> ilMinuto – notizie Mediterranee – edizione Sardegna

Archíviu de s'argumentu ''

Pàgina 3 de 11

Sa Sardigna a sa conchista de s’Europa cun su tour de su cuartesu Arrogalla

(IlMinuto) – Casteddu, 6 de su mesi de argiolas – Est cumentzau gióbia passada in Milano su tour europeu de su musicista eletrónicu de Cuartu Sant’Aleni Arrogalla. Est custu su cuartu tour europeu de s’artista sardu. No ddoi est scéti s’Itàlia in is atopus musicalis in programa, ma sa Polonia e sa Lituania puru, innoia su musitzista at essi protagonista de festival internatzionalis de música eletrónica e raggae de importu mannu, intre is calis ddoi funt su Reggaeland Festival,  su Tundra Festival e su Reggaenwalde Festival. In custus e in àterus logus, Arrogalla – si ligit in d-una nota de imprenta – “at a presentai su concertu nou audio-videu de issu etotu, aundi s’agatant ’sonorità electro dub’ influentzadas de sa cultura populari sarda innoia sulitus, mutetus e cantus a tenori snaturaus e modificaus funt acabiddaus a sonus eletrónicus e ambientalis, arricaus de bascius profundus i elaboraus in su mamentu comenti bolit sa traditzioni de su dub”. Sighi a ligi ‘Sa Sardigna a sa conchista de s’Europa cun su tour de su cuartesu Arrogalla’

In Casteddu is notas de Pina Napolitano

(IlMinuto) – Casteddu, 4 de su mesi de argiolas – At a sonai su 7 de su mesi de argiolas a is 21.00, in is aposentus de su Palatzu Siotto in arruga de is Genovesus 116 in Casteddu cun d-unu repertóriu chi andat de Schönberg a Brahms. Est Pina Napolitano, sa pianista perella de su panorama italianu e internatzionali, chi agoa de su títulu pigau cun sa ghia de Giusi Ambrifi s’est apefessionada in s’Académia Musicali pighendi su diproma de pianoforti e música “pianistica” de su Noixentus. Sighi a ligi ‘In Casteddu is notas de Pina Napolitano’

Concertus: in Bolotana lompint Overkill e Exodus, maistus de su primu thrash

(IlMinuto) – Casteddu, 25 de su mesi de làmpadas – Atopu de no pèrdiri po is amantis de su metal de is annus otanta. In su fine de cida chi benit Overkill i Exodus, duas band protagonistas de s’iscena thrash Usa, ant a sonai in su palcu de su Rock’n’Bol, festival aghilliu aintru de su campu isportivu de Bolotona. Cenàbara 29 de su mesi de làmpadas is Overkill de New York ant a presentai su traballu nou insoru “The electric age” publicau a sa fini de su mesi de martzu de sa Nuclear Blast Records. Sighi a ligi ‘Concertus: in Bolotana lompint Overkill e Exodus, maistus de su primu thrash’

Avenimentus: cuncertu contra a su ratzismu custumerì in Pauli

(IlMinuto) – Casteddu, 22 de su mesi de paschixèdda – Est po oi in Pauli s’atopu contra a sa xenofobia e po s’inclusioni sotziali de su pópulu Rom e de is àterus furestis. Unu merì musicali chi at a cumentzai a is 19.00 in sa Domu de sa Cultura de bia Giulio Cesare 37. Sa festa est aprontada de su comunu de Pauli cun s’agiudu de s’Assótziu Sardu contra a s’assolamentu, cun s’iscopu de no si ndi scaresci de is fatus, acontéssius de pagu, in Firenzi. At essi Antonello Pabis a presentai s’atopu contra a sa xenofobia. Sighi a ligi ‘Avenimentus: cuncertu contra a su ratzismu custumerì in Pauli’

Manifestada: in Casteddu 200 narant ca no a su metanodotu coloniali. Sàbudu cuncertu No Galsi in Terranòa

(IlMinuto) – Casteddu, 12 de su mesi de paschixèdda – Sa protesta contra a su Galsi no si frimat. Sàbudu a mangianu funt stétias pagu prus de 200 is personis chi ant pigau parti a sa manifestada de Casteddu contra a su fàbricu de su Metanodotu Algeria Itàlia Sardìnnia. A su corteu, obertu de su striscioni “No a su colonialismu, No a su Galsi”, furiant presentis su Comitau ProSardegnaNoGasdotto, A Manca pro s’Indipendentzia – chi at aprontau sa manifestada -, “Sinistra Critica sarda”, “Partito Comunista dei Lavoratori”, “Collettivo anticapitalista sardo”, Assótziu Zirichiltaggia; “Comunisti – Sinistra popolare” de Casteddu e de su Surcis, Disarmiamoli Sardigna, Casteddu Social Forum, “Solarussa in Movimento”, “Liberta’ Sarda”, Comitau “Carlofortini Preoccupati”, Grupu “Tutti i sardi contro il Galsi”, Az.namusn.art (colletivu artísticu), Meetup 31 (Amigus de Beppe Grillo in Sardìnnia) e Claudia Zuncheddu. Sa mobilitada contra a custa òpera chi is manifestantis definint inútili, cara e dannosa po s’ecunumia e po s’ambienti at a sighiri sàbudu chi benit in sa Sardìnnia de Tramuntana. Su 17 de su mesi paschixèdda in Terranòa est difatis in programa unu corteu dibàtidu (17.00, pratza Mercau) aprontau de su Movimentu de opinioni “Tutti i sardi contro il Galsi” ant a sonai Dr Drer Crc Posse, Dr Boost, Gesuino Deiana & Gianni Mannu, Tzocu e Bellisario. Sighi a ligi ‘Manifestada: in Casteddu 200 narant ca no a su metanodotu coloniali. Sàbudu cuncertu No Galsi in Terranòa’

Biàgios

Social

Facebook     Twitter     Feed RSS  

In primu pianu

 

mes'e cabudanni: 2019
L M M G C S D
« arb    
 1
2345678
9101112131415
16171819202122
23242526272829
30  
Formas
S'Urtima nova