> ilMinuto – notizie Mediterranee – edizione Sardegna

Archíviu de s'argumentu ''

Basket A1F: sderrota in domu po su Cus Casteddu

(IlMinuto)- Casteddu, 6 de su mesi de totusantus – Pèrdiri una partida contra a unu Lavezzini Parma chi una cida fait est stétiu capassu de binci a sa Schio Basket ddoi stait. Prusaprestu, su Cus Casteddu de domínigu passau at arriscau diaderus de binci. Bincidora manna de sa gara est stétia perou s’iscuadra de foras, ma is meris de domu no tenint nudda de si certai, puru si si lamentant de is diversus sceberus de s’àrbitru lompius in su finali agiagarau de una partida tirada fintzas a is “supplementari”. Sighi a ligi ‘Basket A1F: sderrota in domu po su Cus Casteddu’

Primu prova bella meda po su Cus Casteddu

(IlMinuto) – Casteddu, 23 de su mesi de ledàminis – Cumentzat beni meda s’istagioni noa de su Cus Casteddu, chi in sa primu prova bincit 58-39 a su Cus Chieti. Bella meda puru – si ligit in su comunicau de imprenta – “s’apillada de públicu, chi at arrespustu a sa lamada acostendusì a su PalaRockefeller po biri sa primu gara de is piciocas de su coach Xaxa”. Sighi a ligi ‘Primu prova bella meda po su Cus Casteddu’

Basket A1F. Bitória de su Cus Casteddu in S’Alighera

(IlMinuto) – Casteddu, 25 de su mesi de cabudanni – Est stétiu su Cus Casteddu a s’agiudicai su “quadrangolare” “Tzitadi de S’Alighera”. Agoa de ai bintu 93 a 53 contra a su “Sant’Orsola Team ’98″ Tàtari (A3) in sa semifinali de cenàbara passau, is piciocas de Federico Xaxa, cun d-una partida bella meda cumbatia fintzas a sa fini, ant bintu contra a sa Mercede Alighera puru e ant acabau su match 58 a 60

Fotografia de Culture Mauges. Pigada de Flickr

Su Cus Casteddu Basket A1F cunfirmat a su coach Xaxa

(IlMinuto) – Casteddu, 1 de su mesi de austu – At essi galu Federico Xaxa s’allenadori de s’istagioni de bascket de sa A1 feminina chi benit. Po su coach de Cuartu Sant’Aleni su cuartu annu de fil’e pari de sa formatzioni universitària. Xaxa a sa ghia ténnica de s’iscuadra at essi afiancau de Epifanio “Nello” Schirru, Responsàbili giai in s’istagioni passada de su cumpartu giovanili e de annus meda ómini de su club cussino

Basket femininu: prontu su calendàriu 2012/2013. Su Cus Casteddu cumentzat de Sesto San Giovanni

(IlMinuto) – Casteddu, 25 de su mesi de argiolas – At a cumentzai de Sesto San Giovanni su 14 de su mesi de ledàminis su campionau de Basket femininu serie A1 de su Cus Casteddu. In is diris passas est stétiu difatis fatu connosci su calendàriu de s’istagioni 2012-13 de serie A1. Po is altletas sardas a sa primu prova in trasferta contra a sa lombarda Gear, su 14 de su mesi de ledàminis, at a sighiri sa gara in domu contra a is abritzesas de su Cus Chieti, scuadra promovia ocannu in A1. Sighi a ligi ‘Basket femininu: prontu su calendàriu 2012/2013. Su Cus Casteddu cumentzat de Sesto San Giovanni’

Biàgios

Social

Facebook     Twitter     Feed RSS  

In primu pianu

 

mes'e cabudanni: 2019
L M M G C S D
« arb    
 1
2345678
9101112131415
16171819202122
23242526272829
30  
Formas
S'Urtima nova