> 2014 mes’e argiolas 14 | ilMinuto

Archíviu de sa diri 14/07/2014

Documentu. aMpI: “Bastat cun su bochidorgiu sionista in Palestina!”

Dae paritzas dies sos sordados cun s’isteddu de David, boginos sionistas de su de 4° esèrtzitos prus fortes de su mundu, sighint a bombardare dae chelu, dae terra e dae mare, masellende sa populatzione tzivile palestinesa chi istat in Gaza, unu territòriu minore meda in ue sunt acorradas prus de unu millione e mesu de persones.

Non b’at de crèere mancu a una paràula de totu su chi nos narant sos mass-mèdia otzidentales, ca sos palestinesos mortos o fertos ant a èssere meda de prus de su chi nos ant a contare, e gasi at a èssere fintzas pro sos palestinesos arrestados a trumas, sas domos issoro ghetadas a terra e totu sos crìmines chi connoschimus de sas fortzas armadas nazi-sionistas. Sighi a ligi ‘Documentu. aMpI: “Bastat cun su bochidorgiu sionista in Palestina!”’

In Tàtari su Fronte Indipendentista Unidu po un’avenimentu-dibàtidu asuba de s’informatzioni

(IlMinuto) – Casteddu, 14 de su mesi de argiolas – Unu dibàtidu asuba de s’informatzioni chi si ponit preguntas, su aprontau po mèrculis 16 de su mesi de argiolas in sa saba de is “Messaggerie Sarde”, a is 18.00, de su Fronte Indipendentista Unidu tataresu. S’avenimentu tenit comenti tìtulu “Quale informazione? Prospettive di occupazione e indipendenza nei media”. Sighi a ligi ‘In Tàtari su Fronte Indipendentista Unidu po un’avenimentu-dibàtidu asuba de s’informatzioni’

Su Tar sardigna bullat is serras “fotovoltaiche” de Narabuja

(IlMinuto) – Casteddu, 14 de su mesi de argiolas – Arribat sa primu vitòria po su Comitau “S’Arrieddu per Narbolia”, una vitòria de pòpolu ghiada contra a is serras “fotovoltaiche” postas “illegittimamente” in is terras agriculas prus bellas de sa Sardigna. Su TAR Sardigna at difatis determinau de bullai is serras “fotovoltaiche” in Narabuja. Sighi a ligi ‘Su Tar sardigna bullat is serras “fotovoltaiche” de Narabuja’

Casteddu po sa Palestina. Mèrculis assembrea pùblica de informatzioni e interessu

(IlMinuto) – Casteddu, 14 de su mesi de argiolas – Est stètia fissada po mèrculis 16 de su mesi de argiolas a is 18.00 in pratza Santu domìnigu in Casteddu, s’assembrea pùblica de informatzionis e interessu asuba de s’aciocu israelianu a su pòpulu palestinesu aprontau de su Cìrculu Palmiro Togliatti e de s’Assòtziu “Amicizia Sardegna Palestina”. “In is ùrtimas cidas – si ligit in d-una nota de imprenta – is ‘rastrellamenti’, is arrestus foras de contu e is bocimentus de civilis in Cisgiordania, is bombardamentus is dègoglius cun dexinas de mortus a Gaza, cun s’amaletzu de un’interventu grai de terra, acontessant in sa mudesa tronosa si no amiga de sa comunidadi internatzionali e tzerriant totus is democràticus e su mundu de sa solidariedadi internatzionali a un’interventu in acotzu de is popolatzionis fertas de sa gherra”. Sighi a ligi ‘Casteddu po sa Palestina. Mèrculis assembrea pùblica de informatzioni e interessu’

(Italiano) Documento. Questione palestinese: una riflessione di Rosalba Meloni

Custu artìculu s\\\\\\\’agatat sceti in %LANG: