> Poligonus. Zuncheddu: “S’Istadu pigat tempus” | ilMinuto

Poligonus. Zuncheddu: “S’Istadu pigat tempus”

(IlMinuto) – Casteddu, 16 de su mesi de làmpadas – “S’Istadu italianu no tenit intentzioni de ‘smilitarizzare’ is tres poligonus in Sardigna”. Est cantu afirmat s’ex-consillera regionali Claudia Zuncheddu pretzisendi ca “su poligonu de Ciurra est in su coru de istrategias de afàrius internatzionalis, mediaus de s’Istadu chi ‘subappalta’, innoia chinisiollat podit isperimentai su chi bolit, bastat un”autocertificazione”. “In 50 annus e prus de esercitatzionis – sighit sa segretària de su movimentu Sardigna Libera – si cumprendit sa cumassa de ballas chi si podint essi cravadas in su sutaterra impestendi cun su suluvru de s’òssidu su terrenu e is tzitzas acuiferas”. Ita fait s’Istadu? Negat. “Est netzessàriu incarrerai is bonìficas – sighit Zuncheddu – comenti narant is lìneas ghia de is ‘protocolli’ americanus. Po sa ‘decontaminazione’ de su Poligonu de Cuirra, a cantu narat is istùdius de is Istadus Unius chi fueddant de is bonìficas chi si funt fadendi in su giassu militari de Vieques in Portorico (1/3 de isterrida de Cuirra), no bastant 600 milionis de eurus e 30 annus de traballu mannu e delicau. Nùmerus prus mannus meda a is 75 milionis promìtius de s’Istadu e destinaus a 13 poligonus italianus, is tre sardus includius”

Fotografia de Luca Biada. Pigada de Flickr

© RIPRODUZIONE RISERVATA

0 Arrespustas a “Poligonus. Zuncheddu: “S’Istadu pigat tempus””


Is cummentus funt serraus.