Avaloramentu de is zonas de sartu: sa cuncàmbia de esperiètzias de Bielorussia intre Sardigna

24 Fiàrgiu 2020
biellorussia

S’est sboddiau de su 7 a du 12 de su mesi fiàrgiu s’incàrrigu de sa delegatzioni bielorussa po connòsciri sa Sardigna. Is operadoris de su distretu agro-turìsticu de Volozhin, ghiaus de su cordinadori de su cunsòrtziu Aliaksandr Belyi, gràtzias a s’agiudu de s’aministratzioni comunali de Guasilla ant potziu connòsciri beni sa Trexenta e sa Marmidda.

S’amigàntzia e sa coperatzioni intre sa Regioni Sardigna e sa Repùblica Belarus si funt isvilupadas in cuntestus de interessu pari-pari, prusatotu in matèria de cultura, de formatzioni, in sa de s’istrutzioni universitària, de su turismu, de sa massaria e de sa cosa de papai, de sa circa iscientìfica e de su sport. Sa delegatzioni bielorussa, impari a su cònsulu bielorussu ad honorem Giuseppe Carboni e a sa sìndaga de Guasilla Paola Casula, est stètia aghillia de su Diretori Servìtzius Raportus Istitutzionalis Giovanna Medde. In s’atopu funt stètius incrarias is ideas operativas postas in òpera de is operadoris biellorussus po donai continuidadi a is raportus intre is zonas de sartu de is duus territòrius. Custus raportus ant a biri sa Sardignas protagonista de unus cantu de fainas in su distretu agro-turìsticu de Volozhin.

Fotografia pigada de Flickr. Autori Marco Fieber

© RIPRODUZIONE RISERVATA