(IlMinuto) – Casteddu, 2 de su mesi de fiàrgiu – Est cumentzau su 25 de su mesi de gennàrgiu passau in Igrèsias su Mediterràneu Filmfestival. S’editzioni de su 2012 de s’avenimentu, ca atressu de su tzínema contat is istórias de is pópolus de su Mediterràneu, is culturas e is realidadis de is bixinus nostrus, est dedicada a Vittorio Arrigoni: s’ativista, reporter e scriidori mortu in Gaza su 15 de su mesi arbili passau. Seminàrius, atopus, mostras e proietzionis funt is ingredientis a cundimentu de su Mediterràneu Filmfestival de su 2012. Sighi a ligi ‘Tzínema: in Igrèsias sa VII editzioni de su Mediterràneu Filmfestival in amentu a Vittorio Arrigoni’
Archíviu de s'argumentu 'festival'
(IlMinuto) – Casteddu, 24 de su mesi de gennàrgiu – Est torrau su 20 de su mesi de gennàrgiu passau su festival literàriu spainau “Ananti de sa ziminera”: unu caminu literàriu intre su Montiferru e su Sinis, cun diversus atopus e òspitis. ”Ananti de sa ziminera” 2012 previdit cincu fin’e cida de avenimentus chi “ant a tingi” sa tela literària cun atóbius cun is autoris, una butega de scridura creativa, unu cuncursu literàriu po piciocus, aperitivus a chilómitru zeru e música. Sighi a ligi ‘Avenimentus: torrat puru in su 2012 “Ananti de sa ziminera”’
(IlMinuto) – Casteddu, 28 de su mesi de totussantus – 28 film de 24 línguas de minoria in concursu: funt custus is númerus de sa segunda editzioni de su Babel Film Festival, in programma in Casteddu de oi a su 3 de su mesi de paschixèdda. Sa manifestada at essi oberta custu merì a is 18.00 in su tzínema Odissea de s’arburada Triesti. Agoa de sa presentada de su Festival e de su saludu de is autoridadis, a is 20.00 at essi fatu biri po sa primu borta, totu su film Sonetàula, de Salvatore Mereu. Sa proietzioni at essi intrada de su regista etotu, bincidori de su Babel. Sighi a ligi ‘Tzínema: 24 línguas de minoria in sa segunda editzioni de su Babel Film Festiva’
(IlMinuto) – Casteddu, 25 de su mesi de totussantus – S’at a lamai BodYMind su primu Festival literàriu de Durgali. S’avenimentu s’at a tenni de s’8 a s’11 de su mesi de paschixèdda de su 2011. In su BodYMind s’at a donai boxi a sa literadura, a sa puesia, a s’antropologia, a sa filiosofia, ma puru a su spricullitu de sa menti e de sa carena cun sa dantza e su cantu. Su de Durgali est unu festival chi bolit spricuai is diversas facis de sa carena e de sa menti atressu de s’arti. Sighi a ligi ‘Avenimentus: in Durgali sa primu editzioni de su Festival literàriu BodYMind’
(IlMinuto) – Casteddu, 26 de su mesi de cabudanni – Mérculis 28 de su mesi de cabudanni e gióbia 29 de su mesi de cabudanni – in is aposentus de sa “Cineteca Sarda”, in s’arburada Trieste 126 – a cumentzai – de is 20.30 ddoi at essi sa finali de su MANHATTAN SHORT FILM FESTIVAL. Su Festival de sa tzitadi de New York, lompiu a sa XIII editzioni, proponit dónnia annu unu sceberu de cortometragius fatus de registas giòvanus chi benint de diversus logus de su mundu. Crai de su MANHATTAN SHORT FILM FESTIVAL est proietzioni in su mantessi tempus in 200 tzitadis de su mundu de is 10 “film crutzus” arribaus in finali, est a nai is chi sa diretzioni artística newyorkesa at giudicau prus orizinalis e ginialis fatus de is levas noas de is “registas”. Sighi a ligi ‘Tzínema: Casteddu una de is 200 tzitadis de su MANHATTAN SHORT FILM FESTIVAL’
(IlMinuto) – Casteddu, 5 de su mesi de cabudanni – De su 15 a su 18 de su mesi cabudanni torrat in su bixinau de sa Marina de Casteddu su Festival de Literaduras “Applicate” aprontau de s’Assótziu Culturali Chourmo. Lòmpiu a sa nona editzioni sua, ocannu su Marina Cafè Noir at a chistionai de “Arrugas”. Sighi a ligi ‘Is “Arrugas” de Marina Cafè Noir’
(IlMinuto) – Casteddu, 2 de su mesi de cabudanni – De oi fintzas a su 4 de su mesi de cabudanni torrat in Santu Lussurzu su festival leteràriu “A libro aperto”. S’avenimentu fillu de una bidea de su Comunu in provìntzia de Aristanis, tenit s’agiudu de s’assótziu culturali Quercus, de sa diretzioni artística de su regista de teatru Riccardo Barracu e de sa diretzioni issentífica de Massimo Arcangeli, maistu univertitàriu, linguista, crítigu leteràriu e tzinematograficu. Is tre diris s’ant a sboddiai in d-una fibera de “Caminus de Lézidas”, chi ant a ponni a faci de pari scritoris e ligidoris. Sighi a ligi ‘Avenimentus: a sa V editzioni su festival leteràriu “A libro aperto”’
(IlMinuto) – Casteddu, 29 de su mesi de austu – In Lùngoni torrat su Festival Internatzionali de Jazz “Musica sulle Bocche”. S’avenimentu, cun s’apógiu de sa Regioni Autónoma de Sardìnnia, de sa Provìntzia de Terranòa e de sa Fondatzioni Bancu de Sardìnnia, est nàsciu puru gràtzias a s’agiudu de s’amministratzioni comunali, chi fintzas de sa primu bessida at cretiu in su progetu. De su primu a su 5 de su mesi de cabudanni, in sa bidda de sa Gallùra s’ant a podi ascurtai artistas intre is prus nomenaus de sa música internatzionali. Ocannu su festival musicali, fillu de una bidea de Enzo Favata, si ponit unu bistiri nou oberrendi s’enna a diversus linguàgius musicalis. Sighi a ligi ‘Avenimentus: a sa XI editzioni “Musica sulle Bocche”’
(IlMinuto) – Casteddu, 22 de su mesi de austu – S’at a fai de su 25 a su 28 de su mesi de austu sa VII editzioni de su “Cabudanne de sos poetas”, sa manifestada de poesia aprontada in Sèneghe de s’Assótziu Perda Sonadora. Un’editzioni arrica de atóbius sa de su 2011 aghillia de la bidda de su Montiferru. Ocannu difatis no s’at a fueddai scéti de poesia e literadura, s’at a chistionai puru de istória, de rock, de teatru e de fotogràfia. Dónnia merì at essi obertu a is 20,45 in sa pratza de sos ballos cun “Rapide divagazioni poetiche seneghesi” un’atopu de su giornalista Celestino Tabasso. Sighi a ligi ‘Manifestadas culturalis: in Sèneghe sa VII editzioni de su “Cabudanne de sos poetas”’
(IlMinuto) – Casteddu, 3 de su mesi austu – Su Wine Festival at a torrai in Jersu allirghendi is merì ogiastrinus. De su 4 a su 10 de su mesi austu sa festa chi afestat su Cannoau s’at a tenni aintru de una sémida stravanada e màgica, chi s’at a movi de s’anfiteatru béciu a is arrugas de sa bidda po lompi in su tzentru istóricu. Medas is avenimentus in programma, intre de is calis ddoi funt “Ogliastra Teatro – Festival dei Tacchi”e sa XXXII Sagra de su Binu. Diris de teatru, música e traditzionis. Totu cundiu de unu binu bellu meda e de is pratus tipicus. Sighi a ligi ‘Avenimentus: in Jersu torrat su Wine Festival’
Social
