> Traballu in Sardigna, 14 incidentis mortalis in su 2014 « ilMinuto – notizie Mediterranee – edizione Sardegna

Traballu in Sardigna, 14 incidentis mortalis in su 2014

(IlMinuto) – Casteddu, 9 de su mesi de gennàrgiu – Funt stètias 14, intre su mesi de gennàrgiu e su mesi de totussantus, is mortis in su traballu in Sardigna in su 2014. Est cantu ndi bessit a pillu fadendi sa summa de is tzirfas chi si lingint in sa tavella de s’Osservatóriu Seguràntzia in su Traballu “Vega Engineering”, cun datus online impitendi comenti istùdiu su de s’Inail de su 30 de su mesi de totussantus de su 2014. S’analizu istatìsticu est stètiu fatu asuba de is datus de is territòrius - is otu provìntzias -cufrontendi su datu de is mortis in su su traballu cun su nùmeru de is chi traballant (datus Istat 2013) in s’àrea de referèntzia. In su 2014 in su mesi de maju su nùmeru de is disauras mortalis in Sardigna si funt tentus in Crabònia-Igrèsias (3 mortus in su traballu po 35.413 traballadoris) e a Casteddu (3 mortus in su traballu po 193.186 traballadoris). Sighint Nùgoro (2 mortus po 53.022 traballadoris), Aristanis (2 mortus po 52.556 traballadoris), Campidanu de Mesu (2 mortus po 28.366 traballadoris), Tàtari (1 mortu po 113.472 traballadoris) e Ogiastra (1 mortu po 18.259 traballadoris). A pabas de sa classìfica, agataus sa provìntzia de Tarranoa-Tèmpiu, nimancu unu mortu in su traballu po 57.820 traballadoris.

Màgini de Luca Rossato piga de Flickr

© RIPRODUZIONE RISERVATA

0 Arrespustas a “Traballu in Sardigna, 14 incidentis mortalis in su 2014”


Is cummentus funt serraus.