> Tèmpiu Pausania. Manca lu nummaru ligali, rimandatu Cunsiddu stragnu e ulgenti « ilMinuto – notizie Mediterranee – edizione Sardegna

Tèmpiu Pausania. Manca lu nummaru ligali, rimandatu Cunsiddu stragnu e ulgenti

(IlMinuto) – Casteddu, 1 abbrili – Cunvucatu pa arimani a li tre di sirintina, lu Cunsiddu cumunali timpiesu, stragnu e ulgenti, è statu spustatu pa mancanzia di lu nummaru ligali: 15 cunsidderi invéci che alumancu 16. Un Cunsiddu chi s’era ambarendi pa diessi muttii: da lu cambiamentu di lu Prugghjettu di Fabbricazioni pa La Custaglia (passàgghju a zona E) a chissu Rigulatori pa lu campusantu. Impultanti alt’ e dui algumenti: cunstatà un débitu fora manègghju, doutu pa una sintenzia cuntraria a lu Cumuni in una lega di mità anni Duimilia, e lu prugghjettu d’accoldu cu lu Demanio pa lu scàmbiu di edifìzi in cuncissioni. A lu Demanio la cumprita e funzionanti ex Palazzina Comando, di ghjrà probàbbilmenti all’Alma cu un cambiu di distinazioni, e illu mentri lu Cumuni doaria fa calche cosa di pruvvettu cu l’ex galera La Rutunda, frabbicu chi cunsidarendi tuttu, puru (e proppiu) l’avvìu calche chita fa di lu Fai, è postu mal’ abbeddu.

No si cunnoscini li mutii di l’imbóiu da palti di tanti cunsidderi, guasi tutti di la magghjurìa ma puru di la minurìa, chi si ni so stati fora da lu Cunsiddu. Diesse chi li trabaddi ariani pudutu distulbà l’acchilibri chi si so fulmendi pa l’elezioni comunali chi venini e, saria di pricà, puru pa li prugrammi politichi e amministrativi chi parò – par’abà – no si ni idi mancu in pintura.

Lu Cunsiddu chi veni è dunca malti in primma chjiamata, la dì setti d’abbrili, e ghjói, la dì noi, in sigunda.

L.P.

© RIPRODUZIONE RISERVATA

0 Arrespustas a “Tèmpiu Pausania. Manca lu nummaru ligali, rimandatu Cunsiddu stragnu e ulgenti”


Is cummentus funt serraus.