(IlMinuto) – Casteddu, 3 de su mesi de gennàrgiu – Imbagas de traballu noas po is giòvanus in cica de impreu chi tenit de mancu de 35 annus e chi funt residentis in Cuartu Sant’Aleni. S’aministratzioni de sa terza tzitadi po númeru de abitantis de sa Sardigna at publicau unu bandu po sceberu públicu de 38 dipromaus e laureaus de pigai po mesu giornada e cun cuntratus de traballu diversus, po su “Pranu de su logu po s’ocupatzioni de is giòvanus”. Sighi a ligi ‘Traballu: su Comunu de Cuartu pigat a 38 giòvanus’
Archíviu de s'argumentu 'disimpreu'
(IlMinuto) – Casteddu, 7 de su mesi de paschixèdda – “S’atùmbidu de sa manuvra Monti at essi malu meda po sa Sardìnnia e at a agravai sa crisi giai grai chi s’est bivendi. Is acórdius po acumpangiamentu a sa pensioni de milla e prus de milla traballadoris funt stétius scancellaus. Milla e prus milla famílias ant a abarrai chentza de rédditu”. Est cantu narant su segretàriu regionali Cgil, Enzo Costa, in d-un’atóbiu cun su vici prefetu Carolina Bellantoni, in su sit in chi s’est tentu ariseru a mangianu in pratza Palatzu, in Casteddu. Sighi a ligi ‘Manuvra Monti. Cgil: “Milla e prus de milla traballadoris chentza de réddito”. Lúnis 12 isciòpiru generali de cuàturu oras’
(IlMinuto) – Casteddu, 25 de su mesi de totussantus – Otèniri arrespustas e tempus segurus asuba de su pagamentu de su trf, de sa de trexi mensilidadis, de is ferias e de is permissus. Cun custu obietivu is traballadoris de su Call Center Kistio ant aprontau po lúnis chi benit a is 11.00 unu pichetu-sit in a faci de sa sedi casteddaia de s’azienda. “Kistio – si ligit in d-una nota de sa Slc Cgil – agoa de ai incarrerau de pagu prus de duus annus is protzeduras de càscia integratzioni, at annuntziau sa serradura e s’acabu de s’atividadi po su 31 de su mesi de paschixèdda. Immoi boleus arrespustas seguras asuba de su chi si tocat. Po imoi no funt lompias. Su sindacau de categoria est obrigau aici a si ponni de punta po otèniri s’arrespetu de is diritus”. Sighi a ligi ‘Call Center: 180 traballadoris Kistio chentza de traballu a fini de annu. Lúnis sit in: “Boleus cantu si tocat”’
(IlMinuto) – Casteddu, 15 de su mesi de totussantus – A cincu mesis de sa fini de su campionau de calciu de su 2010-2011, is giogadoris e is traballadoris de sa Biddacidresa no ant biu nimancu unu soddu de is stipendius de sa stagioni passada. Est cantu denuntziat una lítera, firmada “is traballadoris de sa Biddacidresa” – imbiada a su presidenti de sa Regioni, a s’assessori a su Sport, a su presidenti de sa Provìntzia de su Campidanu de Mesu e a su presidenti de sa Lega Calciu. “Eus scipiu – si ligit in sa lítera – ca sa Regioni at donau a sa Sotziedadi [...] 310milla eurus prevìdius po su finantziamentu de is sotziedadis sportivas fatas de professioneris […]“. A custu dinai s’aciungint àteras “sponsorizzazioni”, lompendi – narat sa lítera – a unu tzirfa “bastanti po saldai su dépidu de su traballu 2010-2011 chi sa Biddacidresa tenit cun is traballadoris suus, ma puru po permiti a sa Sotziedadi de su Campidanu de Mesu de sighiri a fai su Campionau”. Sighi a ligi ‘Calciu. Traballadoris de sa Biddacidresa: “Chentza de biri unu soddu de un’annu”’
(IlMinuto) – Casteddu, 8 de su mesi de totussantus – 363 traballadoris a is serbítzius po su traballu de is Provìntzias e de is comunus sardus, Cesil e Csl, arriscant de diventai disimperaus a sa fini de su 2011. Est cantu denutziat una nota fata connosci de is traballadoris precàrius de is serbítzius po su traballu de sa Sardìnnia. “Biu su tassu de disimpreu de Cesil e Csl – si preguntaus poita sa Regioni no afortit is istrumentus útilis in matéria de política ativas po su traballu e s’ocupatzioni, cumentzendi a donai unu bellu esémpiu: ‘stabilizzando’ is próprius precàrius!”. Sighi a ligi ‘“Tocat a dda acabbai cun su precariau”, 363 de Cesil e Csl arriscant de perdi su traballu a fin’e annu’
(IlMinuto) – Casteddu, 21 de su mesi de cabudanni – Is traballadoris chi no tenint títulu po pigai is amortitzadoris sotzialis – o chi no pigant su stipendiu assumancu de tres mesis – podint fai dimanda de is sussidius istraordinàrius prevìdius de sa lei regionali 3 de su 2008, cumpilendi is modulus chi s’agantant in s’Assessorau regionali de su Traballu. Sighi a ligi ‘Traballu: ddoi funt modulus po sa dimanda de is sussidius istraordinàrius’
(IlMinuto) – Casteddu, 25 de su mesi de austu – In Sardìnnia su 25,2 po centu de is giòvanus intre is 15 e is 35 annus no traballat. Ddu fait sciri su relatu asuba de su disimpreu intre is giòvanus fatu de su Ofítziu studius Confartigianato asuba de is datus Istat. Sa percentuali de is disimperaus crescit e arribat a su 38,8 po centu si si pigant in cunsidériu is giòvanus intre is 25 e is 34 annus de edadi. Sighi a ligi ‘Disimpreu. Confartigianato: “In su Surcis Igresienti su 38% de is giòvanus chentza de traballu”’
(IlMinuto) – Casteddu, 2 de su mesi austu – “Frimai sa crisi de su disimpreu”. Est custu – po s’assessori regionali de Traballu Franco Manca – s’obietivu de is 3200 amaistramentus de ses mesis chi ant essi ativaus cun su bandu de sa Regioni Sardìnnia e de s’Agentzia po su Traballu. Su progetu est po is disimperaus, po chini no tenit traballu e po is personis chi no pigant is amortitzadoris sotzialis”. Is scientis ant a arriciri 500 eurus a su mesi. Sighi a ligi ‘Ecunumia: 3200 amaistramentus po chini est circhendi traballu’
(IlMinuto) – Casteddu, 14 de su mes’e làmpadas – Sa Provìntzia de Casteddu permitit de pigai traballadoris chi arricint ammortitzadoris socialis o “disvatagiaus”. Su progetu – lamau “Azione di sistema welfare to work” – est fattu de duus bandus chi scadint su 7 de su mes’e argiolas de su 2011: su primu bolit pròmovi su traballu a tempus indeterminau de 50 traballadoris, su segundhu agiudat a fai nàsci 10 impresas noas. “Su progetu – acrarat s’assessori provintziali de su Traballu Lorena Cordeddu – tenit s’iscopu de trisinai is meris. Po donniunu de is postus de traballu a tempus indeterminau donaus a traballadoris chi pigant is ammortitzadoris socialis, o po cussus ‘disvantagiaus’, funt previdius bonus de 15milla eurus e una risossa po afortiai is cumpeténtzias de is traballadoris de 2milla eurus”. Sighi a ligi ‘Traballu: de sa Provìntzia de Casteddu risossas po permiti de pigai a 50 traballadoris e po fai impresa’
(IlMinuto) – Casteddu, 10 de su mes’e làmpadas – Seti mesis de sit in e dinúntzias no funt bastaus. De oi is Oss de su comitau art.97 e su sindacau Usb avisant un’atóbiu nou: po duas bortas a sa cida ant a manifestai “po dinuntiziai a is isperdíssius chi fait sa sanidadi e po dinuntziai puru a is políticas de acotzus in is nóminas”. Sighi a ligi ‘Sanidadi. Is Oss sfidant a Liori: “In pratza duas bortas a sa cida fintzas a chi no s’at a donai is arrespustas chi circaus”’
Social
