> Dae sa terra a s’ampulla: nuscos e sabores de sos binos Mora&Memo « ilMinuto – notizie Mediterranee – edizione Sardegna

Dae sa terra a s’ampulla: nuscos e sabores de sos binos Mora&Memo

* Dae sa terra a sa butìllia * – 14 ghennàrgiu 2020 – Sos de Mora&Memo sunt binos artesanales fìgios de una filosofia ladina meda: produire a manera naturale binos de calidade espressione de sos balores se da terra issoro, sa Sardigna. Balores de traditzione, de semplitzidade, de istòria, de elegàntzia e de rigore.

Mora&Memo est una de sas realidades de bingiateris sardos prus bellas de s’ìsula.

In tamen de a sos Bator Moros de sa bandera sarda, in s’eticheta de sos binos de s’azienda de Serdiana ddoe sunt Bator Moras. Unu resumu de su sìmbulu femininu chi cheret èssere suspu de sa famìlia sarda, dae ue, fintzas a s’època Nuràgica, sa femina fiat su coro de sa vida sotziale. Sas bator Moras rapresentant sos colores, sa firmesa e sa galania de sa costumàntzia de s’ìsula de Sardigna.

Sa de Mora&Memo est una bìngia meravigiosa de chentu moes (40 ètaros), chi tenet pagu prus de trinta annos. Arada a 240 metros de altària supra de unu frunchizolu, custa bìngia l’ant pastinada cun sas variedades printzipales de bide sarda, Cannonau, Vermentinu, Monica paris cun sarmentos internatzionales comente Cabernet Sauvignon e Sauvignon Blanc; totu àghina chi est bona a espressare su naturale de sa Sardigna.Sos produtos de custa cantina sunt binos de terroir: espressione de su terrinu in ue sunt coltivados. Est a nàrrere de unu terrinu cando non cando fatu de terra sàssina, arenosa e calcàrea, basadu dae bentos fitianos, chi portant su sale de s’abba de mare chi s’agatat a pagu tretu, e chi giughet fragos nuscosos de sa vegetatzione mediterrànea.

Mora&Memo faghet binos biològicos capassos de tramudare a su sarmentu e a sos binos sas caraterìsticas de una terra pòbera.

Dae bator generatziones sa famìlia Pala trasmitit sa passione pro sa bìngia ponende semper sa màssima atentzione a s’ambiente. Difatis, oe totus sos binos issoro sunt fatos cun àghina traballada sighende su mètodu de luta biològica integrada. Custos binos, gràtzias a sa calidade issoro, si sunt atestados intre sos mègius de su territòriu.

Nàrrere Mora & Memo bolet nàrrere a faeddare de una cantina capassa de boddire sos frutos de una terra ispantosa e de ddos mudare in binos de primore pro sos nuscos e su sabore issoro.

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

© RIPRODUZIONE RISERVATA

0 Arrespustas a “Dae sa terra a s’ampulla: nuscos e sabores de sos binos Mora&Memo”


  • Nisciunu cummentu

Lassa un'arrespusta