(IlMinuto) – Casteddu, 19 de su mesi de paschixèdda – Una mostra documentària e unu dibàtidu públicu po chistionai de is trint’annus de impestadura fatus de s’industria in Pòrtu Turre. Custu su coru chi at fatu movi “Artists in Resistance”, su progetu promòviu de su colletivu artístigu Az.Namusn.Art po cenàbara passau 16 de su mesi de paschixèdda in sa Turri Aragonesa, po s’obertura de su protzessu a unus cantu capus mannus de su grupu Eni cun s’acusa de “disastro ambientale e concorso continuato e consapevole in avvelenamento doloso di sostanza destinate all’alimentazione”. Unu progetu chi est stétiu cuadu de is “mass media”. “Artists in Resistance – si ligit in d-una nota de imprenta – sa mostra innui seis stétius cumbidaus, est stétia censurada de is abisóngius de unu grupu de poderi fatu de pagu genti [...]“. Sighi a ligi ‘“Artists in Resistance”: in Pòrtu Turre mostra e dibàtidu po chistionai de 30 annus de impestadura. Is aprontadoris: “Progetu censurau”’
Archíviu de s'argumentu 'arti'
(IlMinuto) – Casteddu 17 de su mes’e maju – Arribbat a sa XII editzioni sa “Rassegna Artistico Artigianale” de Igrèsias. S’eventu est aprontau de su Cumitau “Quartiere Castello” i est diventau un’apuntamentu fissu po s’assótziu, po is citadinus de Sa Costera, ma prusatotu po is diversus artesanus chi patercipant a sa manifestada de annus meda. Su 29 de su mes’e maju, de is 11.00 a is 20.00, is bisitadoris ant a tenni su praxeri de ammirai inderetura sa “maia” de sa creatzioni artesana. A traballu, difatis, ddoi ant essi: strexàjus, bordadoras, cusidoris, maistus de intàgliu, costruidoris de istrumentus musicalis sardus. At essi puru possíbbili ammirai s’arti e s’artesanu modernu Swarovski. Sighi a ligi ‘Apuntamentus: in Igrèsias sa XII Rassegna de s’artesanau artísticu’
(Minuto) – Casteddu, 14 de su mes”e martzu - Deu seu unu chi chistionat pagu meda, custu est berus, ma in su mundu ddoi est genti meda chi chistionat, chistionat, chistionat sèmpiri, chi pretendit de si fai intendi e no tenit de nai nudda. (Luigi Tenco)
Custumerì ant essi is fueddus de Luigi Tenco a callentai a is corus de su púbblicu in s’apuntamentu de sa cida de “I Lunedì con la Poesia”. “Ti dico una parola” est su títulu de s’eventu dedicau a su cantautori. Asuba de su palcu, comenti sèmpiri, s’arti de Pier Luigi Alvau chi – si ligit in d-unu comunicau de imprenta – “sighit a no trascurai – ansis arrennescit e cuncurrit a magnificai – su rolu de sa cantzoni de autori”. Sighi a ligi ‘“Ti dirò una parola”: S’Alighera poesia e notas de Luigi Tenco in su reading de Alvau’
(IlMinuto) – Casteddu, 7 de su mes”e martzu – “No ddoi est arruga prus segura po si fuiri de su mundu chi s’arti, ma no ddoi est acàpiu prus seguru cun issu chi s’arti”. (Johann Wolfgang Goethe)
“S’imbidri est sa maia chi mi contat”, funt custus is fueddus chi Francesca Tedesco iat impitau po definiri su raportu chi tenit cun s’imbirdi, furiat su 6 de su mes”e totussantus de su 2010 po su progetu Formas, unu progetu promòviu de su giornali nostru. A pustis de tres mesis de cussa intervista Tedesco, maista de s’Académia de is “Belle Arti” de Tàtari, at a cumentzai in sa citadi turritana unu cursu a gratis de Musàicu in tèsseras de imbirdi. Su cursu, de 100 oras, est promòviu de s’Assótziu Agorà e nascit in su contestu de is progetus de animatzioni sociu-culturalis e sociu-educativas apogiadas de su Comunu de Tàtari. Sighi a ligi ‘Una fémina chi tramandat s’arti sua. In Tàtari cursu a gratis de Musàicu cun Francesca Tedesco’
(IlMinuto) – Casteddu, 15 de su mes”e totussantus – At oberri is ennas sàbudu 27 de su mes”e totussantus, a is 17.00 in is aposentus de su Mólinu Cadoni de Biddaxidru, sa rassigna de artis visualis indipendentis Villa-Cine. Po tres diris, videoclip, trailer, fiction, fotografias, pinturas, música ant essi is protagonistas de s’eventu. Su progetu – si ligit in d’una nota – “tenit s’iscopu de sensibilitzai a s’opinioni púbblica asuba de is novidadis artísticas espressadas de is giòvanus de su territoriu nostru, giòvanus chi tenit talentu”. Sighi a ligi ‘Apuntamentus: Biddaxidru oberrit is ennas a sa rassigna de artis visualis indipendentis’
(IlMinuto) – Casteddu, 26 de su mes”e ledàminis – “Sa dinúntzia fatta de parti de s’assessori provintziali Manca a is carabineris contra a is giòvanus artistas, intelletualis e traballantis de s’arti chi ocupant s’ex Cuestura de Tàtari est un’esémpiu de tontímini burocraticu e de totali tzaracumini a su diritu a sa propriedadi”. Est cantu afirmat cun d’una nota sa setzioni provintziali de Tàtari de su Partito comunista dei lavoratori. Sighi a ligi ‘Ocupatzioni de s’ex Cuestura de Tàtari. Pcl solidariedadi a is giòvanus artistas: “Amministradoris difensoris fariseus de sa ‘propriedadi’”’
(IlMinuto) – Casteddu, 4 de su mes”e làmpadas – Si annovat in Arborèa s’apuntamentu cun s’”Infiorata” de su Corpus Domini. Comenti dógn’annu, domínigu chi benit at essi cuncodrau in praza Santa Maria unu tapetu longu longu de froris (arrosas, martigusas, zinníbiri, bungavillus) po – comenti si ligit in d’una nota – “onorai su Sennori candu at a passai in processioni”.
S’òpera si sboddiat in otu cumponimentus de froris chi faint de cullegamentu tra su Palazu comunali e sa Crésia de su “Redentore”.
S’ammaniada de s’eventu – si ligit in d’una nota – est “longa e cumplessa. Una borta sceberau su tema, in generali unu tema religiosu, is ‘maistus de is froris’ trassant disignus asuba de losas prastificadas chi, indispensàbbilis po preservai s’arregioladura in porfidu de s’istorica praza, ant a aghilliri a pustis s”afollamentu’ de is froris”.
(IlMinuto) – Casteddu, 20 de su mes”e maju – Sa Sardigna no scarescit su “primu iscultori” suu. Custu merì in Nùgoro, a is 18.00, at essi afestau in is aposentus de s’ex Tribbunali su museu “Francesco Ciusa”, dedicau a s’arti de su babbu de s’iscultura moderna in s’Ísula.
Su museu aparat pagu prus de 60 òperas – tra custas noi gíscius e diversus traballus in terracota e in pasta marmarina – acostaus de disignus de documentus de archíviu. “S’aparada fissa – si ligit in d’una nota – est un’importanti progetu chi tenit s’iscopu de aprofundai totu sa produzioni de s’artista chi si furiat afirmau de giovuneddu in sa Biennali de Venezia de su 1907 cun s’iscultura ‘La madre dell’ucciso’”.
.jpg)
(IlMinuto) – Casteddu, 15 de su mes”e arbili – Finit su terzu ciclu de “Traghetti di Poesia”. Custumerì, a cumenzai de is 20.30 in is aposentus de su “Spazio Search”, su festival s’at a serrai cun d’una serada dedicada a Franco Loi, su grandu poeta de Milanu chi scririt in dialetu e chi pagu tempus fait at afestau is 80 annus.
Sa poesia e sa testimonia sua asuba de su Noixentus, ant essi is ingredientis de una serada de arréjonus e de legimentus. S’apuntamentu s’at a serrai cun sa cunsigna a su poeta de su “títulu” de “imbasciadori de sa poesia in su mundu”. Loi at a afestai aici puru s’unioni noa cun is próprius arréxinis sadras, (su babbu, casteddaiu, iat lassau s’Isola candu teniat scéti 11 annus).
Nàsciu in Genova in su 1930, ma a pustis de pagu tempus trasladau in Milanu, su poeta at sceberau po is próprius versus su dialetu milanesu. Unu dialetu assentau sempiri de prus in su caminu de sa própriu carriera artistica, cumenzada a pustis de is 35 annus e decollada in su 1973, cun sa pubblicazioni de sa primu arregorta de versus, “I Cart”.
Social
