> Iscumbata Bankitalia: s’industria sarda est sèmpiri prus dèbilis « ilMinuto – notizie Mediterranee – edizione Sardegna

Iscumbata Bankitalia: s’industria sarda est sèmpiri prus dèbilis

(IlMinuto) – Casteddu, 9 de su mese de nadale – In Sardigna s’industria sighit a s’indebilitai, ma amanniat sa dimanda de is prodotus de s’agro-alimentari, cumpartu industriali chi iat a arrennesci a afastiai is dimandas pigehndi scéti de is arregortas abigadas in is magasinus in is annus passaus.

Est cantu afirmat “L’Economia della Sardegna“, s’agiornamentu “congiunturale” publicau a sa fini de su mesi de Santandria de sa Banca de Itàlia, asuba de un’iscumbata fata asuba de is impresas industrialis sardas cun 20 incarrigaus.Is impresas de s’industria agroalimentari - si ligit difatis in su cocumentu – “ant afastiau scéti in parti su nùmeru prus mannu de dimandas, impitendi is arregortas abigadas in is annus passaus. In custu cumpartu, prusaprestu, is ordinis de s’industria regionali ant sighiu a s’amenguai unu pagu puru ocannu“.

Luxis e umbras po su faturau – is datus de s’iscumbata de sa Banca d’Italia inditant puru “unu diminuimentu de su faturai in is primus nois mesis po prus de su 40% de is impresas intervisstadas, mentras pagu prus de su 30% at registrau un’amanniamentu”.

© RIPRODUZIONE RISERVATA

0 Arrespustas a “Iscumbata Bankitalia: s’industria sarda est sèmpiri prus dèbilis”


Is cummentus funt serraus.