> Intre istòria e benidori: a pustis de 40 annus assemblea pùblica “Riprendiamoci la scuola popolare di Is Mirrionis” | ilMinuto

Intre istòria e benidori: a pustis de 40 annus assemblea pùblica “Riprendiamoci la scuola popolare di Is Mirrionis”

(IlMinuto) – Casteddu, 3 de su mesi de nadale – S’at a isboddiai oi in carrela Doberdò 101 in Casteddu, a cumentzai de is 17.30, organitzada de s’Assòtziu Gramsci Casteddu e de sa Biblioteca populari “Albero del Riccio”, s’assemblea pùblica “Riprendiamoci la scuola popolare di Is Mirrionis: 40 anni dopo tra storia e futuro”. Furiant is annus setanta candu – contat una nota de imprenta – “in su bixinau de Is Mirrionis, at fatu sa faina sua s’Iscola populari de is Traballadoris”. Primu de s’”istituzionalizzazione” de is 150 oras po su diritu a s’istùdiu, – si ligit – s’iscola at permìtiu a centinas de traballadoris de su bixinau e de sa tzitadi totu de tenni una preparatzioni culturali sèria, e de pigai puru su tìtulu de lissèntzia elementari e media”. Un’esperiètzia custa, ghiada de unu grupu de universitarius e de laureaus, esèmpiu de solidariedadi sotziali e de pràtiga de riscatu culturali de is prus pòberus, “chi oi – afirmant is aprontadoris – parrit de importu mannu amentai, avalorai, e torrai propòniri in is elementus suus de solidariedadi e impignu sotziali e culturali”.

E oi? Oi sa domu chi aghilliàt s’iscola est posta mali meda, est difatis, cun s’iscopu de ddu torrai a sa faina originaria sua est a nai su logu de partecipatzioni, atopu e iscàmbiu, chi s’Assòtziu Gramsci Casteddu e sa Biblioteca populari “L’Albero del Riccio, ant organitzau un’assemblea pùblica oberta, innoia at essi possìbili puru  pigai is firmas a acotzu de sa Petitzioni populari chi pedit su recùperu de su Tzentru sotziali e sa dedica a s’Iscola populari de is traballadoris de sa prata chi s’agatat in su tretu de carrela Is Mirrionis parallelu a is arrugas Cadello, Baronia, Cornalis, Seminario.

© RIPRODUZIONE RISERVATA

0 Arrespustas a “Intre istòria e benidori: a pustis de 40 annus assemblea pùblica “Riprendiamoci la scuola popolare di Is Mirrionis””


Is cummentus funt serraus.
Biàgios

Social

Facebook     Twitter     Feed RSS  

In primu pianu

 

mes'e paschixèdda: 2014
L M M G C S D
« tot   gen »
1234567
891011121314
15161718192021
22232425262728
293031  
Formas
S'Urtima nova