> Traballu, in Sardigna 55milla traballadoris de mancu si ddu cunfrontaus cun su II trimestri de su 2012 « ilMinuto – notizie Mediterranee – edizione Sardegna

Traballu, in Sardigna 55milla traballadoris de mancu si ddu cunfrontaus cun su II trimestri de su 2012

(IlMinuto) – Casteddu, 22 de su mesi de cabudanni – In su segundu trimestri de su 2014 “mancant a s’apellu pagu prus de 55mila postus de traballu si castiaus a su mantessi trimestri de su 2012″. Est cantu si ligit in su resumu publicau in sa primu pàgini de su nùmeru de su mesi de austu de “Congiuntura Lavoro Sardegna”, su giornali chi bessit dògnia tres mesis de s’Agentzia regionali po su Traballu. Comenti dògnia annu, is mesis de arbili e de làmpadas – si ligit in su documentu – assegurant unu “nùmeru mannu de possibilidadis de traballu assegurau de su cumpartu turisticu (cumèrciu, albergus e ristorantis), chi at ammostau, duncas, de apoderai si cunfrontau cun is annus passaus. Prusaprestu, su stock de su impreu de su trimestri no ponint in luxi signalis de cambiamentu a petus de sa crisi”. Si castiaus a su mantessi perìodu de su 2013, s’impreu de su segundu semestri de su 2014 crescit in sa messarìtzia (2mila unidadis), in is fàbricus (5mila unidadis) in su cumèrciu, in is albergus e in is ristorantis (14mila), mentras si perdint postus de traballu in s’industria (-12mila unidadis) e in àteras fainas de serbìtzius (-11mila unidadis). S’indixi de disimpreu totali est a su 17,7%.

© RIPRODUZIONE RISERVATA

0 Arrespustas a “Traballu, in Sardigna 55milla traballadoris de mancu si ddu cunfrontaus cun su II trimestri de su 2012”


Is cummentus funt serraus.