(IlMinuto) – Casteddu, 9 de su mesi de martzu – At a cumentzai custu merì in Tàtari a is 18.30, in is aposentus de sa libreria Odradek, sa proposta culturali ”Imigratzioni: s’àtera faci de sa seguresa”. S’avenimentu at a presentai màginis, atopus e dibàtidus asuba de is 20 annus de Imigratzioni in Itàlia. Aprontadori de is atóbius, su grupu de is istudiantis E+, s’”Abracadabra Onlus”, s’”Andalas de Amistade Onlus”, sa libreria Odradek, s’Arci Tàtari, sa Cgil de Tàtari e s’Ersu. ”Imigratzioni: s’àtera faci de sa seguresa” previdit cuàturu atopus, su 9, su 14, su 20 e su 28 de su mesi de martzu. Sighi a ligi ‘In Tàtari cuàturu atopus cun “Imigratzioni: s’àtera faci de sa seguresa”’
Archíviu de s'argumentu 'dibattiti'
(IlMinuto) – Casteddu, 11 de su mes”e arbili – Massimo Fantola, Massimo Zedda, Claudia Zuncheddu e Ignazio Artizzu: cenàbara 15 de su mes”e arbili, a unu mesi giustu giustu de is eletzionis comunalis, cuatru de is noi sindhígus possíbbili de Casteddu s’ant cunfrontai in d-una dibata cun “dimandhas senz”e coladoris e senz”e mediatzioni fattas de sa genti de su púbblicu a donniunu de is candidaus chi ant essi ingunis”. S’apuntamentu – in programma in su T Hotel de Casteddu de is 15.00 a is 18.00 – est aprontau de su “Coordinamento Nazionale Giovani Imprenditori-Confesercenti” de sa Pròvintzia de Casteddu, cun s’agiudu de àterus assótzius de categoria e de su terzu setori. Sighi a ligi ‘Eletzionis comunalis in Casteddu: cenàbara dibata “senz”e coladoris” tra Fantola, Zedda, Zuncheddu e Artizzu’
(IlMinuto) – Casteddu, 17 de su mes”e fiàrgiu – Po su 120° anniversàriu de sa nàscida de Antonio Gramsci, sa Bibblioteca de su Comunu de Thiniscòle, cun s’agiudu de s’amministratzioni Comunali, sa Bibblioteca Gramsciana Onlus, s’Istitutu ténnicu Luigi Oggiano e s’Istitutu Maritimu e Scientíficu, aprontat po sàbudu 19 de su mes”e fiàrgiu, de is 10.30 a is 12.30, s’eventu “Gramsci raccontato per immagini”. Sighi a ligi ‘Apuntamentus: in Thiniscòle “Gramsci contau atressu de is màginis”’
(IlMinuto) – Casteddu, 9 de su mes”e fiàrgiu – “De otu diris, de candu sa politzia est sparessia e s’est ammesturada a is batzariotus e a is ex presoneris, biveus inserraus, óminis e piciocus in is istrada e féminas e pipus in is domus, atacaus a sa tv po is últimas novas”. Aici scririt in www.affrica.org – su giassu chi in is diris de sa rivolutzioni rapresentat unu ponti tra Egitu e Sardigna – Laura Fara, arabista e e a oi impignada in s’istudiu de is línguas a s’Universidadi americana de su Cairu. “Puru si – sighit Fara – seu in d-unu logu apartau, m’intendu protegia de bixinus e amigus egitzianus puru si seu stetia scabudada de s’ambasciada e de su guvernu italianu chi [...] parrint de no essi interessaus meda a s’acontéssia”. De is eventus chi in is últimas cidas bint comenti protagonistas a sa Tunisia, a s’Egittu e a su Yemen s’at a chistionai cenàbara in Casteddu (17.30, àula magna de Sciéntzias políticas) in s’atóbiu-dibbatidu “Il mondo arabo in fiamme”. Sighi a ligi ‘“Segura ma scabudada de ambasciada”. De su Cairu sa testimónia de un’arabista sarda. Cenàbara dibbatidu in Casteddu’
Social
