> “Cronache dal pianeta delle tecnoscimmie”: cunsidèrius asuba de su “impatto” sociali e psicologicu tecnologias noas | ilMinuto

“Cronache dal pianeta delle tecnoscimmie”: cunsidèrius asuba de su “impatto” sociali e psicologicu tecnologias noas

(IlMinuto) – Casteddu, 2 de su mesi de nadale - “Cronache dal pianeta delle tecnoscimmie” est sa rassigna tzinematografica proposta de s’Assòtziu Terra Onlus po atinai asuba de s’”impatto” sociali, psicologicu e no scéti chi is tecnologias noas tenint asuba de sa vida nostra e asuba de comenti mudat su “io immateriale” nostru.

In su tempus de s’iPhone e de s’wi-fi – afirmant is aprontadoris - “Si seus trasformaus in “tecnoscimmie”: no seus mai a su 100% asuba de sa terra, ni in s’ispàtziu; seus presoneris de cussas tecnologias chi s’iant a depi liberai, arrichai, aforiai”.

Sa rassigna, chi previdit proietzionis po is primus tres mèrculis de su mesi de nadale e duus atòbius pùblicus de istùdiu, at essi inaugurada mèrculis 3 de su mesi de nadale a is 20.30 in carrela Montesanto 28 cun sa proietzione de su film “S1mOne”, de Andrew Niccol (USA 2002, 104′). A sighiri, mèrculis 10 de su mesi de nadale, sèmpiri a is 20.30, atopu cun su film “Her” de Spike Jonze (USA, 2013, 126’). Lùnis 15 de su mesi de nadale de su 2014 a is 18.30 at a essi sa diri de su primu de is duus atòbius, su cun su colletivu Ippolita, chi a t a fueddai asuba de su tema “Tecniche di autodifesa digitale. Come riprendersi le proprie libertà”. Sa rassigna tzinematografica at a sighiri giòbia 18 de su mesi de nadale a is 20.30 cun “The National Anthem”, de Charlie Brooker (Gran Bretagna, 2012, 44′), primu episodiu de sa serie televisiva “Black Mirror”. Imprefinis, est in programa po sàbudu 20 de nadale a is 18.30 s’atòbiu cun su giornalista freelance e sagista Carlo Gubitosa. De su 1995, Gubitosa agiudat is printzipalis periòdicus italianus de informatzioni indipendenti. At publicau, intre is àterus, Elogio della Pirateria” (Terre di Mezzo, 2005), “Hacker, scienziati e pionieri” (Stampa Alternativa, 2007), “Hacking miracles” (Jaico Publishing, 2011), e impari a su disegnadori Giuliano Cangiano su fumetu “Ilva. Comizi d’acciaio” (Becco Giallo, 2013).

© RIPRODUZIONE RISERVATA

0 Arrespustas a ““Cronache dal pianeta delle tecnoscimmie”: cunsidèrius asuba de su “impatto” sociali e psicologicu tecnologias noas”


Is cummentus funt serraus.
Biàgios

Social

Facebook     Twitter     Feed RSS  

In primu pianu

 

mes'e paschixèdda: 2014
L M M G C S D
« tot   gen »
1234567
891011121314
15161718192021
22232425262728
293031  
Formas
S'Urtima nova