Custu artìculu s\\\\\\\’agatat sceti in %LANG:
Archíviu de s'argumentu 'Bellomonte'
(IlMinuto) – Casteddu, 25 de su mesi de ledàminis – Donai de Bruno Bellomonte a s’imaginariu colletivu una bidea giai frima de crupa, fabricada asuba de unu teorema chi, comenti amostat sa senténtzia de primu gradu pronuntziada de sa Corti de Assise de Roma in data 21 de su mesi de totussantus de su 2011, no at tentu nisciunu reprova cun sa realidadi. “Assortu poita su fatu no susistit”. Si netzessàriu eus a arripiti custa fórmula no una ma milla bortas. “Assortu poita su fatu no susistit”: Bruno Bellomonte est innotzenti. Ma poita su Procuradori de Roma bolit reformai sa senténtzia de primu gradu, aspriai is penas po totus is imputaus cundennendi is chi funt stétius assortus puru de s’acusa de “assótziu rebellu cun iscopu de terrorismu, volatzioni de sa lei asuba de is armas e detenimentu”? Po a Manca pro s’Indipendentzia, organizatzioni política de sa cali Bruno Bellomonte est dirigenti, s’intzimia est de si cicai in s’iscontróriu italianu, chi – afirmat in d-una nota de imprenta - ”est in cica de una senténtzia política po degollai a sa manca indipendentista sarda e indebilitai su protzessu inesoràbili e istóricu de sa mancebatzioni natzionali e sotziali de sa natzioni sarda”. Sighi a ligi ‘Apellu contra a Bellomonte “Assortu poita su fatu no susistit”’
(IlMinuto) – Casteddu, 19 de su mesi de martzu – “Chi no at fatu dannu a nisciunu e duncas est inculpàbili”. Est custa sa definitzioni chi su ditzionàriu de sa língua italiana Sabatini Coletti donat a s’agetivu “innocente”. Innotzenti est s’agetivu chi de sèmpiri eus donau a Bruno Bellomonte, declarau aici de is giugis de sa Corti de Assise de su Tribunali de Roma in su mesi de totussantus passau, a pustis de 29 mesis de presoni preventivu. Una presonia, ddu amentaus, fundada asuba de unu teorema acusatoriu chentza de fundamentu e totu políticu, acapiau a una campagna mediatica foras de contu e a unu lissentziamentu de su traballu po auséntzias ingiustificadas. “Bruno s’agatàt a is arrestus de pagu prus de un’annu candu is ferruvias de su stadu in su 2010 ant determinau de ddu lissentziai poita ‘assenteista’ de su traballu – pretzisat una nota de imprenta de a Manca pro s’Indipendenzia, organizatzioni política de Bellomonte – Bruno furiat in presoni a patiri su protzessu chi agoa ddu at biu bessiri dessintotu innotzenti”. “Su fatu no sussistit”, recitat sa senténtzia, ma mancai in su mesi de totussantus Bellomonte siat stétiu declarau innotzenti cun fórmula prena, Trenitalia determinat de no torrai a pigai unu de is sindacalista suus prus gherradoris. Sighi a ligi ‘“Oi una diri de giustítzia po is traballadoris sardus!”. Bellomonte depit torrai a pigai debressi su traballu suu’
(IlMinuto) – Casteddu, 7 de su mesi de paschixèdda – A pagu diris de sa Cuferéntzia de is Serbítzius de Roma de su 21 de su mesi de paschixèdda, chi iat a podi fai cumentzai is traballus de fàbricu de su Metanodotu Algeria Sardìnnia Itàlia, funt sèmpiri de prus is propostas de chini est contra, a sa, chi su mantessi Galsi lamat “Tzerachia de passada”. Cenàbara a merì, 9 de su mesi de paschixedda, in Serramanna (Ex Montegranatico, 17.30) s’at a tenni s’atóbiu de sceda chi tenit comenti de tema “Galsi. Quali benefici per i sardi?” Un’atopu obertu a totu sa genti, cun is relatus de su consilleri regionali Claudia Zuncheddu (Indipendentistas), de Stefano Deliperi (Gruppo di intervento giuridico) e de Sandro Martis (Comitato ProSardegnaNoGasdotto). In su trastempus crescint is adesionis* a sa manifestada natzionali “NoGalsi” in programa po sàbudu 10 de su mesi de paschixèdda in Casteddu (pratza de is Centumilla, 10.30). Sighi a ligi ‘Galsi: in Serramanna atóbiu cun is tzitadinus. Totus is adesionis a sa manifestada “NoGasdotto” de su 10. Cras a Manca afestat a Bellomonte’
(IlMinuto) – Casteddu, 25 de su mesi de totussantus – “Una batalla est binta, ma su caminu abia de sa libertadi est tambeni longu e teneus abisóngiu de totu sa fortza e s’acunnortadura de bosàterus”. Cun custus fueddus sa diretzioni natzionali de a Manca pro s’Indipendentzia cumbidat a is sardus a pigai parti a s’assembrea-cuferéntzia de imprenta “Benitorrau Bruno!”, aprontada po cras a mangianu in Tàtari, a is 10.30, in s’anfiteatru de su “Dopolavoro” Ferruviariu. A is traballus at a pigai parti puru Bruno Bellomonte, ca de lúnis a merì est torrau un’ómini liberu agoa de 29 mesis de impresonamentu preventivu. Asuba de s’acuntéssia e asuba de s’operatzioni Arcadia at a chistionai puru sa Diretzioni política natzionali de a Manca. A s’assembrea ddoi at essi puru s’assótziu Culturali Zirichiltaggia. Sighi a ligi ‘“Benitorrau Bruno!”. Zirichiltaggia: “a Manca vitima sceberada de un’acanarjadura”. Cras in Tàtari assembrea cun Bellomonte’
(IlMinuto) – Casteddu, 24 de su mesi de totussantus – Sa Sardìnnia est pronta a imbratzai a Bruno Bellomonte. Sàbudu a mangianu a is 10.00 ddoi at essi un’assembrea pública ananti de s’istatzioni ferruviaria de Tàtari, logu de traballu de su dirigenti de a Manca pro s’Indipendentzia. “Totus – si ligit in d-una nota fata connosci de aMpI – ant a tenni sa possibilidadi de pigai su fueddu, de donai sa solidariedadi a su dirigenti natzionali nostru e de chistionai impari a issu e impari a is dirigentis de A Manca pro s’Indipendentzia de comenti sighiri sa batalla contra a s’assétiu de su movimentu indipendentista e in difesa de sa demogratzia bera”. A pagus diris de sa senténtzia de assolutzioni pronuntziada de sa primu Corti de Assise de Roma sighint a arribai is comunicaus chi espressant prexu mannu po sa liberatzioni de assolutzioni de Bellomonte agoa de duus annus e mesu de presonia preventiva. Sighi a ligi ‘“Benitorrau Bruno!”. Sàbudu assembrea in Tàtari. Is comunicaus de ProgRes, Prc, “Sinistra Popolare” e Askapena’
(IlMinuto) – Casteddu, 23 de su mesi totussantus – “Si calencunu iat pentzau ca custu no est stétiu unu protzessu políticu at faddiu de meda. Est stétiu unu protzezzu bófiu e […] ghiau, poita ddoi furiant cunditzionis pretzisas de esecutai. E bosàterus [giornalistas] ddu scidiais, ma addolumannu fissientementi no ndi feuddais. Ndi fueddais candu besseus de is galeras, mai candu ddoi intraus”. Cun custus fueddus Bruno Bellomonte at arrespustu a is preguntas fatas de is giornalistas, ariseru a merì in s’aereoportu de S’Alighera, a sa contoniada de su dirigenti de aMpI in Sardìnnia a pustis de 29 mesis de impresonamentu preventivu. Bellomonte est stétiu aghilliu de unu grupu mannu de militantis de a Manca, ca “Tziu Bruno” at primu saludau a buciconi serrau e agoa imbratzau forti unu po unu. Sa nova de s’assolutzioni e liberatzioni de Bellomonte est stétia pigada cun prexu mannu puru de su Pcl. Sighi a ligi ‘“Bruno est líberu”. Bellomonte: “Est stétiu unu protzessu políticu”. Is comunicaus de Pcl e Sns’
Social
