> ilMinuto – notizie Mediterranee – edizione Sardegna

Archíviu de s'argumentu ''

Pàgina 4 de 8

Una mostra de s’ambienti: In “Santa Lucia” sa setima editzioni de sa Festadelmare

siniscola_2010(IlMinuto) – Casteddu, 26 de su mes”e austu_ Su 10, 11 e 12 de su mes”e cabudanni, in Santa Lucia de Thiniscòle torrat s’apuntamentu cun sa Festadelmare, un’eventu chi promovit su territoriu in Europa e chi allonghiat s’istagioni turistica.
Obbietivu de su “progetu” est sa tutela e s’avaloramntu de s’ambienti de is costeras e de su mari atressu atzionis chi promovint s’isvilupu de su logu.
Sighi a ligi ‘Una mostra de s’ambienti: In “Santa Lucia” sa setima editzioni de sa Festadelmare’

S’Ardia: su 6 e su 7 de su mes”e argiòlas in Sedilu s’ispetaculari cursa a cuaddu po afestai Santu Antinu

(IlMinuto) – Casteddu, 5 de su mes”e argiòlas – Una Bidda in festa. Sedilu, in provìnzia de Aristanis, est conota in totu s’Ísula po S’Ardia, ispetaculari cursa a cuaddu.
Si currit, comenti dogn’annu, su 6 e su 7 de su mes”e argiòlas in s’istérrida de su santuàriu de Santu Antinu. S’eventu bollit ammentai sa bitória chi Costantino Imperadori iat tentu contra a Massenzio in sa batalla de “Ponte Milvio” de su 312 d.C..
S’Ardia – si ligit in d’una nota – “est una proa de balentia, un’atu de fidi, unu signu de devozioni e un’ispetàculu chi t’abarrat in su coru”. Sa cursa meda abetada de is abitantis de su logu, is únicus chi pozant pigai parti ativamenti a sa cosa, at a biri sa lómpida de custa festa su merì de su 6 de su mes”e argiòlas e s’at a ripiti su mangianu de su 7. Comenti dogn’annu sa cursa at essi guidada de sa primu pandela, sighia de àterus duus cuaddaris, sa segunda e sa terza, e de tres iscortas. Dogn’annu participant a s’ispetàculu unus centu cuaddaris chi rapresentant is paganus guidaus de Massenzio.

Surf: in su mes”e cabudanni isfida tra is campionis in Santu Tiadòru

(IlMinuto) – Casteddu, 1 de su mes”e argiòlas – S’annovat s’apuntamentu cun “San Teodoro E…vento”. Puru in sa cuinta edizioni de sa festa de su sport e de su mari, is aprontadoris ant a allistiri una bidda manna de surf chi at a aghilliri totus is amantis, bécius e nous, de su windsurf, kitesurf e de su Paddlesurf (su sport acuaticu nou chi est andendi de moda in is Hawaii).
Su programma de is garas de su 2010 po is professioneris e po cussus chi no funt professioneris at essi arricu de maravíglias. “Ant essi medas – acrarant is aprontadoris – is garas aundi s’ant a cunfrontai is campionis internazionalis prus bravus e totus is no professioneris chi ant a bolli participai”.
In previsioni garas de freestyle, in & out, match race e sa famosa e abetada long distance. Una fatigosu caminu de 20 míglias in su paesagiu ispantosu de s’Arenàrgiu de “La Cinta” e de s’ísula de Tavolara.

Apuntamentus: Arròli afestat Santa Caterina

(IlMinuto) – Casteddu, 4 de su mes”e làmpadas – Passat sèmpiri forti atressu is séculus s’amori de Arròli po Santa Caterina. Custu domínigu s’afestat ancora una borta, difatis, sa festa de su satu dedicada a sa màrtiri invocada contra a totus is tipus de maladias e protetora de chini cosit e de is molinàjus.
Coru de sa festa funt is processionis a cuaddu (asuba de is tracas) tra su centru de sa bidda e sa crésia de su satu (e a s’opostu). “A sa torrada de sa processioni – si ligit in d’una nota – est prevìdia sa benedizioni de is animalis e de totus is participantis, chi s’agatant acanta de sa praz”e crésia”.

Cumpostu (Sni): "Su 2 de su mes”e làmpadas no est sa festa nostra. No eus a baddai cun bosàterus"

(IlMinuto) – Casteddu, 2 de su mes”e làmpadas – “Oi est sa festa de sa Reprúbbica italiana, de una reprúbbica chi at firmau medas trataus po su diritu de soberania de is pópulus ma ca narendi de essi única e ‘definitíva’ negat is próprius diritus a su pópulu nostru, su pópulu sadru”. Est cantu afirmat su cordinadori nazionali de Sardigna Natzione Indipendentzia Bustianu Cumpostu. Po is indipendentistas sadrus su 2 de su mes”e làmpadas no est una diri de festa.
“No podeus fai festa – narat Cumpostu – sa bandhera italiana est scéti sa bandhera de s’ùltimu conchistadori nostru, provaus sa própriu emozioni chi provàt un’italianu candu bidiat sa bandhera austriaca, de unu palestinesu candu bidit cussa israeliana e de unu tibetanu candu bidit cussa cinesa”.
“Poita iaus a depi baddai cun bosàterus”, concluit su cordinadori de Sni. “Is ballus funt de bosàterus. Nos eus a baddai scéti candu ant a benni is ballus nostrus. Su líbburu intitulau ‘Sardegna italiana’ at essi serrau e allogau acanta a cussus de Sardigna aragonesa, pisana e romana. S’istoria nostra at a andai ainnantis e forsis at a arribbai su momentu chi eus a apartèniri a su mundu comenti sadrus”.

Biàgios

Social

Facebook     Twitter     Feed RSS  

In primu pianu

 

mes'e ledàminis: 2019
L M M G C S D
« arb    
 123456
78910111213
14151617181920
21222324252627
28293031  
Formas
S'Urtima nova