(IlMinuto) – Casteddu, 13 de su mesi de paschixèdda – Torrat s’atopu cun “Prentzas Apertas”. Sèneghe ocannu at a afestai s’ollu suu in is diris 17 e 18 de su mesi de paschixèdda. Unu programa arricu su de s’editzioni de su 2011 de “Prentzas Apertas” cun atastus e bisitas a is mólinus antigus, mostras, cuncertus e passilladas in mountain bike in is livàrius acanta de sa bidda. Sa festa s’at a serrai domínigu a merì cun baddus in pratza e arrustida de petza de su Montiferru (Boi arrúbiu e ‘Melina’). Sighi a ligi ‘Avenimentus: in Sèneghe “Prentzas Apertas”’
Archíviu de s'argumentu 'festas'
(IlMinuto) – Casteddu, 17 de su mesi de totussantus – De su 27 de su mesi de totussantus su Tzentru de Arti e Cultura “Il Lazzaretto” at a aghilliri “Live Art – Festa d’Autunno”: sa primu Festa dedicada a s’arti aprontada de s’Assótziu Culturali Oneiros. “Live Art – Festa d’Autunno” est oberta a calisisiat forma de espressioni, de sa pintura a sa sculpidura, de sa fotografia a su ballu, de su cantu a sa música, de sa “street art” a su “make-up art”, de su “body painting” a sa “giocoleria”. Ddoi ant essi puru illustratzionis, fumetus e meda àteru. Sighi a ligi ‘Avenimentus: in Casteddu “Live Art – Festa d’Autunno”’
(IlMinuto) – Casteddu, 12 de su mesi de ledàminis – Cuàturu diris de dibàtidus, concertus, teatru, tzínema e cosa de papai meda. At essi custu su chi s’at a agatai in sa “Festa Comunista”, in programa de 12 a su 15 de su mesi de ledàminis in parchégius de su PArcu de Monti Claro. Un’atopu dedicau a su tema “A su tzentru is periferias”, cumentzat oi cun sa presentada de su progetu “Biblioteca popolari Antonio Gramsci” (18.00), cun su dibàtidu “Grigio periferia, le scuole di una città dimenticata” (18.30) e cun su concertu “Canzoni di lotta, amore e altri nobili sentimenti”, aprontau de su IlDeposito.org, cun Sergio Durzu e Gigi Stochino (20.30). Sighi a ligi ‘Avenimentus: in Casteddu cuàturu diris de “Festa Comunista”’
(IlMinuto) – Casteddu, 6 de ledàminis – Su 30 de su mesi de ledàminis torrat in Terranòa sa “Festa de su coxineri 2011″. Puru d’editzioni 2011 de s’avenimentu at essi animada de sa beneficetzia e de su bonu coru. Funt, difatis, giai in béndida is billetus de sa loteria de su coxineri. Po su segundu annu de fil’e pari a beneficiai de s’agiudu de is coxineris galluresus at essi s’assótziu “Casa”, chi – si ligit in d-una nota – “gràtzias a is donatzionis at potziu cumentzai is traballus po su fàbricu de sa domu de arricida po is malàdius de cancru”. Sighi a ligi ‘Avenimentus: in Gallùra solidariedadi e cosa de papai bella a sa “Festa de su Coxineri 2011″’
(IlMinuto) – Casteddu, 28 de su mesi de cabudanni – De su 29 de su mesi de cabudanni a su primu de su mesi ledàminis, dibàtidus, ispetàculus e cosa de papai bella meda. At essi custu su programa de “Unità in Festa”, s’atopu de sa Fds de su tzentru istóricu de Casteddu aprontau de is tzirculus de su Prc e de su Pdci, s’unu e s’àteru dedicaus a Palmiro Togliatti. Sa festa s’at tenni in su Terraprenu de s’Arburada Arreina Elène. “In donniuna de is tres diris – si ligit in d-una nota – ddoi at essi unu dibàtidu públicu asuba de temas políticus e sotzialis. Arricu puru su programa de is ispetàculus”. Su primu de is dibàtidus, prevìdiu po cras a is 18.00, at a fueddai de “La Sardegna che lotta contro la crisi”. Sighi a ligi ‘Avenimentus: in Casteddu tres diris de “Unità in Festa”’
(IlMinuto) – Casteddu, 19 de su mesi de cabudanni – Una festa màgica chi tenit s’obietivu de avalorai, torrai a fai bivi e scoberri su bixinau antigu e in su mantessi mamentu tenit puru s’obietivu de fai connosci a sa genti is prodotus de sa traditzioni de sa messarítzia e de sa pastoria de su logu. Est sa festa de su Bixinau, chi s’at a tenni in Seddori su 25 de su mesi de cabudanni. Un’avenimentu allirgau de is musicistas chi sonant in is arrugas, de is launeddas, de sa banda de sa bidda, de s’arrepentina e de is grupus folk. Sighi a ligi ‘Avenimentus: in Seddori “La Festa del Borgo”’
(IlMinuto) – Casteddu, 23 de su mesi de austu – FESTADELMARE torrat in Santa Luxia de Thiniscòle. S’avenimentu, aprontau de Legambiente e fatu cun s’agiudu de is comunus de Thiniscòle e de Posada, sa Provìntzia de Nùgoro e sa Regioni Sardìnnia, s’at a tenni is is diris 2, 3 e 4 de su mesi de cabudanni. Un’atóbiu totu dedicau a su mari chi s’at a sboddiai cun dibàtidus, giogus, concertus, avenunimentus chi tenint in su conru sa cosa de papai e de bufai, música e ispetàculus. Su de su 2011 est unu cartellu arricu meda, chi fait bisitai a sa genti is aparadas fatas de is entis de su territóriu, de is parcus, de is areas amparadas de su mari, de is assótzius e de is aziendas. Sighi a ligi ‘Avenimentus: in Thiniscòle sa VIII editzioni de sa FESTADELMARE’
(IlMinuto) – Casteddu, 4 de su mes’e maju – Música, sport, ambienti, terraglia, fotografias, e àterus ispantus po mannus e pipius. Totu custu at allirgai Lungone gràtzias a s’eventu “Associazioni in Festa”. S’otu de su mes’e maju prus de 40 assótzius de sa citadi gadduresa ant a presentai in pratza de is 10.00 a is 22.00 is próprius fainas, fadendi biri puru comenti traballant, totu in d-una festa manna de caboris e connoscéntzias. Sighi a ligi ‘Apuntamentus: in Lungone “Assótzius in Festa”’
(IlMinuto) – Casteddu, 16 de su mes”e paschixèdda – At a cumetzai cras in Biddaxidru e at a durai fintzas a su 19 de su mes”e paschixèdda sa primu “Festa de is agrùminis” – Aparada agroalimetari asuba “Is bonesas de su Linas”. Sa manifestada at essi – si ligit in d’una nota – “un’ocasioni po iscobèrriri su centru istoricu comunali, cun is particularidadis architetonicas e cun is scrusórgius de sa traditzioni de su logu allogaus aitru de is domus”. S’eventu est aprontau de s’Assótziu “I Vicinati” de Biddaxidru, cu s’agiudu de s’amministratzioni comunali e de sa Provìntzia de su Campidanu de Mesu. Sighi a ligi ‘In Biddaxidru I editzioni de sa “Festa de is agrùminis”’
(IlMinuto) – Casteddu, 9 de su mes”e paschixèdda – “Ajò a Ippuntare”: sàbudu 18 de su mes”e paschixèdda, de is 16.00 a is 22.00, is aziendhas mellus de Usini chi faint binu ant a oberri is ennas de is cantinas insoru a su púbblicu. In nòmini de su deus Bacco sa bidda at a afestai custu nètari miríficu cun atastus in dógnia tretu. Po totu su caminu at essi possíbbili tastai is cosas de su logu, chi ant a beni distribbuias a sa cunsigna de su ticket in is cuatru puntus de atastu signalaus in d’una mappa. Sighi a ligi ‘Usini afestat su piriciolu cun “Ajò a Ippuntare 2010″’
Social
