(IlMinuto) – Casteddu, 8 de su mesi de Cabudanni – “Cun s’irminorigamentu de is consilleris regionalis is indipendentistas ant essi stresiaus po sèmpiri de su Consillu regionali”. Aici Bustianu Cumpostu, cordinadori natzionali de Sardigna Natzione, comentat s’aprou de parti de sa Comissioni autonomia de sa proposta chi previdit s’irminorigamentu de is eligius de 80 a 50, ma nisciunu irminorigamentu a su dinai pigau de is consilleris regionalis: 11.417 eurus a su mesi (datus Sole24ore). “Un’irminorigamentu a sa demogratzia e no a is privilégius de sa casta”, po Cumpostu, chi proponit invecis de amenguai su dinai de is consilleris regionalis e de is assessoris, no si depit arribai a pigai prus de 5milla eurus a su mesi. Sighi a ligi ‘“Ndi liant sa demogratzia, no ndi liant is privilégius de sa casta”. Su no de Cumpostu e Zuncheddu a s’irminorigamentu de is consilleris regionalis’
Archíviu de s'argumentu 'eletzionis'
Pàgina 2 de 11
(IlMinuto) – Casteddu, 5 de su mesi cabudanni – Sighit s’arregorta de is firmas in acotzu de su referendum contra a sa lei eletorali “Porcellum” po torrai a cussa “Mattarellum” (75 po centu de is parlamentaris elìgius cun su magioritariu, 25 po centu cun su proportzionali). A custa campannia referendaria funt participendi rapresentantis de su Pd, de Fli, de su Pli e de s’Idv, ma no ddoi est su Pdci, chi no at a acotzai a s’arregorta de is firmas. Po su cordinadori regionali de su Pdci Alessandro Corona sa lei eletorali proposta de su referendum no iat a permiti a is tzitadinus de sceberai is próprius rapresentantis in Parlamentu. Sighi a ligi ‘Lei eletorali: su Pdci bullat a su referendum contra a su “Porcellum”. Sighit s’arregorta de is firmas’
(IlMinuto) – Casteddu, 1 de su mes’e làmpadas – “Is arrisurtaus eletoralis de Casteddu, cun sa bitória de sa manca de centru e s’eletzioni a síndhigu de Casteddu de Massimo Zedda, faint biri ca puru in Sardigna su Belusconismu est spaciendi”. Est cantu narant cun d-una nota de imprenta Laura Stochino, segretàriu regionali de su Prc, e Alessandro Corona, cordinadori de su Pdci in Sardigna, cummentendi sa bitória eletorali casteddaia. Sighi a ligi ‘Eletzionis comunalis in Casteddu. Stochino e Corona (Fds): “Sa manca de centru unia bincit. Su Berlusconismu est spaciendi”’
(IlMinuto) – Casteddu, 31 de su mes’e maju – Casteddu a sa manca de centru, Igrèsias a sa dereta de centru e Sìnnia a s’alleàntzia Pd-”moderaus”. Funt custus is arrasutaus de su segundhu turnu de is eletzionis comunalis in Sardigna. In sa “capitali” de s’Ísula Massimo Zedda (59,4%) bincit a Massimo Fantola (40,6%) frimmendi is 17 de fil’e de s’alleàntzia berlusconiana. In sa bitória casteddaia ddoi est perou ancora su dúbbiu asuba de su númeru de is segius chi depint pigai s’unu e s’àteru. Ariseru su Ministeru de s’Internu donat sa majoria in Consillu comunali a sa dereta de centru, ma – precisat sa nota ministeriali – “is datus si faint a is comunicatzionis arribbadas a is comunus e no funt po tanti uficialis. Sa proclamatzioni uficiali de is eligius est incàrrigu de is ufícius eletoralis de su territóriu”. Sighi a ligi ‘Eletzionis comunalis: bitória manna de Zedda in Casteddu. Igrèsias eligit a Perseu. In Sìnnia bincit Pusceddu’
(IlMinuto) – Casteddu, 27 de su mes’e maju – A pagus oras de su ballotagiu tra Massimo Zedda e Massimo Fantola po s’eletzioni a síndhigu de Casteddu si fait sèmpiri prus callenti su dibbàtidu tra is fortzas chi ndd’ant fattu parti – o ant acotzau – a sa candidadura de Claudia Zuncheddu. A s’afirmadura de ariseru de Antonello Giuntini, de sa lista cívica “Cun Claudia Zuncheddu” (“nos inidipendentistas, mai cun sa dereta”) funt sighias is dichiaras in faori de s’astensioni de “Uniti e Diversi” e de Francesca Frigau (Sni). “‘Uniti e Diversi Sardegna’ – si ligit in d-una nota – est po s’astensioni a segundhu turnu de is eletzionis amministrativas de Casteddu. Cun custu pensu boleus arremaciai sa luntanànscia nostra de sa cuncetzioni de sa política de is arringheramentus de sa casta, conscius chi sa dereta de centru e sa manca de centru siant complicis de sa colonizatzioni de sa Sardigna”. Ateretantu sicus is fueddus de Frigau. Sighi a ligi ‘Eletzionis comunalis in Casteddu. Unius e Diversus: “No a sa casta de sa dereta de centru e de sa manca de centru”. Frigau (Sni): “Nono a is arringheramentus italianistas”’
(IlMinuto) – Casteddu, 26 de su mes’e maju – “Arremacenciendi is dichiaras de Claudia Zuncheddu ‘nos indipendentistas, mai cun sa dereta’, afirmaus ca s’eletorau nostru est fattu de genti líbera chi s’at espressai cun sa participatzioni a su votu pedendi un’impignu asuba de unus cantu puntus”. Cun custus fueddus Antonello Giuntini, delegau de sa lista cívica “cun Claudia Zuncheddu”, pigat positzioni asuba de su ballotagiu tra Massimo Zedda e Massimo Fantola po su segundhu turnu de is eletzionis comunalis de Casteddu. Sighi a ligi ‘Eletzionis comunalis in Casteddu. Giuntini (lista Zuncheddu): “Mai cun sa dereta”’
(IlMinuto) – Casteddu, 23 de su mes’e maju – Niscuna “anadi tzopa”, chi fessat de binci a su ballotagiu su centru sinistra casteddaiu at a tenni su 60 po centu de is ségius in Consillu comunali. Est cantu precisat cun d-una nota Massimo Zedda, rapresentanti de Sel e candidau a síndhigu de s’alleàntzia de centrusinistra. “Sa majoria in Consillu comunali – scririt Zedda in d-una nota – at essi garentia a chini at a binci a su ballotagiu. Nos eus giai pigau su bóbidu, spintus de is casteddaius chi ant giai sceberau sa frischétzia e sa sa novidadi de su programma nostru”. Ma no totus cussus de sa manca acotzant a Zedda: su Pcl e aMpI cumbidant cun craresa a s’astensioni in su segundhu turnu. Sighi a ligi ‘Eletzionis comunalis in Casteddu. Zedda: “Eus a tenni sa majoria in Consillu”. Pcl e aMpI cumbidant a s’astensioni’
(IlMinuto) – Casteddu, 17 de su mes’e maju – In Casteddu Massimo Zedda e Massimo Fantola ant a bandai a su ballotagiu. A su mamentu is setzionis scuadrignadas funt 173 ndi mancant ancora duas, cun su 45, 15 po centu su candidau a síndhigu de su centrusinistra est ainnantis de su rapresentanti de is Riformatori (44,7 po centu) de calencuna centina de votus. Is eletoris casteddaius ant a depi torrai a is urnas po su ballotagiu tra duas cidas. Totus is àterus candidaus a síndhigu funt abarraus asuta de su cincu po centu pighendi cunsensus strintus strintus ma chi no funt de pagu contu po su segundhu turnu. Sighi a ligi ‘Eletzionis comunalis: ballotagiu Zedda-Fantola. Is votus de is candidaus a síndhigu e de is listas’
(IlMinuto) – Casteddu, 9 de su mes’e maju – Casteddu e Crabònia: funt custas is frimmadas de su totur de Paolo Ferrero, segretàriu natzionali de “Rifondazione comunista”, oi in Sardigna po acotzai a is listas de sa Fds a is eletzionis amministrativas e po nai nono a su nucleari. Custu merì at essi primu in Crabònia a is 17.30 – po un’atóbiu in pratza Roma cun sa genti de su logu – e agoa in Casteddu (20.00,Tterraprenu) po su comìtziu cun su candidau a síndhigu Massimo Zedda e is candidaus de sa Federatzioni de sa Sinistra. Sighi a ligi ‘Eletzionis comunalis: Ferrero (Fds) in Crabònia in Casteddu’
(IlMinuto) – Casteddu, 9 de su mes’e maju – “‘La Repubblica’ comenti Rete Cuatru”. Po Claudia Zuncheddu, candidada a síndhigu de s’alleàntzia indipendentista (Irs, Sni, Paris, Indipendentistas cun s’acotzu esternu de aMpI) a is eletzionis comunalis de Casteddu, su giornali dirigiu de Ezio Mauro “violat a sa lei asuba de sa par condicio e fait disinformatzioni”. Zuncheddu scririt una lítera a Alberto Statera, autori de un’artículu pubblicau su 27 de su mes’e arbili, chi – acrarat sa rapresentanti indipendentista – donat una rapresentatzioni imcumpleta de is candidaus a síndhigu e de is alleàntzias chi ddoi funt. “In su scenàriu políticu casteddaiu – scririt Zuncheddu – comenti candidaus a síndhigu, no ddoi funt scéti is tres óminis, (fillus de arringheramentus de sa política italiana) pigaus in cunsidériu de fustei, ma ddoi funt àterus candidaus e àterus arringheramentus comenti po esémpiu cussu de mimi etotu, chi seu a sa ghia de un’alleàntzia indipendentista e cívica. Un’eventu istóricu de importu mannu in Sardigna”. Sighi a ligi ‘Eletzionis comunalis. Zuncheddu: “‘Repubblica’ violat sa par condicio”, in Casteddu dexi candidaus a síndhigu’
Social
