> ilMinuto – notizie Mediterranee – edizione Sardegna

Archíviu de s'argumentu ''

“Sa solidariedadi est un’arma. Nisciunu depit abarrai a solu”. In Casteddu assembrea contra a su fascismu po nai ca no a su scontróriu

(IlMinuto) – Casteddu, 14 de su mesi de làmpadas – Chistionai impari de comenti iat essi mellus agiudai is antifascistas casteddaius chi su 25 de su mesi de arbili passau, in pratza Gramsci, circànt de s’opòniri a chini afestàt is nazifascistas de Salò e chi imoi funt possíbilis destinatàrius – comenti narant diversas novas de s’imprenta – de unu decretu penali de cundenna. Sighi a ligi ‘“Sa solidariedadi est un’arma. Nisciunu depit abarrai a solu”. In Casteddu assembrea contra a su fascismu po nai ca no a su scontróriu’

25 de su mesi de arbili. Usb: “su ministru de is Internus boghit a su prefetu de Casteddu”

(IlMinuto) – Casteddu, 30 de su mesi de arbili – “Po permítiri a is natzifascistas in sa diri de su 25 de su mesi de arbili de alabai a su natzifascismu su cuestori at determinau de fai isbaratzai [...] sa pratza Gramsci”. Est cantu denutziat s’Usb Sardigna cun d-una lítera mandada a su Ministru de is Internus. Su sindacau de basi pedit a su rapresentanti de su Governu de nci bogai a su Prefetu de Casteddu, responsàbili de ai donau s’autorizatzioni “a fai una manifestada natzifascista in sa diri de su 25 de su mesi de arbili”. Sighi a ligi ’25 de su mesi de arbili. Usb: “su ministru de is Internus boghit a su prefetu de Casteddu”’

Duas diris de Cóinu antifascista in Santu Sperau po amentai e afestai su 25 de su mesi de Arbili

(IlMinuto) – Casteddu, 24 de su mesi de arbili – S’at a cumentzai cun su Noti partigianu de oi a tucai de is 18.00 cun is concertus live de Sos Sirbones, Bullet Trotter, Inarrestabili, Eversive Brains e The Skar. Mérculis 25 s’at a tenni su reading literàriu Odiu is indiferentis cun Patrizia Littera (a is 16.30), a sighiri s’atóbiu dibàtidu Antifascistas prus pitius (?) in Sardigna, po acabai cun su concertu de is 19.30. Ant essi apariciadas puru sa mostra “Is giornalis clandestinus de sa resisténtzia de su mesi de cabudanni ’43 a su mesi de arbili ’45″, un’aparada de giornalis de s’épuca e sa mostra de is líburus asuba de sa resisténtzia. Sighi a ligi ‘Duas diris de Cóinu antifascista in Santu Sperau po amentai e afestai su 25 de su mesi de Arbili’

In Casteddu su mesi de arbili est contra a su fascismu. Obertas is adesionis a sa proposta de su Cordinamentu

(IlMinuto) – Casteddu, 12 de su mesi de arbili – “Propòniri a sa tzitadi unu mesi de arbili contra a su fascismu aundi, dognunu cun is próprius métodus, cun sa própriu sensibilidadi, potzat espressai s’arrealia a sa spainadura e a s’espressamentu de isulamentu e intolleràntzia”. Est custa sa bidea promovia unus cantu de diris fait de su Cordinamentu casteddaiu contra a su fascismu. Una campagna longa unu mesi, duncas, fata de tantis atopus signalaus de chini ndi pigat parti: avenimentus unius de s’aburia a su fascismu. “Si ses un’assótziu culturali – si ligit in d-una nota – un’organizatzioni política, de voluntariau, un’onlus, un’artista, unu colletivu, unu grupu musicali, o calisisiat àtera realidadi chi tenit avenimentus in programa, po su mesi de arbili in Casteddu e in su cincondàriu, ti cumbidaus a pigai parti a sa campagna ‘Mesi de Arbili contra a su fascismu’”. Sighi a ligi ‘In Casteddu su mesi de arbili est contra a su fascismu. Obertas is adesionis a sa proposta de su Cordinamentu’

“Frimaus su fascismu in tzitadi”. Domínigu assembrea de su Cordinamentu casteddaiu

(IlMinuto) – Casteddu, 29 de su mesi de martzu – “Puru in Casteddu ddoi funt grupus políticus neofascistas e neonazistas, chi su 25 de su mesi de arbili marciant in is arrugas de sa tzitadi nostra po afestai a is cumbatidoris de sa repúbrica de Salò e po pediri s’annullamentu de sa festa po su Liberamentu de su nazifascismu”. Est cantu denuntziat cun d-una nota su Cordinamentu antifascista casteddaiu, chi po domínigu chi benit, primu de su mesi de arbili, aprontat un’assembrea antifascista (17.30, arruga Isonzo 26), cun s’obietivu de sighiri a fabricai unu caminu cumunu intre is diversas fortzas antifascistas in su territóriu, sèmpiri prus apretosu agoa de  su “fogu chi at fertu a unu campu rom in Torinu e a su bocimentu de duus senegalesus in Firenzi, própriu de parti de unu rapresentanti de Domu Pound Itàlia”.

Biàgios

Social

Facebook     Twitter     Feed RSS  

In primu pianu

 

mes'e totussantus: 2019
L M M G C S D
« arb    
 123
45678910
11121314151617
18192021222324
252627282930  
Formas
S'Urtima nova