(IlMinuto) – Casteddu, 5 de su mes’e maju – S’at a tenni su 27 e su 28 de su mes’e maju in s’àula Vittoria Sanna (Dipartimentu de Linguìstica e Stilistica de s’Universidadi de Casteddu) su cunvegnu de s’Arxiu de Tradicions de l’Alguer. Sa XV editzioni de s’eventu – dedicada a su tema “La Sardegna e il Mediterraneo occidentale nell’età moderna (secc. XVI-XVII)” – at a cumentzai cenàbara 27 a is 17.00 e at essi presentada de su Diretori de su Dipartimentu Ignazio Putzu. Ant a inquadrai su contestu istóricu Giovanni Serreli de su Cnr e Gianfranco Tore, maistu de su’Universidadi de is Istudius de Casteddu, mentris Daniela Zizi, istudiosa de s’Universidadi de Casteddu, at a aprofundai is contestus linguìsticus culturalis de su períodu pigau in cunsidériu. Sighi a ligi ‘Sa Sardigna e su Mediterràneu occidentali in s’edadi moderna in su XV cunvegnu de s’Arxiu de Tradicions de l’Alguer’
Archíviu de s'argumentu 'catalanu'
(IlMinuto) – Casteddu, 15 de su mes”e arbili – At cumentzai oi a is 17.00, in s’àula Vittoria Sanna de su Dipartimentu de Linguistica e Stilistica de is Istudius de s’Universidadi de Casteddu, su XIV in s’atopu de istudius de s’Arxiu de Tradicions. S’apuntamentu, chi at a sighiri puru in su mangianu de cras, tenit comenti títulu “Lo standard linguistico. Esperienze e processi”. Tra is reladoris ddoi est puru Katsuyuki Takenaka, de s’Universidadi de Aichi in Giaponi chi at a fai una relata in catalanu fueddenti de sa língua giaponena. De língua catalana at a fueddai Joan Argenter de s’Institut d’Estudis Catalans, mentris Frantziscu Casula, de su Comitadu pro sa limba sarda, at a afrontai sa chistioni de s’imparamentu de su sardu in is iscolas. No ant a mancai is relatas chi tratant de su catalanu de S’Alighera, relatat chi ant benni tentas de Joan Armangué i Herrero, de s’Universidadi de is Istudius de Casteddu, e de Joan-Elies Adell, de s’Espai Lull – Rapresentaciò de la Generalitat de Catalunya a l’Alguer. Sighi a ligi ‘Universidadi: sardu, giaponesu e catalanu in su XIV atopu de istudius de s’Arxiu de Tradicions’
(IlMinuto) – Casteddu, 5 de su mes”e martzu de su 2010 – “Ses de acórdiu chi sa Nazioni Catalana diventit unu Stadu de Diritu, Indipendenti, Democràticu e Sociali, insertau a s’Unioni Europea?”. Est cantu dimandhat su referendum líbberu de domìnigu passau, unu referendum chi at biu unu nùmeru de votantis artu meda, chi at biu su 92,04 po centu de is participantis a su votu, unu votu chi at biu nai eja a su 21,7 po centu de sa genti de 80 comunus de sa Catalogna. S’indipendentismu catalanu fait duncas unu biaxi de passus ainnantis; custu bidit s’interessu de is controlloris internazionalis de sa Sardigna chi furiant presentis po s’istoricu cussurtu: Gavino Sale de s’Irs e Claudia Zuncheddu de is Rossomori (scuadra chi cras a mangianu in Casteddu at a bivi sa própriu assembrea costituenti). Sighi a ligi ‘UN’ANNU FAIT. Catalogna: su 92,4 po centu de is votantis narat eja a su referendum líbberu po s’indipendenzia de sa Spagna’
(IlMinuto) – Casteddu, 30 de su mes”e gennàrgiu de su 2010 – Puru S’Alighera s’espressat po sa “territorialidadi de sa pena”. In is diris passadas su consillu comunali de sa citadi catalana, gratzias a s’avansamentu de su rapresentanti de “Alghero Viva”, Valdo Di Nolfo, at aprovau a s’unanimidadi un’odg chi pedit s’arrespetu de sa lei 354 de su 1975 e su protocollu de intesa tra Stadu e Regioni de su 2006. In àula Di Nolfo at arregordau s’acontéssia de Bruno Bellomonte “citadinu sardu chi de otu mesis – scririt su consilleri – iscontat sa presonia cautelari a foras de sa Sardigna (primu in Roma e a pustis in Catanzaru) sighendi sa normativa ”. Sighi a ligi ‘UN ANN’ANNU FAIT. Acuntéssia Bellomonte: puru S’Alighera s’espressat po sa “territorialidadi de sa pena”’
(IlMinuto) – Casteddu, 29 de su mes”e paschixèdda de su 2009 – 94,9 po centu de Sì, 3,2 de No e 1,9 po centu de ischedas biancas e annulladas. Funt custus is arrasutaus de su referendum po s’indipendentzia de sa Catalogna chi su 13 de su mes”e paschixèdda – a pustis de sa primu torrada de votus de su 13 de su mes”e cabudanni in Areny de Mut – at interessau 166 comunus catalanus e 200 milla eletoris (su 30 po centu de is personis chi tenint su diritu de votu). Sighi a ligi ‘UN’ANNU FAIT. Catalogna: 94,9 po centu de Sì a su referendum po s’indipendenzia. Gioventudi indipendentista: “Un’esémpiu de importu mannu”’
(IlMinuto) – Casteddu, 14 de su mes”e paschixèdda de su 2009 – S’Alighera, su Rossiglione, is Isolas Balearis, sa Valenzia, sa Catalogna: de custus logus de lingua catalana mèrcuris chi benit a is 11.00 at a partiri una littera crìtica a s’indirizzu de is diversas imbasciadas de is Stati Uniti. Tra custas ddoi at essi puru s’imbasciada de Roma. Cun custa littera sa “Federazione delle Organizzazioni per la Lingua Catalana” – de is calis fait parti s’Arxiu de Tradicions de l’Alguer – bollit dinùnziai s’informazioni mala diffùndia de su ‘Dipartimento di Stato Nord Americano’ “chi – si podit liggiri in d’una nota – esti iscriendi (n.d.r.: in is rapportus annualis) ca sa lingua spagnola in Catalogna est in d’una situazioni de disvantaggiu”. Sa littera, firmada de sa presidenti de sa Folc Elisenda Romeu, ammòstat sa mala obbiettividadi de su rappurtu prus rezenti. “Est evidenti – iscririt Romeu – ca in su rapportu de su 2008, parrit ca bosatrus arregolleis scéti in dinùnzias in d’una direzioni e, puru si chistionais de dirittus umanus, parrit ca is personas chi chistionant catalanu no tengant su dirittu de ddu fai in su territoriu insoru e in su restu de su stadu spagnolu”.
(IlMinuto) – Casteddu, 31 de su mes”e maju – Elisa, Dalla e De Gregori, Elio e le Storie Tese, Carmen Consoli e Cristiano De Andrè. Funt scéti calincunu de is nòminis prus importantis de su Festivalguer 2010, sa rassigna de música in programma de su 6 de su mes”e cabudanni in S’Alighera.
Su progetu, promòviu de s’amministrazioni de sa citadi e aprontau de “Sardegna Entertainment”, at a aportai in su palcu de su Teatru Maria Pia calincunu de is númerus unu de sa música italiana.
Su Festivalguer si cunfirmat comenti unu de is puntus de forza de s’istadi in sa citadi catalana: “logu de turismu culturali e musicali po dexinas de migliaja de stimadoris – acalarat s’ufíciu de imprenta – chi in is úrtimus ot’annus ant superau is 240milla aspetadoris chi pagant, cun d’una média annuali de circa 30milla billettus bèndius”.
Su Festival at essi serrau su 25 de su mes”e cabudanni de Elio e le Storie Tese cun “Bellimbusti balneari tour 2010″.
Castia su programma: www.festivalguer.com
(IlMinuto) – Casteddu, 7 de su mes”e maju – Est arribbau a sa terza edizioni su “TingaSardegna”: s’adunada nazionali de is moto-internautas de su club “T’ingavert”.
Ocannu, su 29 e su 30 de su mes”e maju, is motociclistas ant a percurri is istradas de sa Sardigna de Tramuntana e de Ocidenti.
Sàbudu 29, dedicau a sa bisita de S’Alighera e de Bosa, s’at a serrai cun s’adunada de su grupu de is moto-internautas in Capo Caccia. In sa diri de domínigu is amantis de is duas arrodas ant a andai – si ligit in d’una nota – “a s’iscoberta de calinunu arranconi de s’internu de su Nord de sa Sardigna, atravessendi is montis de sa Costèra e is biddas de su Logudòro e de su Mejlogu”.
(IlMinuto) – Casteddu, 7 de su mes”e maju – “Fare turismo tra diritto di sviluppo e dovere di tutela dell’ambiente”: at essi custu su tema de su forum aprontau de “Sardegna Democratica” po cras in S’Alighera (Quarte Sayal, 9.30).
Espertus de sa matéria, maistus universitarius e imprendidoris ant a presentai is arrasurtaus de istudius e de esperiénzias.
Tra is àterus ant a chistionai su maistu de su Iulm de Milanu Ferraresi, chi at a ammostai a is participantis is anàlisis de is cumportamentus de is consumadoris.
Gabriella Belloni, in veci, at a contai “sa própriu scummissa de imprendidora in Santu Lussurzu cun su primu albergu atentu a is propostas e a s’ambienti de s’Isola”.
At a serrai su mangianu su leader de “Sardegna Democratica” Renato Soru.
(IlMinuto) – Casteddu, 6 mes”e maju – “Sardina protagonista de d’una política noa po su Mediterraneu”: est custu su slogan de sa “XXI Rassegna del Mare”, in programma in S’Alighera (Hotel Carlos V) de oi a su 9 de su mes”e maju.
Cussus chi podint essi definus is “Stadus generalis de su mari” ocannu funt dedicaus a is cambiamentus de su clima e a is políticas europeas in su Mediterraneu.
“Su sceberu de sa Sardigna – cummentat su presidenti de s’associazioni “Mareamico”, Roberto Tortoli – no est casuali, sa posidura geografica sua dda podit e dda depit biri sèmpiri prus protagonista de una política noa e importanti in su Mediterraneu, biu comenti un’arrichesa meda manna de sa bodiversidadi, custódia de vida e fatori importanti po s’isvilupu economicu e po su trapallu (…), cun atenzioni meda manna a su sistema de amigànzia tra sa Regioni Sardigna e sa Catalogna”.
Social
