is 8.00 a is 13.00, ant essi a su serbìtziu de chini at bolli fai a gratis su pap test, sa visita ginecologica, sa visita senologica, e de chini pedit su serbìtziu psicologicu, annestru alimentari. Is fèminas in “postmenopausa” ant podi fai sa “densitometria calcaneale”, est a nai sa diàgnosi de s’osteoporosi, e, andendi in su Serbìtziu de Cardiologia, ant a podi fai sa visita po s’avaloramentu de is fatoris de arriscu “cardiovascolari”. In su mantessi tempus. sèmpiri aintru de su “Centro Donna”, de is 9.00 a is 13.00, is operadoris de su “Centro Antifumo” de sa U.O. de “Pneumologia” territoriali ant a donai scedas e consillus asuba de sa dipendèntzia de su fumu a is fèminas chi fumant, chi s’ant podi fai misurai puru su “monossido di carbonio” po valutai sa dipendèntzia de su tabacu.

Fotografia de Let Ideas Compete. Pigada de Flickr

© RIPRODUZIONE RISERVATA

0 Arrespustas a “Cenàbara in su Binaghi de Casteddu su prevenimentu est a gratis”


Is cummentus funt serraus.