(IlMinuto) – Casteddu, 11 de su mesi de ledàminis – Scadint lúnis chi benit, 17 de su mesi de ledàminis, is iscritzionis a is cursus a gratis de italianu po furesteris de su progetu “Fueddu duncas seu”. Is cursus, de 80 oras, funt po is tzitadinus chi ant fatu 18 annus, chi benint de foras e chi tenint su premissu de tratenimentu e su domitzíliu in Sardìnnia. Andai a su cursu donat su diritu a fai a gratis s’esàmini po pigai su documentu chi atestat sa connoscéntzia de sa língua italiana (D.M. 4/6/2010). Su progetu at essi fatu de s’Assótziu Nur. Sighi a ligi ‘“Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris’
Archíviu de s'argumentu 'cursus'
Pàgina 2 de 3
“Fueddu duncas seu”: cumentzat in Casteddu, Terranòa e Tèmpiu is cursus de italianu po is furesteris
(IlMinuto) – Casteddu, 23 de su mes’e maju – “La salute dalla natura” est unu cursu-butega asuba de is matixeddas de potecaria chi at essi fattu in Irgòli de Tzia Maria Carta. Maista chi at imparau a sola sa matéria, Carta in is annus est diventada sèmpiri prus cumpetenti i a oi tenit un’esperiéntzia aici manna ca dda connoscint fintzas a foras de is làcanas de sa Baronia de bàsciu. Su cursu, de 10 oras in totu, s’at a tenni una borta a sa cida a cumentzai de su 25 de su mes’e maju. In àterus tempus cicai matixeddas i ebras aromàticas po coxinai, spetzias, decotus o remedius omepaticus furiat una pràtiga fatta meda. Is propriedadis de cura de is ebras e i profetus suus, funt stetius difatis una risossa connota e tramandada de importu mannu. Sighi a ligi ‘Cursus: in Irgòli torrat “Sa saludi de sa natura”, propriedadis e profetus de is matixeddas de su logu’
(IlMinuto) – Casteddu, 14 de su mes”e arbili – Scàmbius tra is giòvanus, seminàrius e cursus de imparu po piciocus sardus: est scéti una de is tantis atividadis chi s’agatant in su progetu “Sardus giòvanus in Europa”, presentau ariseru in Casteddu in d-una cuferéntzia de imprenta in s’àula consiliari de su Comunu. “Sardus giòvanus in Europa” est promòviu de s’Assessorau de is Políticas iscolasticas e postu in pràtiga de s’Assótziu Tdm 2000 cun s’agiudu càmbiu de s’Unioni Europea. Sighi a ligi ‘“Sardus giòvanus in Europa”: presentau in Casteddu su progetu de Tdm 2000′
(IlMinuto) – Casteddu, 13 de su mes”e arbili – Ant essi mesis de connoscéntzia is mesis de argiolas e de austu de su 2011, poita sa Càtreda de Archeologia de s’Evu de Mesu de s’Universidadi de Tàtari, cun s’agiudu càmbiu de su Comunu de Sìligo e de sa Soprintendenza po is Benis Archeológicus po is Provìntzias de Tàtari e Nùgoro, tenit in programma s’organizatzioni de un’Iscola Estiva de Archeologia de s’Evu de Mesu (SEAM). Su Meilogu at a biri batti su coru suu cun diversas fainas de iscavus archeológicus, fainas chi s’ant a tenni in su satu de Bidda Noa, in Sìligo. Sighi a ligi ‘Apuntamentus: in Sìligo un’Iscola de Archeologia de s’Evu de mesu’
(IlMinuto) – Casteddu, 30 de su mes”e martzu – Arribbau a sa XXIII editzioni sua, su Seminàriu Nùgoro Jazz si fait prus arricu cun d-unu cursu nou: cussu de arpa. Su camminu didàticu pensau e cordinau de Paolo Fresu est in programma de su 24 de su mes”e austu fintzas a su 3 de su mes”e cabudanni. Sa classi de arpa at essi guidada de Marcella Carboni, única arpista bessia in is classíficas de s’úrtimu referendum de sa revista “Musica Jazz”. Sighi a ligi ‘Música: puru su cursu de arpa in su XXIII Seminàriu Nùgoro Jazz’
(IlMinuto) – Casteddu, 10 de su mes”e martzu – Is centrus de is Serbítzius Culturalis de Macumère e de Aristanis ant aprontau una fiberas de atóbius a gratis cun s’iscopu de “Torrai-a-animai a su ligimentu”: unu caminu de didàtica de giogu asuba de s’animatzioni de su ligimentu fattus de Carlo Carzan. Custus atóbius bolint – si ligit in d-una nota – “fai impitai a is istrumentus de giogu po acostai is piciocus e po aprontai atividadis de animatzioni a su ligimentu”. Sighi a ligi ‘In Aristanis e in Macumère caminus didàticus po “Torrai-a-animai a su ligimentu”’
(IlMinuto) – Casteddu, 9 de su mes”e martzu – A pustis de 16 mesis de lota e de 160 diris asuba de su “Rockbus” arribbat fiamenti una nova positiva po is pagu prus de 60 traballadoris in cassa de integratzioni de sa Rockwool de Igrèsias. Ariseru in sa sedi de sa Regioni autónoma de sa Sardigna, in s’arburada Trento, est stetiu firmau un’acórdiu po is cursus de imparu Igea spa chi depint fai is traballadoris de s’aziendha. Sighi a ligi ‘Contienda Rockwool: arribbant is cursus de imparu Igea po is traballadoris. Corriga: “Sa lota no est acabbada’
(IlMinuto) – Casteddu, 9 de su mes”e martzu – “‘Il Dio delle piccole cose’: una biblioteca per tutti”. Est custu su títulu de su seminàriu de agiornamentu professionali chi s’at a tenni su 10 de su mes”e martzu in sa saba Cuferéntzias de sa Bibblioteca Regionali de s’arburada Trieste 137, cun repitia s’11 de su mes”e martzu in Nùgoro in sa sedi de sa Coperativa Serbítzius Bibbliotecàrius de bia Silone 2. Sighi a ligi ‘“Il Dio delle piccole cose”: in Casteddu e in Nùgoro seminàriu asuba de bibblioteca po totus’
(IlMinuto) – Casteddu, 7 de su mes”e martzu – “No ddoi est arruga prus segura po si fuiri de su mundu chi s’arti, ma no ddoi est acàpiu prus seguru cun issu chi s’arti”. (Johann Wolfgang Goethe)
“S’imbidri est sa maia chi mi contat”, funt custus is fueddus chi Francesca Tedesco iat impitau po definiri su raportu chi tenit cun s’imbirdi, furiat su 6 de su mes”e totussantus de su 2010 po su progetu Formas, unu progetu promòviu de su giornali nostru. A pustis de tres mesis de cussa intervista Tedesco, maista de s’Académia de is “Belle Arti” de Tàtari, at a cumentzai in sa citadi turritana unu cursu a gratis de Musàicu in tèsseras de imbirdi. Su cursu, de 100 oras, est promòviu de s’Assótziu Agorà e nascit in su contestu de is progetus de animatzioni sociu-culturalis e sociu-educativas apogiadas de su Comunu de Tàtari. Sighi a ligi ‘Una fémina chi tramandat s’arti sua. In Tàtari cursu a gratis de Musàicu cun Francesca Tedesco’
(IlMinuto) – Casteddu 7 de su mes”e fiàrgiu – 21 diri de imparu po unu totali, cun is esamis finalis, de 90 oras. Est custa sa fórmula chi s’Agentzia Laore Sardigna – Serbítziu multifuntzionalidadi de s’impresa agrària de sa biodiversidadi, presentat unu cursu de imparu po operadoris de dominarius didàticus. Su cursu chi s’at a tenni in Abbasànta, at a durai de su 16 de su mes”e fiàrgiu a su 12 de su mes”e maju de su 2011. S’intentu de s’atividadi de imparu – si ligit in d-una nota – est “donai a is participantis sa cumpeténtzia necessària po cumetzai a svilupai in s’aziendha agrària serbítzius educativus e didàticus, chi pertocat a connoscéntzias specificas de sa cultura de is campus in Sardigna”. Sighi a ligi ‘Dominarius didàticus: cumentzat su cursu po is operadoris aprontau de s’Agentzia Laore’
Social
