> 2015 mes’e argiolas | ilMinuto

Archìviu de mes'e argiolas 2015

Tèmpiu Pausania: “Il Re fa rullare i tamburi”. Ogghj donu a Faber

(IlMinuto) – Casteddu, 29 de tìula - Comu dugna statiali, la citài di Tèmpiu dedichigghjarà una serata tintadora in ammentu di Fabrizio De André. Ogghj, cumincendi a ora di li setti, divessi spittàcculi altìstichi pinsati e ulganizzati da l’assòziu Iskeliu pa un attoppu spaltu chi si moarà illu centru storicu timpiesu. “Il Re fa rullare i tamburi” – cun Sandro Fresi direttori altisticu e la prisentazioni di Maria Pintore – sighendi lu tittulu di una di li deci canzoni di Volume III di lu 1968, sarà lu nommu di chist’annu pa lu donu a Faber.

L’ariata alcana di granitu e stritti timpiesi, tra bugghju, luci e umbri, soni e boci, è cuncoldi cu la canzona attippigghjata da l’altista genovesu. Prisintata ulmai mezu seculu fa comu “canzona populari di lu XIV seculu” è in rialtai ispirata a la ‘ita e li cunfàppuli di la colti impiriali francesca. Di “Le Proclame du Roy” ancora ogghj ha cumpusidori e autori no ani nommu, mentrecchì l’attinziunòsa traduzioni di De André è stata cunculdiata in musiga da Giampiero Reverberi, influinzatu da lu essu di Ivo Livi (in arte Yves Mondant) di poch’anni primma. Sighi a ligi ‘Tèmpiu Pausania: “Il Re fa rullare i tamburi”. Ogghj donu a Faber’

Tèmpio Pausania. Guastu a Monti Ruju, dissilvizi in citài

(IlMinuto) – Casteddu, 8 de tìula – Tèmpiu Pausania. Zittadini timpiesi inzivuti pa lu solitu dissilviziu idricu pa un guastu a un mutori di la stazioni di pompagghju di Monti Ruju. Passata ora di gustatu di luni, scelta in locu in umbè di casi e attivitai cummelciali di lu centru gaddhuresu. Dissilvizi ch’ hani avvizzatu la comunitai, più e più da un annu a chist’ala, ma la cuincidenza cu li 34° di massima d’arimani hani fattu divintà la cosa ancòra più grigia puru pa ca pussedi puzzoni di riselva. Una cundizioni d’emelgenzia ch’è illa “normalitai” di li dissaccelti, casgioni di folza magghjori chi sulleani da scudialtà palticulari lu Gestori Unicu ma chi no impidini, oltr’ a l’infadugghjni, lu pesu pa zittadini e cummelcianti di cumparà da priati folnituri minori d’ea. Sighi a ligi ‘Tèmpio Pausania. Guastu a Monti Ruju, dissilvizi in citài’

A Casteddu la tistimunianza di Marco Santopadre innant’ a la resistenzia illu Donbass

(IlMinuto) – Casteddu, 2 de tìula - Vennari passatu a lu circulu ME-TI di Casteddu v’è statu lu primmu di una filérina d’attoppi innant’ a la crisi ucraina e la resistenzia illu Donbass, in palticulari l’ispiriènzia di li Repubblichi di Donetsk e Lugansk. L’attoppu è statu ulganizzatu impari da Scida – Giovunus Indipendentistas e lu Fronte Indipendentista Unidu.

Lu tema di l’attoppu – “Gherra antifascista, dirittu all’autodetelminazioni e tindènzia a la gherra” – ha vistu lu cuntribbuttu di Marco Santopadre, redattori di Contropiano e militanti italianu di la Carovana Antifascista chi a magghju passatu ha pultatu la solidarietai intelnazionalista a la resistenzia di li Repubblichi, intrendi in cuntattu cu li milìzi e li populazioni zivili, in palticulari la Brigata Fantasma a 10 km da lu fronti. La Carovana ha cuntribbuitu cun rifulnimenti a la populazioni zivili e, comu l’attoppu di Casteddu cumproa, truncà l’isolamentu di li media innant’ a li Repubblichi populari.

L’infulmazioni accolti da Santopadre e la Carovana ill’agghjutu a la causa di lu Donbass diventarani un documentariu chi arà a iscì illi mesi chi venini. Sighi a ligi ‘A Casteddu la tistimunianza di Marco Santopadre innant’ a la resistenzia illu Donbass’

Biàgios

Social

Facebook     Twitter     Feed RSS  

In primu pianu

 

mes'e argiolas: 2015
L M M G C S D
« làm   aus »
 12345
6789101112
13141516171819
20212223242526
2728293031  
Formas
S'Urtima nova