> ProgReS Progètu Republica Nùgoro puru tenit su coordinamentu nou suu | ilMinuto

ProgReS Progètu Republica Nùgoro puru tenit su coordinamentu nou suu

(IlMinuto) – Casteddu, 24 de su mesi de làmpadas – ProgReS Progètu Republica Nùgoro puru, agoa de su Cungressu chi s’est isboddiau su mesi de maju passau in Tàtari, tenit su coordinamentu nou suu. A ghiai sa regioni nugoresa at essi Tore Tedde. Funtzionàriu Arst e nòmini nòdiu in su mundi de is assòtzius e de su volontariau, Tedde tenit a is padas perìodus de “militanza” polìtica e sindacali in su territòriu. Cun issu Maria Grazia Depalmas comenti Responsàbili Organizatzioni, Elias Seddone comenti Tesoreri, Luigi Cocco come Responsàbili Annestru e Angela Maria Cuccuru come Responsàbili Comunicatzioni. “Seu de ProgReS Progètu Republica fintzas de sa nàscida sua, e apu acetau cun altària e credètzia de mi ndi pigai sa ghia in nùgoro po s’annu chi benit – comentat su Coordinadori nou Tore Tedde -; de annus medas apu iscerau de dedicai s’impignu polìticu miu a sa terra mia e a is chi coment a mimi dda bivint: apa a sighiri a ddu fai comenti Coordinadori de ProgReS Nùgoro a cumentzai de is logus innoia bivu, traballu e tengu raportus cun is àterus”. Presentis in is batallas cìvicas po s’amparu de su territòriu, de s’ambienti e de s’ecunumia – de s’incinixadori de Tossilo a sa Tzentrali a craboni de Otzana, de is diversus Depuradoris guastus in is Comunus a is progetus foras de contu de isfrutamentu de s’eòlicu – su cordinamentu e is ativistas de Progètu Republica Nùgoro afirmant ca oi prus de sèmpiri est unu doveri cìvicu a si pigai cura e a si pigai is responsabilidadis de amparai sa Sardigna, de dda mellorai e de dda fai prus “vivibile”

© RIPRODUZIONE RISERVATA

0 Arrespustas a “ProgReS Progètu Republica Nùgoro puru tenit su coordinamentu nou suu”


Is cummentus funt serraus.