> ilMinuto – notizie Mediterranee – edizione Sardegna

Archíviu de s'argumentu ''

Pàgina 2 de 6

UN’ANNU FAIT. Crisi economica: filera de supermecaus ponit in pàliu 4 assunzionis a su mesi

un anno fa(IlMinuto) – Casteddu, 5 de su mes”e totussantus de su 2009 – Sardigna 2009: su traballu no est prus unu dirittu tutelau de sa Costituzioni de sa Repubblica, ma unu prémiu de binci a sa lotteria. Su panorama chi bideus no est custu de unu romanzu de fantascienzia. Sa realidadi in custu casu superat sa fantasia de is scritoris. Sighi a ligi ‘UN’ANNU FAIT. Crisi economica: filera de supermecaus ponit in pàliu 4 assunzionis a su mesi’

Traballu: sa Regioni pigat 42 capus mannus

(IlMinuto) – Casteddu, 26 de su mes”e arbili – Sa Regioni Sardigna at a pigai 42 capus amministrativus mannus faendiddi unu cuntratu a vida. S’Assessorau de is “Affari generali” at pubblicau su bandu, chi de oi podit essi ligiu in su situ de sa Regioni.
Podint participai a su scioberu is laureaus in istudius giurídicus, económicus, finanziarius e aziendalis. Is dimandas po podi participai a su cuncursu depint essi mandadas scéti atressu internet inturu is 13.00 de su 25 de su mes”e làmpadas, cumpilendi sa dimanda online.

Po ndi sciri de prus: http://www.regione.sardegna.it/j/v/59?s=1&v=9&c=45&c1=45&id=19636

 

Traballu: seguresa po su tempus benidori de 1050 forestalis

(IlMinuto) – Casteddu, 15 de su mes”e arbili – Acabbu de sa precariedadi po 1050 forestalis. Tra su mes”e arbili e su mes”e maju prus de milla operàjus de is cantieris forestalis de sa Sardigna ant essi pigaus cun d’unu cuntratu senz”e fini, cun d’unu costu de pagu prus de otu millionis de eurus a s’annu po sa Regioni.
Dd’at comunicau ariseru s’assessori regionali de s’”Ambiente”. “Intru su mes”e arbili – at nau Uras – ant essi pigaus cun cuntratu firmu 798 operàjus de is cantieris forestalis de sa Sardigna, mentris po is aterus 252 is pràtigas ant a partiri intru su primu de su mes”e maju”.
“In is territorius aundi ddoi funt is operàjus – at acrarau su presidenti de s’”Ente Foreste” Salvatore Paolo Farina – s’annu passau at pigau fogu scéti un’ètaru, puru in d’una annada meda difícili po is fogus de is boscus”.

Schirru (Pd): tocat a dd’acabbai de fai de s’afaamentu una pena chi no permitit a totus de fai su cuncursu po is forzas armadas

(IlMinuto) – Casteddu, 24 de su mes”e marzu – Tocat a ponni fini debressi a sa diferénzia chi corpit is fàbbicus impedindiddi de podi intrai in is forzas armadas (casi su 17 po centu de sa genti de sa Sardigna). Nd’est cumbinta sa parlamentari sadra de su Pd, Amalia Schirru, chi dimandat de aprovai debressi sa lei – firma in senau – fatta po permìtiri s’intrada de is fàbbicus in su “mundu militari”, abetendi puru is cuncursus nous chi funt in programma.

Traballu: sa Regioni pubblicat su bandu po pigai a traballai 47 personas diversamenti àbbilis

(IlMinuto) – Casteddu, 1 de su mes”e marzu – Sa Regioni Sardigna at a pigai 47 personas diversamenti àbbilis in is listas particularis po su collocamentu de is personas diversamenti àbbilis. Ddu narat cun d’unu comunicau s’Assessorau de is “Affari generali”.
Podint participai a su bandu totus cussus chi at fattu 18 annus e chi tenint unu diploma de instruzioni de is iscolas superioris de primu gradu, chi a oi no tenit traballu, chi funt iscrittus in is listas particularis de su collocamentu de is provìnzias sadras e chi funt cittadinus italianus o de un’ateru istadu chi fait parti de s’Unioni europea.
Is dimandas ant a depi arribbai a is ufícius de s’Assessorau de is “Affari generali” intru is 13.00 de su 2 de su mes”e arbili.

Castia is documentus:

http://www.regione.sardegna.it/j/v/58?s=1&v=9&c=161&c1=1297&id=18873

Biàgios

Social

Facebook     Twitter     Feed RSS  

In primu pianu

 

mes'e austu: 2019
L M M G C S D
« arb    
 1234
567891011
12131415161718
19202122232425
262728293031  
Formas
S'Urtima nova