> ilMinuto – notizie Mediterranee – edizione Sardegna

Archíviu de s'argumentu ''

Chímica birdi. Is dúbius de su “Gruppo d’intervento giuridico”

(IlMinuto) – Casteddu, 21 de su mesi de cabudanni – Oi in Pòrtu Turre est in programa (a is 11.15, Saba comunali “Filippo Canu”) sa presentada de su “Polu Birdi” e de s’istúdiu asuba de s’ambienti acapiau a su progetu de sa Matrica Spa, cun s’obietivu declarau de fai unu “polu chi siat intre is primus in su cumpartu de sa chímica birdi”. Asuba de sa chistioni fueddant su “Gruppo d’intervento giuridico” e is “Amici della terra”, cun d-unu post publicau in su blog de su Gig. Su documentu critigat diversas cosas de su progetu e po su prus s’acàpiu cun is produtzionis de is campus de su logu, cun sa previsioni de fai in s’Ísula “s’amidu e una calencuna variedadi de cardu po fai ollu e ‘biomasse’” po sa tzentrali termica de 40 megawatt. Sighi a ligi ‘Chímica birdi. Is dúbius de su “Gruppo d’intervento giuridico”’

Vinyls. 156 diris in s’Ísula de is cassintegraus "Su Guvernu de su FORSIS si preocupat scéti de privacy e intercetazionis"

(IlMinuto) – Casteddu, 30 de su mes”e argiòlas – “Su Guvernu de su FORSIS”. Aici is traballantis Vinyls, chi de 156 diris ocupant s’ex presoni de S’Asinàra, ant torrau a batiai a sa scuadra de Berlusconi.
“Berlusconi – afirmant is operàjus in su blog de s’Ísula de is cassintegraus – annunciat ca aintr”e cida, FORSIS, at a fai su nòmini de su ministru nou a s’isvilutu economicu, postu chi est abarrau baganti a pustis de is dimissionis de Scajola po acuntéssias de afitu”.
Su dúbbiu de is traballantis de sa chímica sighit a esistiri, nonostanti sa presentada de su bandu nou de bendida internazionali, chi s’est tenta ariseru in Roma in sa sedi de su Ministeru de s’”Sviluppo economico”. Sa pubblicazioni de s’abisu púbblicu s’at a depi tenni intru sa primu cida de su mes”e austu.
“FORSIS – scrirint is traballantis Vinyls – tra calencunu mesi at essi totu agiustau, chini ddu scit est bravu, a sa fini est prus importanti aprovai una lei asuba de is intercetazionis (…)”.
“Custu – concluint – est su guvernu de su FORSIS, senz”e castiai a is arrisurtaus ammostaus de borta in borta de is tg de sa ditadura, s’única certesa de s’istadi est s’abronzadura de is parlamentaris nostrus”.

(Urtim’ora): traballadoris de s’Euroallumina firmant s’intrada in s’aeroportu de Su Masu. "Debressi un’atóbiu cun Cappellacci"

 

(IlMinuto) – Casteddu, 20 de su mes”e argiòlas – Crescit s’arràbbiu de is operàjus de s’Euroallumina. De diversas oras 150 operàjus de s’istabilimentu de Portuvesme, in cassa integrazioni de un’annu e mesu, funt ocupendi s’istrada de s’aeroportu de Casteddu-Su Masu.
Is viagiadoris depint cabai de sa màchina e arribbai a pei a s’iscalu. Is operàjus chi manifestant pedint un’atóbiu oi ‘e totu cun su Presidenti de sa Regioni Ugo Cappellacci.

 

UN ANNU FAIT. Vertenza chímica: Rossomori, "no si podit donai sa difesa de su cannizzu a is margianis"

(IlMinuto) – Casteddu, 13 de su mes”e argiolas – “Su Presidenti Cappellacci est faendi biri ancora una borta, de no tenni a oi nesciuna autonomia politica e nesciuna autoridadi. Cun is “viàgius de s’isperanzia” in Roma fait biri de èssiri sempri prus “telecomandau” de Berlusconi. Ddu narat, in d’unu comunicau de imprenta chi chistionat de su isciòpiru generali de su 10 de su mes”e argiolas, sa Consillera regionali de is Rossomori Claudia Zuncheddu. “Sa Presidenti de su Consillu regionali Claudia Lombardo – ispiegat sa sardista de sinistra – iat fattu prus bella figura a convocai s’atóbiu estraordinariu de su Consillu prevìdiu po su 15 in su Petrolchímico de Pòrtu Turre, po èssi cun is operàjus, donendi aici unu signali forti de acozu a sa lota e un’istrónciu a s’Eni e a su Governu italianu. Is sadrus funt cumprendendi cun marigosori ca no si podit prus donai sa difesa de su cannizzu a is margianis.

121 diris in S’Asinàra po is traballantis Vinyls. "Cappellacci est sparessiu. Arrespetit is impignus pigaus in s’ísula"

(IlMinuto) – Casteddu, 25 de su mes”e làmpadas – “Cappellacci cun nos at pigau un’impignu, e a pustis est sparessiu”. Est cantu scrirint in su blog de s’ísula de is cassintegraus is traballantis de sa Vinyls de Pòrtu Turre, chi de 121 diris ocupant s’ex presoni de S’Asinàra. Is operàjus de sa chímica torrant a fai un’apellu a su presidenti de sa Regioni Autónoma de sa Sardigna.
“Fustei, caru presidenti – scrirint is traballantis Vinyls – cun nos in S’Asinàra at pigau unu grandu impignu. Ainnantis a centinas de testimóngius, at strintu sa manu a su collega nostru Andrea Spanu, narendusì prontu a andai contra a su governu po sa vertenza nostra. In custus mesis, caru presidenti, de fustei no eus tentu custus signalis. S’abetaus nonostanti totu unu trémidu de onori, chi ancora no est arribbau a nos comenti a àterus sadrus”.

Biàgios

Social

Facebook     Twitter     Feed RSS  

In primu pianu

 

mes'e totussantus: 2019
L M M G C S D
« arb    
 123
45678910
11121314151617
18192021222324
252627282930  
Formas
S'Urtima nova