(IlMinuto) – Casteddu, 2 de su mesi de fiàrgiu – S’at a tenni in Casteddu e in Nùgoro su Master de primu livellu a gratis po “Manager de s’isvilupu turisticu territoriali”. Unu cursu finantziau de sa Regioni Sardigna e aprontau de s’Universidadi Católica de su Coru de Gesusu e de sa facoltadi de Ecunumia de Piacenza. Is letzionis, aprontadas in duas classis diferentis, s’ant a fai in Casteddu e in Nùgoro. Po s’iscriri a su Master ddoi est tempus fintzas a s’8 de su mesi de fiàrgiu. Sighi a ligi ‘Imparu: in Casteddu e in Nùgoro a gratis po “Manager de s’isvilupu turisticu territoriali”’
Archíviu de s'argumentu 'cursus'
(IlMinuto) – Casteddu, 31 de su mesi de gennàrgiu – Comenti fai, gestiri e aministrai un’organizatzioni no profit? At essi su tema de su cursu aprontau de s’assótziu Tdm 2000 po su 9, su 10 e s’11 de su mesi de fiàrgiu in su T Hotel de Casteddu. Is maistus de sa primu editzioni de su Cursu de Gestioni ant essi spertus e professionistas chi ant a fueddai de chistionis comenti: agatai su dinai, fai s’anàlisi de is bandus comunitàrius e de su territóriu, fai sa programatzioni e sa gestioni de su dinai, connosci is leis apitzus de su traballu. Sighi a ligi ‘Sotziedadi: in Casteddu cursu po gestiri un’assótziu no profit’
(IlMinuto) – Casteddu, 2 de su mesi de totussantus – Letzionis de birra in Terranòa. Sàbudu 19 de su mesi de totussantus de is 9.30 a is 19.00, in su “Jamin-A Cafè ‘Officina degli Intenti’” de bia Barcellona, s’at a tenni su “Cursu ‘Homebrewing’- comenti fai sa birra in domu”. Is letzionis ant essi obertas a totu is personis chi bolint imparai a fai sa birra. Sighi a ligi ‘“Comenti fai sa birra in domu. In Terranòa cursu de “Homebrewing”’
(IlMinuto) – Casteddu, 11 de su mesi de ledàminis – S’Universidadi de Casteddu cumentzat is cursus de imparu po formai maistus de língua sarda. S’Assessorau regionali de sa Pública Istrutzioni – fadendusì a s’artículu 19 de sa lei 26 de su 1197 – at difatis donau a sa Facoltadi de Líteras e Filosofia de s’Ateneu casteddaiu su progetu “FILS – Formatzione de insinnantes in limba sarda”, chi cumentzat cun sa publicata de su bandu de sceberu po títulus e collóchius de 100 candidaus, cun scadéntzia 17 de su mesi ledàminis de su 2011. Sighi a ligi ‘Universidadi de Casteddu: in Líteras is cursus de imparu po is maistus de língua sarda’
“Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris
(IlMinuto) – Casteddu, 11 de su mesi de ledàminis – Scadint lúnis chi benit, 17 de su mesi de ledàminis, is iscritzionis a is cursus a gratis de italianu po furesteris de su progetu “Fueddu duncas seu”. Is cursus, de 80 oras, funt po is tzitadinus chi ant fatu 18 annus, chi benint de foras e chi tenint su premissu de tratenimentu e su domitzíliu in Sardìnnia. Andai a su cursu donat su diritu a fai a gratis s’esàmini po pigai su documentu chi atestat sa connoscéntzia de sa língua italiana (D.M. 4/6/2010). Su progetu at essi fatu de s’Assótziu Nur. Sighi a ligi ‘“Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris’
(IlMinuto) – Casteddu, 23 de su mes’e maju – “La salute dalla natura” est unu cursu-butega asuba de is matixeddas de potecaria chi at essi fattu in Irgòli de Tzia Maria Carta. Maista chi at imparau a sola sa matéria, Carta in is annus est diventada sèmpiri prus cumpetenti i a oi tenit un’esperiéntzia aici manna ca dda connoscint fintzas a foras de is làcanas de sa Baronia de bàsciu. Su cursu, de 10 oras in totu, s’at a tenni una borta a sa cida a cumentzai de su 25 de su mes’e maju. In àterus tempus cicai matixeddas i ebras aromàticas po coxinai, spetzias, decotus o remedius omepaticus furiat una pràtiga fatta meda. Is propriedadis de cura de is ebras e i profetus suus, funt stetius difatis una risossa connota e tramandada de importu mannu. Sighi a ligi ‘Cursus: in Irgòli torrat “Sa saludi de sa natura”, propriedadis e profetus de is matixeddas de su logu’
(IlMinuto) – Casteddu, 14 de su mes”e arbili – Scàmbius tra is giòvanus, seminàrius e cursus de imparu po piciocus sardus: est scéti una de is tantis atividadis chi s’agatant in su progetu “Sardus giòvanus in Europa”, presentau ariseru in Casteddu in d-una cuferéntzia de imprenta in s’àula consiliari de su Comunu. “Sardus giòvanus in Europa” est promòviu de s’Assessorau de is Políticas iscolasticas e postu in pràtiga de s’Assótziu Tdm 2000 cun s’agiudu càmbiu de s’Unioni Europea. Sighi a ligi ‘“Sardus giòvanus in Europa”: presentau in Casteddu su progetu de Tdm 2000′
(IlMinuto) – Casteddu, 13 de su mes”e arbili – Ant essi mesis de connoscéntzia is mesis de argiolas e de austu de su 2011, poita sa Càtreda de Archeologia de s’Evu de Mesu de s’Universidadi de Tàtari, cun s’agiudu càmbiu de su Comunu de Sìligo e de sa Soprintendenza po is Benis Archeológicus po is Provìntzias de Tàtari e Nùgoro, tenit in programma s’organizatzioni de un’Iscola Estiva de Archeologia de s’Evu de Mesu (SEAM). Su Meilogu at a biri batti su coru suu cun diversas fainas de iscavus archeológicus, fainas chi s’ant a tenni in su satu de Bidda Noa, in Sìligo. Sighi a ligi ‘Apuntamentus: in Sìligo un’Iscola de Archeologia de s’Evu de mesu’
(IlMinuto) – Casteddu, 30 de su mes”e martzu – Arribbau a sa XXIII editzioni sua, su Seminàriu Nùgoro Jazz si fait prus arricu cun d-unu cursu nou: cussu de arpa. Su camminu didàticu pensau e cordinau de Paolo Fresu est in programma de su 24 de su mes”e austu fintzas a su 3 de su mes”e cabudanni. Sa classi de arpa at essi guidada de Marcella Carboni, única arpista bessia in is classíficas de s’úrtimu referendum de sa revista “Musica Jazz”. Sighi a ligi ‘Música: puru su cursu de arpa in su XXIII Seminàriu Nùgoro Jazz’
(IlMinuto) – Casteddu, 10 de su mes”e martzu – Is centrus de is Serbítzius Culturalis de Macumère e de Aristanis ant aprontau una fiberas de atóbius a gratis cun s’iscopu de “Torrai-a-animai a su ligimentu”: unu caminu de didàtica de giogu asuba de s’animatzioni de su ligimentu fattus de Carlo Carzan. Custus atóbius bolint – si ligit in d-una nota – “fai impitai a is istrumentus de giogu po acostai is piciocus e po aprontai atividadis de animatzioni a su ligimentu”. Sighi a ligi ‘In Aristanis e in Macumère caminus didàticus po “Torrai-a-animai a su ligimentu”’
Social
