> Un’atu de acanarjadura nou a s’indipendentista Bruno Bellomonte | ilMinuto

Un’atu de acanarjadura nou a s’indipendentista Bruno Bellomonte

(IlMinuto) – Casteddu, 16 de su mesi de làmpadas – Un’acanarjadura. Est custa sa definitzioni donada de is indipendentistas de A Manca pro s’Indipendentzia a petus de s’operatzioni de scontròriu chi bit una borta galu comenti protagonista a su ferrovieri e sindacalista inidipendentista Bruno Bellomonte. A otu annus giustus de sa primu udièntzia de su protzessu po s’operatzioni Arcadia, chi in su 2006 iat portau a s’arrestu de 10 militantis de sa manca indipendentista intre is calis su mantessi Bellomonte, su 12 de su mesi de làmpadas passau “is Ferrovias de s’Istadu ant determinau de firmai su traballu po 60 diris a su cumpàngiu, dirigenti e boxi de s’organizatzioni, afirmendi de essi benius a connoscèntzia ‘ de pagu tempus’ de s’imputassioni po sa cali iat tentu unu primu arrestu in su 2006″. Est cantu iscritu in d-unu comunucau fatu connosci de A Manca pro S’Indipendentzia, chi aciungit “Custu atu de acanarjadura nou amostat comenti candu si fueddat de unu traballadori impignau e piliticamenti ‘iscòmudu’ su scòntroriu si movat asegus meda de is ambientis de is Procuras”

© RIPRODUZIONE RISERVATA

0 Arrespustas a “Un’atu de acanarjadura nou a s’indipendentista Bruno Bellomonte”


Is cummentus funt serraus.