Archíviu de s'argumentu 'àcua'
Pàgina 2 de 2
(IlMinuto) – Casteddu, 17 de su mes”e martzu – “S’àcua est unu beni comunu chi no si bendit”. Custu su títulu de s’odg aprovau in is diris passadas de su Cunsillu provintziali de Casteddu cun is votus de su centrusinistra. Su centrudestra no at invecis participau a su votu. “In is cartellus stradalis de sa Provìntzia – at acrarau s’assessori provintziali de s’Ambienti Ignazio Tolu – ddoi at essi sa scrita ‘Provìntzia de Casteddu deneuclaritzada’, e in prus ddoi at essi cussa ‘s’àcua est unu beni comunu e no si bendit’”. Sighi a ligi ‘Àcua: sa Provìntzia de Casteddu narat de no a sa privatizatzioni. Assessori Tolu: “Isperdítzius mannus in sa retza ídrica”’
Ascurta custa nova
(Chistionis e Opinionis) – Casteddu, 5 de su mes”e martzu – De chini est sàcua? In su beranu chi benit, forsis in su mes”e làmpadas, is sardus ant essi lamaus a arrespundi a duus referendum natzionalis, est a nai a is referendum asuba de sa gestioni de su serbítziu ídricu. In su 2010 unu millioni e cuatruxentusmilla citadinus ant firmau is referendum “po ndi liai sa gestioni de su serbítziu ídricu de su mercau e po ndi liai cussu chi est diventau su torracontu de s’àcua”, scancellendi sa lei 133 de su 2008 e sa lei de su 2009 po sa privatizatzioni de is serbítzius púbblicus de su territóriu. Po is aprontadoris de is referendum, in is citadis comenti Arezzo e Latina, chi ant intregau sa gestioni a is privaus, is prétzius de s’àcua funt crescius fintzas a su 300 po centu, cun d-unu peoramentu mannu de su serbítziu. Sighi a ligi ‘Su tempus benidori de s’àcua. Sa Sardigna tra referendum e privatizatzioni’
(IlMinuto) – Casteddu, 9 de su mes”e fiàrgiu – Si fait sèmpiri prus concretu s’arriscu de privatizatzioni po su serbítziu idricu sardu. In s’assembrea de sa cida passada in Casteddu, is azionistas de Abbanoa, is Comunus e sa Regioni, ant difatis incarrigau su cda, cun su 98,85 po centu de votus in faori, de donai su cumentzu a is proceduras po sa bendida de su 40 po centu de sa spa a is privaus, comenti previdiu de sa lei 166 de su 2009. Intru su 31 de su mes”e paschixèdda de ocannu su 40 po centu de sa propriedadi de Abbanoa iat a podi passai duncas a is multinatzionalis de su cumpartu. Sighi a ligi ‘Abbanoa: de is azionistas s’ok a sa bendida de su 40% a is privaus, ma ddoi funt is referendum’
(IlMinuto) – Casteddu, 23 de su mes”e argiòlas – “Est ora de cumenzai sa batalla manna po annudhai Abbanoa, màchina chi no serbit a nudda e chi sighit a fai dannus a totus is territorius e po su prus a cussu de Nùgoro”. Est cantu afirmat in d’una nota su presidenti Pd de sa Provìnzia de Nùgoro, Roberto Deriu, chi si candidat a giudai sa rebbellia contra a sa Spa bófia de su centrusinistra de Renato Soru.
“Sa nómina de parti de sa Regioni de un’amministradori delegau chi tenit poderis – precisat Deriu – e su ndai liau sa possibbilidadi de controllu a is Comunus e a is Provìnzias, berus proprietarius de sa sociedadi de gestioni, fait diventai necessaria custa batalla po arribbai a s’istituzioni de ambitus e sugetus gestoris de livellu provinciali”.
“No si podit permiti – precisat su rapresentanti democràticu – ca gestionis disessidas agiudint chini, in crica o a solu, at postu is ogus asuba de sa gestioni de su serbíziu de s’àcua de sa Sardigna e abetat su fallimentu certu de Abbanoa po dda pigai a pagu préziu”.
Social
