(IlMinuto) – Casteddu, 17 de su mesi de maju – S’at a isbodiai, domìniga chi benit, 26 de su mesi de maju, po sa festa de su binu nàscia 20 annus fait de un’idea de su Moviventu de su Turismu de su Binu, s’avenimentu Cantinas Obertas 2013, aprontau po is 10.00 de is Cantinas de Patiolla. Una diri ispetziali chi s’at a oberri in sa saba Bentu Estu-Jù Showroon “Enoteca” cun d-unu cunvegnu chi tenit comenti tema: “Sa vidalonga in su Patiolla – at essi po mori de su binu?”. Un’atopu, su de su binu, chi sighit po totu sa diri fintzas a is 22.00, arregallendi a is chi ant a pigai parti momentus bellus meda. Unu caminu de connoscèntzia innoia at essi amostau, de is ghias de sa cantina, comenti s’amustat. Su de Patiolla at essi unu viàgiu aintru de bingias, arti e cultura cun visita ghiada in su territòriu de sa bidda. Sighi a ligi ‘In is Catinas de Patiolla una diri de “Connoscèntzia, cundivisioni, amigàntzia e solidariedadi”’
Archíviu de s'argumentu 'coxina'
(IlMinuto) – Casteddu, 19 de su mesi de totussantus – Un prémiu de importu mannu, su pigau de tres ristorantis sardus, “Sa Ghinghetta” de Portescùsi, Andreini de S’Alighera e “S’Apposentu” de Domu Puddu in Siddi, chi funt stétius arrecumpentzaus cun su prémiu nódiu de is ghias Michelin, intre is prus connotas in su campu “enogastronomico”. Sighi a ligi ‘Sa Sardigna licoinàrgia benit premiada de is Ghias Michelin’
(IlMinuto) – Casteddu, 16 de su mesi de totusantus – Ant a cumetzai de fini de sa fini de su mesi de totusantus is tres cursus apitzus de “Sa ‘multifunzionalità’ de s’impresa agricula: allevamentus de sceberu e produtzioneddas aziendalis”, chi ant a trisinai a is territórius de sa Gallùra, de sa Barbaza e de su Patiolla. Is letzionis, aprontadas de s’Agentzia Laore Sardigna, funt indiritzadas a is meris de is aziendas agriculas e zooténnicas, agriturismus e dominarius didàticus de sa Sardigna e ant a afrontai is temas de su recúperu de is capatzidadis produtivas de is impresas isulanas, donendi a is meris – si ligit in d-una nota - ”Una baga de pigai cumpeténtzias e conoscéntzias ispecificas po disvariai is prodotus aziendalis e de ddis permítiri de amanniai su réditu. Sighi a ligi ‘Arribant is cursus de “multifunzionalità” de s’impresa agricula’
(IlMinuto) – Casteddu, 2 de su mesi de totussantus – S’at a isboddiai sàbudu 3 e domínigu 4 de su mesi de totussantus sa sagra de su tzafanau de Turri. Mancai s’àcua apat trigau sa froridura de s’oru arrúbiu de su Campidanu de Mesu is produsidoris narant de essi animosus in d-un’annaba bella. Sa sagra, aprontada de sa Pro Loco de sa bidda cun s’apógiu de su Comunu de Turri, de sa Provìntzia de su Campidanu de Mesu e de su Consortziu Sa Corona Arrubia, at a cumentzai sàbudu a is 16.30 cun d-una gara de coxina. Sighi a ligi ‘Torrat s’atopu cun sa “Sagra de su tzafanau” de Turri’
(IlMinuto) – Casteddu, 1 de su mesi de totussantus – Arribat in Sardigna su casu brebexinu chi cumbatit a su Colesterolu. Su nòmini suu est “Saludi e Bonesa”, s’at agatai in is butegas a cumentzai de su 5 de su mesi de totussantus chi benit e at a essi bendiu in su mercau ingresu puru. A ddu fai est Argiolas Casus. S’alimentu de sa saludi at a podi essi impitau in is dietas chi tenint pagu colesterolu, poita, “Saludi e Bonesa” portat Omega 3 (“acido linoleico coniugato”). “S’influéntzia recìproca intre Cla, Omega 3 e is àtzidu grassus chi s’agatant in su lati – si ligit in su giassu de Argiolas Casus – atressu de su ‘riequilibrio metabolico’ no fait aumentai a su colesterolu, antzis, ddu podit fai abasciai”. Su casu nou, no solu, est chentza de aditivus aciuntus: Omega 3 e Cla funt otentus in manera naturali de allevamentus sceberaus de brebeis nudriadas cun pasturas de calidadi e chi tenint saludi bella. Is únicus ingredientis de su Casu Brebexinu funt duncas: lati, sabi, “fermenti lattici” e callu. Unu casu, chi chi at a andai a arricai a su mercau de is produtzionis sardas, nàsciu de is diversus istúdius e circas de su Dipartimentu de Isciéntzias ”Biomediche” de s’Universidadi de Casteddu, de su Dipartimentu de Agronomia e Gestioni de s’”Agroecosistema” de s’Universidadi de Pisa, de s’Ispidali Brotzu de Casteddu e de sa Asl 8 de Castedddu. Sighi a ligi ‘Nascit in Sardigna su casu brebexinu “Saludi e Bonesa: unu casu chi cumbatit a su Colesterolu’
(IlMinuto) – Casteddu, 25 de su mesi de ledàminis – Cumentzat oi sa 12a editzioni de sa “Mostra de su Líburu de Macumère“. S’avenimentu, aprontau de sa Regioni Autónoma de sa Sardigna e de su Comunu de Macumère, cun su s’agiudu de sa Provìntzia de Nùgoro, de sa Camera de Cumértziu de Nùgoro, de su Gal de su Màrghine e de Giralangolo Líburus po Piciocus, at a essi inaugurada custu mangianu a is 10.30 in sa fiera aintru de is ex Casermas Mura e at a durai fintzas a su 28 de su mesi de ledàminis chi benit. Sa manifestada de líburus s’at a movi aintru de sa bidda. At essi difatis acasagiada in diversus logus de su comunu de Macumère. Sighi a ligi ‘Lompit a sa 12a editzioni sa Mostra de su Líburu de Macumère’
(IlMinuto) – Casteddu, 23 de su mesi de ledàminis – Si lamat “Cosa de papai po sa menti e cosa de papai po sa carena” s’atopu gastonòmicu nàsciu de una bidea de Stefano Cruccu, s’imbentori de is giassus Crastulo e Scontu, chi s’at a isboddiai in is diris 23 e 24 de su mesi de ledàminis. Sa proposta – si ligit in d-una nota de imprenta – “tenit iscopus medas intre is calis, torrai a pesai is béndidas de is ristorantis, [...] fadendi torrai a iscobèrriri is antigas traditzionis de sa coxina sarda”. S’arretzeta previdit pagus ingredientis: unu chef bravu meda, una fibera de pratus traditzionalis e póberus chi no s’agantant in is coxinas de is ristorantis, is cumbidaus e una letzioni bera de culinària innoia at essi ispiegada sa nàscida de dógnia pratu. Totu costu in su coru de Casteddu a s’ora de cena. Dógnia cumbidau at podi atastai totu su menù fatu de dexi portadas e binu po unu prétziu de 19 eurus. Sighi a ligi ‘“Cosa de papai po sa menti e cosa de papai po sa carena”: in Casteddu sa Sardigna in su pratu’
(IlMinuto) – Casteddu, 16 de su mesi de ledàminis – At essi un’atopu po is amantis berus de su ciuculati su aprontau po cenàbara 19 de su mesi de ledàminis de sa Feltrinelli Point de arruga Paoli 19 in Casteddu. A is 18.00, difatis, Gianluca Aresu at a presentai “Su Ciuculati segundu s’Etoile”. Sighi a ligi ‘Atopus: in sa Feltrinelli Point “Su Ciuculati segundu s’Etoile” de Gianluca Aresu’
Social
