(IlMinuto) – Casteddu, 20 de su mesi de cabudanni – “Un’àtera fura manna a su patrimóniu naturali e ambientali de sa Sardìnnia”. Aici su Diretivu políticu natzionali de a Manca pro s’Indipendentzia chistionat de sa lei asuba de su turismu aprovada cida passada de su Consillu regionali, cun 36 votus in faori de is rapresentantis de Pdl, de s’Udc-Fli e de is Riformatoris sardus”. “A sa faci de sa crisi” – scririt aMpI in su documentu – su Consillu regionali sceberat de donai “45 milionis de euros a su Golf”. Intre is medas annotus su scritu precisat su consumu mannu de àcua chi fait dónnia campu po sa pràtiga de custu sport. Sighi a ligi ‘Lei asuba de su Golf, aMpI: “Dónnia campu at a spaciai 2milla metrus cubus de àcua a sa diri. Comenti una bidda de pagu prus de 8milla abitantis”’
Archíviu de s'argumentu 'àcua'
(IlMinuto) – Casteddu, 10 de su mes’e làmpadas – S’at a serrai custumerì cun d-una manifestada in pratza de su Cramu in Casteddu sa campagna po s’eja a is cuatru refendum asuba de su serbítziu ídricu, asuba de su nucleari e asuba de su “legittimo impedimento”. Sa cosa – aprontada de is Cumitaus “Acqua bene comune”, de su Cumitau Sinonucle e de is movimentus de basi – at a cumentzai a is 18.00 cun ispetàculus de istrada, giogus, ballus e música.
“A is 20.00 – si ligit in d-una nota – ant arribbai in pratza de su Cramu is corteus tucaus de pratza Santu Miali e de pratza Santu Giuanni XXIII, aundi s’at a tenni s’ispetàculu de serradura, po custu ant a sonai su grupu de Neoneli, is Ratapignata, is Alma mediterranea e Mario Massa”. Po is 4 eja s’est arringherau puru su consilleri regionali indipendentista Claudia Zuncheddu. Sighi a ligi ‘Referendum: Casteddu in pratza po nai cuatru eja’
(IlMinuto) – Casteddu, 2 de su mes’e làmpadas – Giogus e giocaglieris, informatzioni e ispetàculus in pratza po ammentai ca s’àcua est unu diritu e no est una cosa de bendi. Domínigu chi benit in Pula – primu de is referendum de 12 e de 13 de làmpadas – s’at a tenni sa manifestada “L’acqua è di tutti”.
S’apuntamentu est po is 10.00 in pratza de su Pópulu aundi, fintzas a is 13.00, artistas, assótzius e imprendidoris ant a cumbidai a sa genti de su logu de calisisiat edadi a meditai impari asuba de su beni ídricu comenti – precisant is aprontadoris de su cumitau referendàriu “2 SI per l’acqua bene comune” – “beni primàriu de amparai puru atressu de sa gestioni púbblica sua, una gestioni bona “partecipata” e cuntrollada de is citadinus”. Sighi a ligi ‘“S’àcua est de totus” in Punla informatzioni e ispetàculus a una cida de is referendum’
(IlMinuto) – Casteddu, 30 de su mes’e maju – Abetendi a su referendum de su 12 e de su 13 de su mes’e làmpadas si fait sèmpiri prus mannu s’impignu de is organizatzionis chi lotant contr’a a sa privatizatzioni de s’àcua. Cras a merì in Casteddu (20.00, Cineteca sarda de s’arburada Trieste) s’at a tenni un’atóbiu de informatzioni e cunfrontu “asuba de is dimandhas referendarias e asuba de su valori de s’Àcua comenti Beni Púbblicu chi no si depit bendi”. S’apuntamentu s’at a oberri cun sa proietzioni de “La bolletta dell’aria” pigau de su film “Strane storie” de Sandro Baldoni i at a sighiri cun d-una cuferéntzia-dibbàtidu cun sa participatzioni de Nicola Musu (Campagna Àcua Beni Comunu) e de Vania Satzu, economista de s’isvilupu sostenìbili. Sighi a ligi ‘“S’àcua no si bendit”, dibbàtidu in sa Cineteca sarda a duas cidas de su referendum’
(IlMinuto) – Casteddu, 30 de su mes’e maju – Sighit sa batalla de Sinonucle. Agoa de sa bitória de su 15 e de su 16 de su mes’e maju, s’Esecutivu de su Cumitau at decidiu de s’impegnai puru in is referendum de su 12 e de su 13 de su mes’e làmpadas. Su Cumitau – si ligit in sa delíbbera aprovada cida passada in Aristanis – “At stabbiliu de s’impegnai, cun sa mantessi frimmesa [...] chi at tentu po su referendum consultivu regionali, in sa pubblicidadi de s’EJA in su referendum contr’a su nucleari e in is duus referendum contr’a sa privatizatzioni de s’àcua. Po su referendum asuba de su “legittimo impedimento” su cumitau s’agat de acórdiu cun sa necessidadi chi totus is citadinus siant agualis ananti de sa lei”. Asuba de su mantessi tema est stetiu fattu connosci s’apellu “Quattro leggi infami”, firmau de “Sinistra Critica”, “Collettivo Marxista-Leninista” de Nùgoro, Círculu Prc de Aristanis 2 e Vincenzo Pllai (Prc). Sighi a ligi ‘Referendum: su 12 e su 13 de su mes’e làmpadas Sinonucle contr’a su nucleari e sa privatizatzioni de s’àcua. Apelli contr’a “Cuatru leis aggraviosas”’
(IlMinuto) – Casteddu, 26 de su mes’e maju – Su Consillu provintziali de su Campidanu de Mesu narat de nono a sa privatizatzioni de s’àcua. Abetendi a su referendum de su 12 e de su 13 de su mes’e làmpadas s’assembrea at difatis aprovau a s’unanimidadi un’odg – presentau de su grupu comunista de sa Fds- chi proponit de insertai in su statutu provintziali s’arreconnoscimentu de su “diritu a sàcua comenti diritu umanu universali e su status de s’àcua comenti beni púbblicu”. Sighi a ligi ‘Referendum àcua: Provìntzia de su Campidanu de Mesu: “Stop a sa privatizatzioni”’
(IlMinuto) – Casteddu, 6 de su mes’e maju – A pagu prus de una cida de su referendum de su 15 e de su 16 de su mes’e maju est sèmpiri prus arricu su càlendariu de is apuntamentus contr’a a su fàbbricu de centralis nuclearis e depósitus de aremus radioativus in Sardigna. “Mellus un’ou oi ca una centrali cras. Un’ou contr’a su nucleari” est su títulu de s’apuntamentu programmau po cras de su Pdci- Fds in Casteddu, Tàtari, Nùgoro, Tèmpiu e Tortuelie. “Materiali po acotzai a sa campagna referendaria contr’a su nucleari e po cumbidaia is sardus a votai EJA a su referendum de su 15-16 de su mes’e maju de su 2011 e in prus – acrarant is aprontadoris a is citadinus ant essi donaus ous friscus, comenti símbulu de genuinidadi e de “energia limpia”. Sighi a ligi ‘Referendum: apuntamentus contr’a su nucleari in S’Alighera, Tàtari, Nùgoro, Crabònia, Tèmpiu e Tortuelie’
(IlMinuto) – Casteddu, 8 de su mes”e arbili – “Acrarai su referendum de su 12 e de su 13 de su mes”e làmpadas asuba de s’Àcua Beni Comunu e presentai su cumitau aprontadori”. Funt custus is obbietivus de s’assembrea prúbbica chi s’at a tenni martis chi benit in Casteddu (17.00, àula 4b de su Dipartimentu de Psicologia). “S’àcua – acrarant is aprontadoris – est unu beni de totus i est unu diritu umanu universali. Unu beni essentziali de sa genti. Nisciunu dda podit fai sua po ndi fai profetus. “Su Guvernu chi teneus at invecis decídiu de dda donai a is privaus e a is multinatzionalis. Nos impari ddu podeus impediri, ddu podeus fai acotzendi a sa campagna po su referendum e andendu a votai EJA candu, su 12 e su 13 de su mes”e làmpadas chi benit, eus essi lamaus a decídiri”. Sighi a ligi ‘“Àcua diritu umanu universali”, martis in Casteddu assembrea primu de is referendum de su 12 e de su 13 de su mes”e làmpadas’
(IlMinuto) – Casteddu, 17 de su mes”e martzu – “S’àcua est unu beni comunu chi no si bendit”. Custu su títulu de s’odg aprovau in is diris passadas de su Cunsillu provintziali de Casteddu cun is votus de su centrusinistra. Su centrudestra no at invecis participau a su votu. “In is cartellus stradalis de sa Provìntzia – at acrarau s’assessori provintziali de s’Ambienti Ignazio Tolu – ddoi at essi sa scrita ‘Provìntzia de Casteddu deneuclaritzada’, e in prus ddoi at essi cussa ‘s’àcua est unu beni comunu e no si bendit’”. Sighi a ligi ‘Àcua: sa Provìntzia de Casteddu narat de no a sa privatizatzioni. Assessori Tolu: “Isperdítzius mannus in sa retza ídrica”’
Social
