(IlMinuto) – Casteddu, 22 de su mesi de paschixèdda – Est po oi in Pauli s’atopu contra a sa xenofobia e po s’inclusioni sotziali de su pópulu Rom e de is àterus furestis. Unu merì musicali chi at a cumentzai a is 19.00 in sa Domu de sa Cultura de bia Giulio Cesare 37. Sa festa est aprontada de su comunu de Pauli cun s’agiudu de s’Assótziu Sardu contra a s’assolamentu, cun s’iscopu de no si ndi scaresci de is fatus, acontéssius de pagu, in Firenzi. At essi Antonello Pabis a presentai s’atopu contra a sa xenofobia. Sighi a ligi ‘Avenimentus: cuncertu contra a su ratzismu custumerì in Pauli’
Archíviu de s'argumentu 'cuncertus'
(IlMinuto) – Casteddu, 12 de su mesi de paschixèdda – Sa protesta contra a su Galsi no si frimat. Sàbudu a mangianu funt stétias pagu prus de 200 is personis chi ant pigau parti a sa manifestada de Casteddu contra a su fàbricu de su Metanodotu Algeria Itàlia Sardìnnia. A su corteu, obertu de su striscioni “No a su colonialismu, No a su Galsi”, furiant presentis su Comitau ProSardegnaNoGasdotto, A Manca pro s’Indipendentzia – chi at aprontau sa manifestada -, “Sinistra Critica sarda”, “Partito Comunista dei Lavoratori”, “Collettivo anticapitalista sardo”, Assótziu Zirichiltaggia; “Comunisti – Sinistra popolare” de Casteddu e de su Surcis, Disarmiamoli Sardigna, Casteddu Social Forum, “Solarussa in Movimento”, “Liberta’ Sarda”, Comitau “Carlofortini Preoccupati”, Grupu “Tutti i sardi contro il Galsi”, Az.namusn.art (colletivu artísticu), Meetup 31 (Amigus de Beppe Grillo in Sardìnnia) e Claudia Zuncheddu. Sa mobilitada contra a custa òpera chi is manifestantis definint inútili, cara e dannosa po s’ecunumia e po s’ambienti at a sighiri sàbudu chi benit in sa Sardìnnia de Tramuntana. Su 17 de su mesi paschixèdda in Terranòa est difatis in programa unu corteu dibàtidu (17.00, pratza Mercau) aprontau de su Movimentu de opinioni “Tutti i sardi contro il Galsi” ant a sonai Dr Drer Crc Posse, Dr Boost, Gesuino Deiana & Gianni Mannu, Tzocu e Bellisario. Sighi a ligi ‘Manifestada: in Casteddu 200 narant ca no a su metanodotu coloniali. Sàbudu cuncertu No Galsi in Terranòa’
(IlMinuto) – Casteddu, 12 de su mesi de ledàminis – Cuàturu diris de dibàtidus, concertus, teatru, tzínema e cosa de papai meda. At essi custu su chi s’at a agatai in sa “Festa Comunista”, in programa de 12 a su 15 de su mesi de ledàminis in parchégius de su PArcu de Monti Claro. Un’atopu dedicau a su tema “A su tzentru is periferias”, cumentzat oi cun sa presentada de su progetu “Biblioteca popolari Antonio Gramsci” (18.00), cun su dibàtidu “Grigio periferia, le scuole di una città dimenticata” (18.30) e cun su concertu “Canzoni di lotta, amore e altri nobili sentimenti”, aprontau de su IlDeposito.org, cun Sergio Durzu e Gigi Stochino (20.30). Sighi a ligi ‘Avenimentus: in Casteddu cuàturu diris de “Festa Comunista”’
(IlMinuto) – Casteddu, 7 de su mesi de ledàminis – Sàbudu 22 de su mesi de ledàminis a cumentzai de is 9.30, s’àula magna de sa Facoltadi de pratza Universidadi in Tàtari at aghilliri a “Sa Die de sa Limba Sarda”. S’avenimentu apronta de s’Assótziu Su Majolu, s’at a oberri cun d-unu cunvennu chi at a tenni po tema “S’amparu de sas limbas minores e s’imparu de custas in sas iscolas: Esperentzias praticas de imparu de su Sardu”. Ant a contai is esperiéntzias insoru maistus e professoris chi ant imparau sa língua sarda in is iscolas e in s’Universidadi. Sighi a ligi ‘Avenimentus: in s’Universidadi de Tàtari “Sa Die de sa Limba Sarda”’
(IlMinuto) – Casteddu, 1 de su mesi de cabudanni – Arribat a sa VIII editzioni sua ROCK X GRAMSCI, s’avenimentu aprontau de s’Assótziu “Casa Natale ANTONIOGRAMSCI” de Abas cu s’agiudu de su Comunu de Abas, de sa Regioni Sardìnnia, sa Provìntzia de Aristanis, de sa Proloco de Abas e de su Comitau Santa Maria. S’atopu est po sàbudu 3 de su mesi de cabudanni in Abas. Sighi a ligi ‘Avenimentus: in Abas torrat ROCK X GRAMSCI’
(IlMinuto) – Casteddu, 31 de su mesi de austu – Est in programa po cenàbara 2 e sàbudu 3 de su mesi de cabudanni sa IV editzioni de sa Festa de sa Música de Uras. S’eventu cun contest de is grupus musicalis s’at a tenni in sa pratza de is parchegius, a faci de is iscolas elementaris, a cumentzai de is 18.00. Sighi a ligi ‘Avenimentus: a sa IV editzioni sa Festa de sa música de Uras’
(IlMinuto) – Casteddu, 3 de su mesi austu – Patada tenit una percentuali – su 4 po centu de sa genti – de personis chi tenint sa sclerosi multipla e s’aministratzioni de sa bidda s’impignat meda in sa lota contra a custu mabi. Su 29 de su mesi de làmpadas su Consillu comunali patadesu at aprovau a concordiu una proposta “cun s’obietivu de sensibilitzai sa Giunta regionali asuba de s’abisóngiu apretosu de autoritzai sa sperimentatzioni puru in Sardìnnia de sa cura Zamboni”. Su 20 de su mesi de austu in su campu sportivu Malchittu ddoi at essi, a cumentzai de is 20.00, su cuncertu “Uniti contro la sclerosi – Not(te) per (r)Esistere”, cun sa participatzioni de su cantautori romanu Alessando Mannarino. Sighi a ligi ‘Concertus: su 20 de su mesi de su auatu “Impari contra a sa sclerosi”. Artziat in su palcu Alessandro Marino’
(IlMinuto) – Casteddu, 15 de su mes’e argiolas – Is autoris de “de una forma noa de immaginai, scriri e sonai música chi pentzat”. Aici s’entzicropedia de s’heavy metal “Metallus” Giunti fueddat de is Sepultura. Sa band brasiliana – cun d-unu grupu innoi no ddoi ant essi is fradis Max e Igor Cavalera – at a sonai su 22 de su mes’e argiolas in Bolotona (21.00, Campu sportivu) po su festival “Rock and Bol”. Sighi a ligi ‘Concertus: in Bolotona su metal brasilianu de is Sepultura’
Social
